ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵢⴻⵣⵎⴻⵔ ⴰⴷ ⵢⴻⵜⵜⵡⴰⵔⵥⴻⵎ ⵡⴻⵎⵙⵉⵣⵡⴻⵔ ⵉ ⵓⵙⵙⵉⴷⴻⴼ ⵏ ⵢⵉⵙⴻⵍⵎⴰⴷⴻⵏ ⴰⵙⴻⴳⴳⴰⵙ ⴰⵢ ⴷ-ⵢⴻⵜⵜⴻⴷⴷⵓⵏ (ⵜⴰⵏⴻⵖⵍⴰⴼⵜ)
ⵍⴻⴱⵍⵉⴷⴰ– ⵜⴻⵏⵏⴰ-ⴷ ⵜⵏⴻⵖⵍⴰⴼⵜ ⵏ ⵓⵙⵙⴻⴳⵎⵉ ⴰⵖⴻⵍⵏⴰⵡ, ⵏⵧⵓⵔⵉⴰ ⴱⴻⵏⴳⵀⴰⴱⵔⵉⵜ, ⴰⵙⵙ ⵏ ⵍⴰⵕⴻⴱⵄⴰ ⴷⴻⴳ ⵍⴻⴱⵍⵉⴷⴰ, ⴷⴰⴽⴽⴻⵏ ⵢⴻⵣⵎⴻⵔ ⴰⴷ ⴷ-ⵢⵉⵍⵉ ⵡⴻⵎⵙⵉⵣⵡⴻⵔ ⵉ ⵓⵙⵙⵉⴷⴻⴼ ⵏ ⵢⵉⵙⴻⵍⵎⴰⴷⴻⵏ ⵉⵎⴰⵢⵏⵓⵜⴻⵏ ⴷⴻⴳ ⵜⵏⴻⴳⵡⴰ ⵏ ⵜⵓⵙⵏⴰⴽⵜ ⴷ ⵜⵙⴻⵏⴳⴰⵎⴰ (ⴼⵉⵣⵢⴰ’) ⴰⵙⴻⴳⴳⴰⵙ ⴰⵢ ⴷ-ⵢⴻⵜⵜⴻⴷⴷⵓⵏ.
ⴷⴻⴳ ⵜⵔⵉⵔⵉⵜ ⵖⴻⴼ ⵢⵉⵡⴻⵜ ⵏ ⵜⵓⵜⵜⵔⴰ ⵏ ⵜⵏⴻⴳⴳⴰ ⵏ ⵜⵖⴻⵎⵙⴰ ⵏ ⵍⴷⵣⴰⵢⴻⵔ, ⴷⴻⴳ ⵢⵉⵊⵉⴼⴻⵕ ⵏ ⵡⴰⵙⵙ ⵏ ⵜⴻⵣⵔⴰⵡⵜ ⵖⴻⴼ « ⴰⵚⴻⴳⴳⴻⵎ ⴰⵙⴻⵏⵙⴻⴳⵎⴰⵏ: ⴷ ⵜⵉⵔⵉⵔⵉⵜ ⵉ ⵢⴻⵍⵖⴰⵏ ⵉⵖⵓⵔⴱⵉⵣⴻⵏ », ⵜⴻⵏⵏⴰ-ⴷ ⵎⴰⵙⵙⴰ ⴱⴻⵏⴳⵀⴰⴱⵔⵉⵜ ⴷⴰⴽⴽⴻⵏ ⴰⵎⵙⵉⵣⵡⴻⵔ-ⴰ, ⵎⴰ ⵢⴻⵜⵜⵡⴰⵙⵙⵓⴷⴷⴻⵙ, ⴰⴷ ⵢⴻⵔⵣⵓ ⴽⴰⵏ ⵜⵓⵙⵏⴰⴽⵜ ⴷ ⵜⵙⴻⵏⴳⴰⵎⴰ.
ⴷⴻⴳ ⵜⵉⵏⴰⵡⵜ-ⵏⵏⴻⵙ ⵡⴻⵔⵥⴰⵎ ⴷⴻⴳ ⵡⴻⵎⵢⴰⴳⴻⵔ-ⴰ, ⵜⵡⴻⴽⴽⴻⴷ-ⴷ ⵜⵏⴻⵖⵍⴰⴼⵜ ⴷⴰⴽⴽⴻⵏ ⴰⵖⵍⵉⴼ-ⵏⵏⴻⵙ ⵢⴻⵙⵍⵓⵎⵎⴻⵙ ⵓⵙⵙⵉⵙⴻⵏ-ⵏⵏⴻⵙ (ⴵⵓⵀⵓⴷ), ⴰⵙⴻⴳⴳⴰⵙ-ⴰ, ⵖⴻⴼ ⵜⵙⴻⵏⵙⴻⴳⵎⵉⵜ ⵉ ⵓⵙⵙⴻⵍⵀⵓ ⵏ ⵡⴻⵍⵎⴰⴷ ⵙ ⵓⵙⵙⵓⴷⴷⴻⵙ ⵏ ⵡⴰⵛⵃⴰⵍ ⵏ ⵢⴻⵎⵢⴰⴳⵔⴻⵏ ⴰⵢⴷⴻⴳ ⴰⵢ ⴷ-ⵢⴻⵜⵜⵡⴰⴽⵛⴻⴼ ⴷⴰⴽⴽⴻⵏ ⵢⴻⵍⵍⴰ-ⴷ ⵍⴻⵅⵚⴰⵚ ⴷ ⴰⵎⴻⵇⵔⴰⵏ ⴷⴻⴳ ⵜⵏⴻⴳⵡⴰ (ⵎⴰⵡⴰⴷ) ⵜⵉⴳⴻⵊⴷⴰⵏⵉⵏ.
ⴰⵅⴻⴷⴷⵉⵎ ⴰⵢ ⴷ-ⵜⴳⴰ ⴷⴻⴳ ⵜⴰⵍⵍⵉⵜ ⵏ ⵓⵙⴻⴳⴳⴰⵙ ⵜⴻⵙⵎⵉⵍⵜ ⴰⵢ ⴷ-ⵢⴻⵙⵙⴻⴱⴷⴻⴷ ⵡⴻⵖⵍⵉⴼ-ⵏⵏⴻⵙ (ⴷ ⵜⵉⵏ ⴰⵢⴷⴻⴳ ⵜⵜⴻⴽⴽⴰⵏ ⵢⵉⵎⴰⵙⵡⴰⴹⴻⵏ, ⵉⵙⴷⴰⵡⴰⵏⴻⵏ ⴷ ⵢⵉⵙⴻⵍⵎⴰⴷⴻⵏ) ⵜⴻⵙⵙⴰⵡⴻⴹ ⵖⴻⵔ ⵡⴻⴽⵛⴰⴼ ⵏ ⵜⵓⵛⵛⴹⵉⵡⵉⵏ ⴰⵢ ⵣⴳⴰⵏ ⵜⵜⴳⴻⵏⵜ-ⵜⴻⵏⵜ ⵢⵉⴱⴰⵍⵎⵓⴷⴻⵏ ⵏ ⵡⴻⵙⵡⵉⵔ ⴰⵎⴻⵏⵣⵓ ⴷ ⵓⵍⴻⵎⵎⴰⵙ, ⴷⵖⴰ ⴷ ⴰⵢⴰ ⴰⵔⴰ ⵢⴻⴵⴵⴻⵏ ⴰⴷ ⴷ-ⵉⵍⵉⵏⵜ ⵜⵉⴼⵔⴰⵜⵉⵏ ⵙ ⵓⵀⴻⵢⵢⵉ ⵏ ⵡⴰⵍⵍⴰⵍⴻⵏ ⵉⵙⴻⵏⵙⴻⴳⵎⴰⵏⴻⵏ (ⴱⵉⴷⴰⵖⵓⴵⵉⵢⵢⴰ) ⵉⵡⴰⵜⴰⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵏⴻⴳⵡⴰ ⵜⵉⴳⴻⵊⴷⴰⵏⵉⵏ ⴰⵎ ⵜⵓⵜⵍⴰⵢⵜ ⵜⴰⵄⵕⴰⴱⵜ ⴰⵢ ⵢⴻⵍⵍⴰⵏ ⴷ ⵢⵉⵡⴻⵏ ⵙⴻⴳ ⵜⵜⴰⵡⵉⵍⴰⵜ ⵏ ⵡⴻⵔⴱⴰⵃ ⴷⴻⴳ ⵜⴻⵣⵔⴰⵡⵉⵏ ⵉⵎⵉ ⴷ ⵏⴻⵜⵜⴰⵜ ⴰⵢ ⴷ ⵜⵓⵜⵍⴰⵢⵜ ⵏ ⵓⵙⵙⴻⵍⵎⴻⴷ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵎⴰⵙⵙⴰ ⴱⴻⵏⴳⵀⴰⴱⵔⵉⵜ.
