ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵍⴻⵣⵣⴰⵢⴻⵔ/ⵉⵍⴻ-ⴷⴻ-ⴼⵔⴰⵏⵛⴻ: « ⵏⴻⵙⵙⴰⵔⴰⵎ ⵜⵉⵛⵛⵓⵔⴽⴰ ⴷⴻⴳ ⵡⴻⵙⵏⴻⴼⵍⵉ ⴰⴷⴰⵎⵙⴰⵏ ⴷ ⵡⵓⵎⴹⵉⵏ » (ⵠⴰⵍⴻⵔⵉⴻ ⵒⴻⵛⵔⴻⵙⵙⴻ)
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵏⵏⴰ-ⴷ ⵜⵙⴻⵍⵡⴰⵢⵜ ⵏ ⵓⵙⴻⵇⵇⴰⵎⵓ ⴰⵎⵏⴰⴹⴰⵏ ⵏ ⵉⵍⴻ-ⴷⴻ-ⴼⵔⴰⵏⵛⴻ, ⵎⴰⵙⵙⴰ ⵠⴰⵍⴻⵔⵉⴻ ⵒⴻⵛⵔⴻⵙⵙⴻ, ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⴷⴰⴽⴽⴻⵏ ⵜⴻⵙⵙⴰⵔⴰⵎ ⴰⴷ ⵜⵉⵍⵉ ⵜⵉⵛⵛⵓⵔⴽⴰ ⵖⴻⴼ ⵜⴻⵎⵙⴰⵍ ⵏ ⵡⴻⵙⵏⴻⴼⵍⵉ ⴰⴷⴰⵎⵙⴰⵏ ⴷ ⵡⵓⵎⴹⵉⵏ ⴳⴰⵔ ⵜⴻⵎⵏⴰⴹⵜ-ⴰ ⵜⴰⴼⵕⴻⵏⵙⵉⵙⵜ ⴷ ⵜⵡⵉⵍⵢⵜ ⵏ ⵍⴻⵣⵣⴰⵢⴻⵔ.
« ⵏⴻⵙⵙⴰⵔⴰⵎ ⴰⴷ ⴷ-ⵜⵉⵍⵉ ⵜⵉⵛⵛⵓⵔⴽⴰ ⴷⴻⴳ ⵜⴻⵎⵙⴰⵍ ⵏ ⵡⴻⵙⵏⴻⴼⵍⵉ ⴰⴷⴰⵎⵙⴰⵏ ⴷ ⵡⵓⵎⴹⵉⵏ ⴳⴰⵔ ⵉⵍⴻ-ⴷⴻ-ⴼⵔⴰⵏⵛⴻ ⴷ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⵡⴻⴽⴽⴻⴷ ⵜⵎⴰⵙⴰⵢⵜ-ⴰ (ⵎⴰⵙ’ⵓⵍⴰ) ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⴰⵢ ⵜⴳⴰ ⵙ ⵡⴻⵃⴷⴰⵕ ⵏ ⵢⵉⵏⴻⵍⵎⴰⴷⴻⵏ ⵏ ⵓⵖⴻⵔⴱⴰⵣ ⵉⵎⵉⵏⴻⴳ ⴰⴷⵣⴰⵢⵔⵉ ⵏ ⵢⵉⵡⴻⵥⵍⴰ ⵉ ⵍⵎⴻⵏⴷ ⵏ ⵜⴻⵔⵣⵉ-ⵏⵏⴻⵙ ⵖⴻⴼ ⵍⴷⵣⴰⵢⴻⵔ.
ⴰⵙⴰⵔⴰⴳ-ⴰ ⵢⴻⵍⵍⴰ-ⴷ ⵖⴻⴼ « ⵡⴻⵙⴼⴰⵔ ⴷ ⵡⵓⵎⴹⵉⵏ: ⵍⵍⵙⵉⵙⴰⵏ ⵏ ⵜⵉⵛⵛⵓⵔⴽⴰ ⵜⴰⵎⴰⵢⵏⵓⵜ ⴳⴰⵔ ⵜⵓⵕⵓⴼⵜ ⴷ ⵜⵎⵓⵔⴰ ⵏ ⵡⴻⴳⵔⴰⴽⴰⵍ? » ⵙ ⵡⴻⵃⴷⴰⵕ ⵏ ⵡⴻⵏⵎⴰⵀⴰⵍ ⵏ ⴼⵕⴰⵏⵙⴰ ⴷⴻⴳ ⵍⴻⵣⵣⴰⵢⴻⵔ, ⴱⴻⵔⵏⴰⵔⴷ ⴻⵎⵉⴻ, ⴰⵙⴻⵍⵡⴰⵢ ⵏ ⵜⴻⵅⵅⴰⵎⵜ ⵜⴰⴷⵣⴰⵢⵔⵉⵜ ⵏ ⵜⵏⴻⵣⵣⵓⵜ ⴷ ⵜⴻⵎⴳⵓⵔⵉ ⴷ ⵓⵙⴻⵍⵡⴰⵢ ⵏ ⵓⵙⴻⵇⵇⴰⵎⵓ ⵏ ⵜⴻⴷⴱⴻⵍⵜ ⵏ ⵓⵖⴻⵔⴱⴰⵣ ⵉⵎⵉⵏⴻⴳ ⵏ ⵢⵉⵡⴻⵥⵍⴰ, ⴷ ⵓⵏⴻⵎⵀⴰⵍ-ⵏⵏⴻⵙ ⴰⵎⴰⵜⵓ, ⵒⴰⵜⵔⵉⵛⴽ ⵎⵉⵛⵀⴻⵍⴻⵜⵜé.
ⵜⴻⵏⵏⴰ-ⴷ ⵜⴻⵎⵙⴰⵔⴰⴳⵜ-ⴰ ⴷⴰⴽⴽⴻⵏ ⵉⵙⵡⵉ ⵏ ⵜⴻⵔⵣⵉ-ⵏⵏⴻⵙ ⴷⴻⴳ ⵍⴷⵣⴰⵢⴻⵔ ⴷ « ⴰⵙⵙⴻⴼⵄⴻⵍ ⴷ ⵓⵙⵙⴻⵊⵀⴻⴷ » ⵏ ⵜⵉⵛⵛⵓⵔⴽⴰ ⴳⴰⵔ ⵜⴻⵎⵏⴰⴹⵜ ⵏ ⵉⵍⴻ-ⴷⴻ-ⴼⵔⴰⵏⵛⴻ ⴷ ⵜⵡⵉⵍⴰⵢⵜ ⵏ ⵍⴻⵣⵣⴰⵢⴻⵔ, ⴰⵎ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⴷⴰⴽⴽⴻⵏ ⵍⴻⵎⵎⴻⵔ ⵙⵏⴰⵜ-ⴰ ⵏ ⵜⴻⵎⵏⴰⴹⵉⵏ ⵓⵔ ⵙⴻⵄⵄⵓⵏⵜ ⵜⵉⵛⵛⵓⵔⴽⴰ, ⴰⵢⴰ ⴰⴷ ⴷ-ⵢⵉⵍⵉ ⴷ « ⵜⵉⵣⵣⴻⵍⴳⵉ ⵓⵔ ⵢⴻⵜⵜⵡⴰⴼⵀⴰⵎⴻⵏ ».
ⵜⴻⵏⵏⴰ-ⴷ ⴷⴰⵖ ⵍⵍⴰⵏⵜ ⵜⵣⴻⵎⵎⴰⵔ ⴷ ⵜⵉⵎⴻⵇⵔⴰⵏⵉⵏ ⴰⴽⴽⴻⵏ ⴰⴷ ⴷ-ⵉⵍⵉⵏⵜ ⵜⵉⵕⵎⵉⵙⵉⵏ ⵜⵉⴷⵣⴰⵢⵔⵉⵢⵉⵏ ⴷ ⵜⴻⴼⵕⴻⵏⵙⵉⵙⵉⵏ ⴰⵔⴰ ⵉⴳⴻⵏ ⵜⵉⵛⵛⵓⵔⴽⴰ ⴷⴻⴳ ⵡⴻⵏⵔⴰⵔ ⵏ ⵡⴻⵎⵢⴰⵍⴻⵍ (ⵜⴰⵄⴰⵡⵓⵏ) ⵓⵎⴹⵉⵏ, ⵢⴻⵔⵏⵓ ⵜⵉⵛⵛⵓⵔⴽⴰ ⴰⵎ ⵜⴰ ⴰⴷ ⵜⴻⵜⵜⴻⴽⴽⵉ ⴷⴻⴳ ⵡⴻⵙⵏⵓⵍⴼⵓ ⵏ ⵓⵥⴻⴹⴹⴰ ⵏ ⵜⴻⵕⵎⵉⵙⵉⵏ ⴳⴰⵔ ⵙⵏⴰⵜ-ⴰ ⵏ ⵜⵎⵓⵔⴰ.
