ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⵀⴻⵏⴷ ⵜⴻⵖⵙ ⴰⴷ ⵜⴻⵙⵙⴻⵊⵀⴻⴷ ⴰⵎⵢⴰⵍⴻⵍ-ⵏⵏⴻⵙ ⴷ ⵍⴻⵣⵣⴰⵢⴻⵔ ⴷⴻⴳ ⵢⵉⵏⵓⵔⴰⵔ ⵢⴻⵎⴳⴻⵔⵔⴰⴷⴻⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵡⴻⵏⵎⴰⵣⵓⵍ (ⵏⴰ’ⵉⴱ) ⵏ ⵓⵙⴻⵍⵡⴰⵢ ⴰⵀⴻⵏⴷⵉ, ⵎⵧⵀⴰⵎⵎⴰⴷ ⵀⴰⵎⵉⴷ ⴰⵏⵙⴰⵔⵉ, ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷⴰⴽⴽⴻⵏ ⵢⴻⵖⵙ ⴰⴷ ⵜⴻⵙⵙⴻⵊⵀⴻⴷ ⵜⵎⵓⵔⵜ-ⵏⵏⴻⵙ ⴰⵎⵢⴰⵍⴻⵍ (ⵜⴰⵄⴰⵡⵓⵏ) ⴷ ⵍⴷⵣⴰⵢⴻⵔ ⴷⴻⴳ ⵢⵉⵏⵓⵔⴰⵔ ⵢⴻⵎⴳⴻⵔⵔⴰⴷⴻⵏ, ⵍⴰⴷⵖⴰ ⴷⴻⴳ ⵜⴻⵥⵡⴻⵔⵜ ⵜⵉⵎⵉⵖⴻⵙⵜ ⵜⴰⵖⴰⵔⵉⵎⵜ, ⵜⴰⵎⴳⵓⵔⵉ ⵜⴰⴳⴻⵏⵡⴰⵍⵍⵓⵏⴰⵏⵜ ⴷ ⵜⴻⵎⴳⵓⵔⵉ ⵏ ⵢⵉⵙⴰⴼⴰⵔⴻⵏ.
« ⵜⴻⵖⵙ ⵍⵀⴻⵏⴷ ⴰⴷ ⴷ-ⵜⴻⵙⴷⵓⵇⵇⴻⵙ ⴰⵙⵙⵖⴻⵏ ⵏ ⵡⴻⵎⵢⴰⵍⴻⵍ ⴷ ⵍⴻⵣⵣⴰⵢⴻⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴰⵏⵙⴰⵔⵉ ⴷⴻⴳ ⵜⴳⴰⵔⴰ ⵏ ⵡⴻⵎⵢⴰⴳⴻⵔ ⴰⵢ ⴷ-ⵢⴻⵍⵍⴰⵏ ⴳⴰⵔ-ⴰⵙ ⴷ ⵓⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ.
ⵢⴻⵏⵏⴰ-ⴷ ⴷⴰⴽⴽⴻⵏ ⵙⵏⴰⵜ-ⴰ ⵏ ⵜⵎⵓⵔⴰ ⵙⵙⴻⵏⴼⴰⵍⵉⵏⵜ-ⴷ ⵜⵉⵖⴻⵙⵜ-ⵏⵙⴻⵏⵜ (ⵉⵔⴰⴷⴰ) ⴰⴽⴽⴻⵏ « ⴰⴷ ⴷ-ⵙⴷⵓⵇⵇⵙⴻⵏⵜ ⴰⵙⵙⴰⵖⴻⵏ-ⴰ ⵢⴻⵔⵏⵓ ⴰⴷ ⵅⴻⴷⵎⴻⵏⵜ ⴷⴷⵓⴽⴽⵍⵉ ⴷⴻⴳ ⵢⵉⵏⵓⵔⴰⵔ ⵢⴻⵎⴳⴻⵔⵔⴰⴷⴻⵏ ⴰⵎ ⵜⴻⵥⵡⴻⵔⵜ (ⵟⴰⵇⴰ) ⵜⵉⵎⵉⵖⴻⵙⵜ ⵉ ⵢⴻⵙⵡⴰⵏ ⵏ ⵜⴰⵍⵡⵉⵜ, ⵜⴰⵎⴳⵓⵔⵉ ⵜⴰⴳⴻⵏⵡⴰⵍⵍⵓⵏⴰⵏⵜ, ⵜⴰⵎⴳⵓⵔⵉ ⵏ ⵢⵉⵙⴰⴼⴰⵔⴻⵏ ⴷ ⵜⴻⵙⵏⴰⵜⵡⵉⵍⵉⵏ ⵏ ⵓⵙⵙⴻⵍⵖⵓ ⴷ ⵜⴻⵖⵡⴰⵍⵜ ».
ⵢⴻⵏⵏⴰ-ⴷ ⴷⴰⵖ ⴷⴰⴽⴽⴻⵏ ⴰⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵢⴻⵙⵎⴻⴽⵜⵉ-ⴷ, ⴷⴻⴳ ⵡⴻⵎⵢⴰⴳⴻⵔ-ⵏⵏⴻⵙ, « ⴰⵎⴻⵣⵔⵓⵢ ⵖⴻⵣⵣⵉⴼⴻⵏ ⴰⵢ ⵉⵛⴻⵔⴽⴻⵏ ⵍⴻⵣⵣⴰⵢⴻⵔ ⴷ ⵍⵀⴻⵏⴷ ⵓⵇⴱⴻⵍ ⴷ ⴷⴻⴼⴼⵉⵔ ⵓⵣⴰⵔⵓⴳ (ⵉⵙⵜⵉⵇⵍⴰⵍ) ».
«ⵏⴻⵎⵙⴻⴼⵀⴰⵎ ⴰⴷ ⴷ-ⵏⴻⵙⴷⵓⵇⵇⴻⵙ ⴰⵙⵙⴰⵖⴻⵏ-ⵏⵏⴻⵖ ⵢⴻⵔⵏⵓ ⴰⴷ ⵜⴻⵏ-ⵏⴻⵙⵙⴰⵍⵇⴻⵢ ⵓⴳⴰⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵏⵏⴰ-ⴷ ⴷⴰⴽⴽⴻⵏ ⵢⴻⴱⴷⴻⵔ-ⴷ ⴷ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⵜⵉⵎⵙⴰⵍ ⵜⵉⵎⵏⴰⴹⴰⵏⵉⵏ ⴷ ⵜⴻⴳⵔⴰⵖⵍⴰⵏⵉⵏ ⵉⵛⴻⵔⴽⴻⵏ ⵙⵏⴰⵜ-ⴰ ⵏ ⵜⵎⵓⵔⴰ.
«ⵍⴻⵣⵣⴰⵢⴻⵔ ⴷ ⵍⵀⴻⵏⴷ ⵛⴻⵔⴽⴻⵏⵜ-ⵜⴻⵏⵜ ⵜⵎⵓⵖⵍⵉⵡⵉⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵟⴰⵙ ⵏ ⵜⴻⵎⵙⴰⵍ ⵜⵉⴳⵔⴰⵖⵍⴰⵏⵉⵏ ⴰⵎ ⵢⵉⵎⴻⵏⵖⵉ ⵎⴳⴰⵍ ⵜⵔⴻⵎⵎⵉⵖⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
