Asebter amenzawi

Aciri n tkabsunt Cygnus n teṛmist Orbital ATK ɣer teɣsert tallunan tagraɣlant

WASHINGTON – Taṛmist tamarikanit Orbital ATK tcar ass n letniyen tameddit takabsunt-is ur nettwazdeɣ Cygnus seg wammas allunan n Wallops deg Uwanek n Virginie akken ad yeg yiwet n tuɣdaḍt n uṣiweḍ n wayen tteḥwiǧin deg Teɣsert tallunant tagraɣlant (ISS), ɣef wakken i nwala srid tugniwin n tliẓri n Nasa.

D affug amezwaru n tmeẓdit Antares, mm sin wannagen, seg i d-yeḍra usehwu mi tekker ad qelleɛ ass n 28 tuber 2014.

Takabsunt Cygnus ad taweḍ s aḥbu n umtiweg deg wazal n mraw n tesdidin seg mi ara tqelleɛ.

Aciri heyyan-t akken ad d-yili ass n lḥedd tameddit maca dehmen-t s 24 n yisragen almend n wexṣar n yiwen n ugatu deg usgalef yellan deg tqaɛet, ɣef wakken i d-yenna umutlay n tnegga tallunant tamarikanit.

Tuɣalin s affug n tmeẓdit Antares nnigal ad yili deg unebdu maca degren-t acḥal n tikkal.

Tuɣḍadt-a n uɛebbi ɣer weḥbu, d tikkelt tis sḍis, ters deg ukatar n yiwen n umtawa yellan gar-as akked Nasa, takabsunt Cygnus tɛebba tikkelt-a 2,3 n yiṭunen n warrumen, ideg tella tgella i sḍis n yinesɣuma n teɣlamt akked yiskula i usermi ussnanen.