Asebter amenzawi

Tessumer-d Washington azzun n tuɣdaḍt n Useqqamu n Tɣellist ɣer Uneẓruf Utrim

NEW YORK (Tuddsa n Yeɣlanen Yeddukklen) – Ssumren-d Yiwanaken Yeddukklen n Temrikt, ass n ttlata, ɣef Useqqamu n Tɣellist n Tuddsa n Yeɣlanen Yeddukklen, ad aznen tuɣdaḍt ɣer Uneẓruf Utrim i usseɛjel n ukala (masar) n uferru n taluft gar Terni n Polisario d Meṛṛuk.

Assumer-a amarikani ay d-yellan deg yiwet n temlilit n Useqqamu n Tɣellist ay d-yellan ass n ttlata deffir tewwura tumdilin ɣef Uneẓruf Utrim qeblen-t yimaslaḍen n Useqqamu n Tɣellist, ɣef wakken ay aɣ-d-yenna Ahmed Boukhari, agensas (mumattil) n Terni n Polisario ɣer Tuddsa n Yeɣlanen Yeddukklen.

« Ur d-telli akk kra n tenmegla (muɛaraḍa) deg Useqqamu n Tɣellist ɣef ussumer-nni amarikani », ɣef wakken ay d-yenna.

Iga Useqqamu n Tɣellist, deg 1995, yiwet n tuɣdaḍt d tamezwarut deg Uneẓruf Utrim, maca imi ur msefhamen yimaslaḍen n Useqqamu-a deg tallit-nni, ur tessaweḍ tuɣdaḍt-a ad tuɣal tikkelt niḍen ɣer tmurt-nni.

« Imi addud n Fṛansa, deg Useqqamu n Tɣellist, netta d tuffra n wakk ayen ay la iḍerrun deg Uneẓruf Utrim, ur yessaweḍ Useqqamu ad yazen tuɣdaḍt tis snat », ɣef wakken ay d-yenna.

Yumar Mass Boukhari s ussumer-a amarikani, yernu yenna-d dakken tuɣdaḍt-a ad d-tessken lebɣi n Useqqamu n Tɣellist akken ad yili deg wenrar n taluft-a ay yellan deg wahil-nnes.

Tuɣdaḍt tawḥidt n Useqqamu n Tɣellist deg Uneẓruf Utrim tella-d gar 3 d 9 Yunyu 1995, yernu tḥettet-d ɣef ussefɛel n uɣawas (muxaṭṭaṭ) n uferru, am wakken ay d-twekked rrbeḥ n tuɣdaḍt n Minurso deg weḥraz n weḥbas n yimenɣi.

Deg uṛabul ay d-yellan ɣef tuɣdaḍt-a, yenna-d Useqqamu n Tɣellist dakken lemmer ad d-tettwajbed tuɣdaḍt n Minurso deg yikalen iṣeḥrawiyen yettwaḍḍfen uqbel ma tfuk lewṣaya-nnes, aya yezmer ad d-yeglu s lmaḍerra.