Asebter amenzawi
Lezzayer/Ile-de-France: « Nessaram ticcurka deg wesnefli adamsan d wumḍin » (Valerie Pecresse)
LEZZAYER TAMANEɣT – Tenna-d tselwayt n Useqqamu Amnaḍan n Ile-de-France, Massa Valerie Pecresse, deg Lezzayer Tamaneɣt, dakken tessaram ad tili ticcurka ɣef temsal n wesnefli adamsan d wumḍin gar temnaḍt-a tafṛensist d twilyt n Lezzayer.
« Nessaram ad d-tili ticcurka deg temsal n wesnefli adamsan d wumḍin gar Ile-de-France d twilayt n Lezzayer », ɣef wakken ay d-twekked tmasayt-a (mas’ula) deg yiwen n usarag ay tga s weḥdaṛ n yinelmaden n Uɣerbaz Imineg Adzayri n Yiweẓla i lmend n terzi-nnes ɣef Ldzayer.
Asarag-a yella-d ɣef « Wesfar d wumḍin: llsisan n ticcurka tamaynut gar Tuṛuft d tmura n Wegrakal? » s weḥdaṛ n wenmahal n Fṛansa deg Lezzayer, Bernard Emie, aselway n Texxamt Tadzayrit n Tnezzut d Temguri d uselway n useqqamu n tedbelt n Uɣerbaz Imineg n Yiweẓla, d unemhal-nnes amatu, Patrick Micheletté.
Tenna-d temsaragt-a dakken iswi n terzi-nnes deg Ldzayer d « assefɛel d ussejhed » n ticcurka gar temnaḍt n Ile-de-France d twilayt n Lezzayer, am wakken ay d-tenna dakken lemmer snat-a n temnaḍin ur seɛɛunt ticcurka, aya ad d-yili d « tizzelgi ur yettwafhamen ».
Tenna-d daɣ llant tzemmar d timeqranin akken ad d-ilint tiṛmisin tidzayriyin d tefṛensisin ara igen ticcurka deg wenrar n wemyalel (taɛawun) umḍin, yernu ticcurka am ta ad tettekki deg wesnulfu n uẓeḍḍa n teṛmisin gar snat-a n tmura.
