ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵛⵉⵔⵉ ⵏ ⵜⴽⴰⴱⵙⵓⵏⵜ ⵛⵢⴳⵏⵓⵙ ⵏ ⵜⴻⵕⵎⵉⵙⵜ ⵧⵔⴱⵉⵜⴰⵍ ⴰⵜⴽ ⵖⴻⵔ ⵜⴻⵖⵙⴻⵔⵜ ⵜⴰⵍⵍⵓⵏⴰⵏ ⵜⴰⴳⵔⴰⵖⵍⴰⵏⵜ

ⵡⴰⵙⵀⵉⵏⴳⵜⵧⵏ – ⵜⴰⵕⵎⵉⵙⵜ ⵜⴰⵎⴰⵔⵉⴽⴰⵏⵉⵜ ⵧⵔⴱⵉⵜⴰⵍ ⴰⵜⴽ ⵜⵛⴰⵔ ⴰⵙⵙ ⵏ ⵍⴻⵜⵏⵉⵢⴻⵏ ⵜⴰⵎⴻⴷⴷⵉⵜ ⵜⴰⴽⴰⴱⵙⵓⵏⵜ-ⵉⵙ ⵓⵔ ⵏⴻⵜⵜⵡⴰⵣⴷⴻⵖ ⵛⵢⴳⵏⵓⵙ ⵙⴻⴳ ⵡⴰⵎⵎⴰⵙ ⴰⵍⵍⵓⵏⴰⵏ ⵏ ⵡⴰⵍⵍⵧⵒⵙ ⴷⴻⴳ ⵓⵡⴰⵏⴻⴽ ⵏ ⵠⵉⵔⴳⵉⵏⵉⴻ ⴰⴽⴽⴻⵏ ⴰⴷ ⵢⴻⴳ ⵢⵉⵡⴻⵜ ⵏ ⵜⵓⵖⴷⴰⴹⵜ ⵏ ⵓⵚⵉⵡⴻⴹ ⵏ ⵡⴰⵢⴻⵏ ⵜⵜⴻⵃⵡⵉⴵⵉⵏ ⴷⴻⴳ ⵜⴻⵖⵙⴻⵔⵜ ⵜⴰⵍⵍⵓⵏⴰⵏⵜ ⵜⴰⴳⵔⴰⵖⵍⴰⵏⵜ (ⵉⵙⵙ), ⵖⴻⴼ ⵡⴰⴽⴽⴻⵏ ⵉ ⵏⵡⴰⵍⴰ ⵙⵔⵉⴷ ⵜⵓⴳⵏⵉⵡⵉⵏ ⵏ ⵜⵍⵉⵥⵔⵉ ⵏ ⵏⴰⵙⴰ.

ⴷ ⴰⴼⴼⵓⴳ ⴰⵎⴻⵣⵡⴰⵔⵓ ⵏ ⵜⵎⴻⵥⴷⵉⵜ ⴰⵏⵜⴰⵔⴻⵙ, ⵎⵎ ⵙⵉⵏ ⵡⴰⵏⵏⴰⴳⴻⵏ, ⵙⴻⴳ ⵉ ⴷ-ⵢⴻⴹⵔⴰ ⵓⵙⴻⵀⵡⵓ ⵎⵉ ⵜⴻⴽⴽⴻⵔ ⴰⴷ ⵇⴻⵍⵍⴻⵄ ⴰⵙⵙ ⵏ 28 ⵜⵓⴱⴻⵔ 2014.

ⵜⴰⴽⴰⴱⵙⵓⵏⵜ ⵛⵢⴳⵏⵓⵙ ⴰⴷ ⵜⴰⵡⴻⴹ ⵙ ⴰⵃⴱⵓ ⵏ ⵓⵎⵜⵉⵡⴻⴳ ⴷⴻⴳ ⵡⴰⵣⴰⵍ ⵏ ⵎⵔⴰⵡ ⵏ ⵜⴻⵙⴷⵉⴷⵉⵏ ⵙⴻⴳ ⵎⵉ ⴰⵔⴰ ⵜⵇⴻⵍⵍⴻⵄ.

ⴰⵛⵉⵔⵉ ⵀⴻⵢⵢⴰⵏ-ⵜ ⴰⴽⴽⴻⵏ ⴰⴷ ⴷ-ⵢⵉⵍⵉ ⴰⵙⵙ ⵏ ⵍⵃⴻⴷⴷ ⵜⴰⵎⴻⴷⴷⵉⵜ ⵎⴰⵛⴰ ⴷⴻⵀⵎⴻⵏ-ⵜ ⵙ 24 ⵏ ⵢⵉⵙⵔⴰⴳⴻⵏ ⴰⵍⵎⴻⵏⴷ ⵏ ⵡⴻⵅⵚⴰⵔ ⵏ ⵢⵉⵡⴻⵏ ⵏ ⵓⴳⴰⵜⵓ ⴷⴻⴳ ⵓⵙⴳⴰⵍⴻⴼ ⵢⴻⵍⵍⴰⵏ ⴷⴻⴳ ⵜⵇⴰⵄⴻⵜ, ⵖⴻⴼ ⵡⴰⴽⴽⴻⵏ ⵉ ⴷ-ⵢⴻⵏⵏⴰ ⵓⵎⵓⵜⵍⴰⵢ ⵏ ⵜⵏⴻⴳⴳⴰ ⵜⴰⵍⵍⵓⵏⴰⵏⵜ ⵜⴰⵎⴰⵔⵉⴽⴰⵏⵉⵜ.

ⵜⵓⵖⴰⵍⵉⵏ ⵙ ⴰⴼⴼⵓⴳ ⵏ ⵜⵎⴻⵥⴷⵉⵜ ⴰⵏⵜⴰⵔⴻⵙ ⵏⵏⵉⴳⴰⵍ ⴰⴷ ⵢⵉⵍⵉ ⴷⴻⴳ ⵓⵏⴻⴱⴷⵓ ⵎⴰⵛⴰ ⴷⴻⴳⵔⴻⵏ-ⵜ ⴰⵛⵃⴰⵍ ⵏ ⵜⵉⴽⴽⴰⵍ.

ⵜⵓⵖⴹⴰⴷⵜ-ⴰ ⵏ ⵓⵄⴻⴱⴱⵉ ⵖⴻⵔ ⵡⴻⵃⴱⵓ, ⴷ ⵜⵉⴽⴽⴻⵍⵜ ⵜⵉⵙ ⵙⴹⵉⵙ, ⵜⴻⵔⵙ ⴷⴻⴳ ⵓⴽⴰⵜⴰⵔ ⵏ ⵢⵉⵡⴻⵏ ⵏ ⵓⵎⵜⴰⵡⴰ ⵢⴻⵍⵍⴰⵏ ⴳⴰⵔ-ⴰⵙ ⴰⴽⴽⴻⴷ ⵏⴰⵙⴰ, ⵜⴰⴽⴰⴱⵙⵓⵏⵜ ⵛⵢⴳⵏⵓⵙ ⵜⵄⴻⴱⴱⴰ ⵜⵉⴽⴽⴻⵍⵜ-ⴰ 2,3 ⵏ ⵢⵉⵟⵓⵏⴻⵏ ⵏ ⵡⴰⵔⵔⵓⵎⴻⵏ, ⵉⴷⴻⴳ ⵜⴻⵍⵍⴰ ⵜⴳⴻⵍⵍⴰ ⵉ ⵙⴹⵉⵙ ⵏ ⵢⵉⵏⴻⵙⵖⵓⵎⴰ ⵏ ⵜⴻⵖⵍⴰⵎⵜ ⴰⴽⴽⴻⴷ ⵢⵉⵙⴽⵓⵍⴰ ⵉ ⵓⵙⴻⵔⵎⵉ ⵓⵙⵙⵏⴰⵏⴻⵏ.