ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵖⵔⵉ ⵏ ⴼⴰⵍⴻⵙⵟⵉⵏ ⵉ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ ⴰⴷ ⵃⴻⵜⵜⵎⴻⵏ ⵉⵙⵕⴰⵢⵉⵍ ⴰⴷ ⵜⴼⴰⴽ ⵜⵓⴹⴹⴼⴰ-ⵏⵏⴻⵙ ⵢⴻⴼⴼⵖⴻⵏ ⵉ ⵍⵇⴰⵏⵓⵏ
ⵏⴻⵡ ⵢⵓⵔⴽ – ⵙⵙⵓⵜⵔⴻⵏ ⵢⵉⴼⴰⵍⴻⵙⵟⵉⵏⵉⵢⴻⵏ, ⴰⵙⵙ ⵏ ⵍⴰⵕⴻⴱⵄⴰ, ⵙⴻⴳ ⵓⵙⴻⵇⵇⴰⵎⵓ ⵏ ⵜⵖⴻⵍⵍⵉⵙⵜ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⴽⴽⴻⵏ « ⴰⴷ ⵢⴻⴷⴷⴻⵎ ⵜⴰⵎⴰⵙⵉⵜ-ⵏⵏⴻⵙ » (ⵎⴰⵙ’ⵓⵍⵉⵢⵢⴰ) ⵢⴻⵔⵏⵓ ⴰⴷ ⵜⵃⴻⵜⵜⴻⵎ ⵉⵙⵕⴰⵢⵉⵍ ⴰⴷ ⵜⴼⴰⴽ ⴰⵙⵙⴻⵀⵔⴻⵙ-ⵏⵏⴻⵙ (ⵉⵙⵜⵉⵄⵎⴰⵔ) ⵢⴻⴼⴼⵖⴻⵏ ⵉ ⵍⵇⴰⵏⵓⵏ.
ⴷⴻⴳ ⵡⴰⵡⴰⵍ-ⵏⵏⴻⵙ ⵉ ⵓⵙⴻⵇⵇⴰⵎⵓ ⴷⴻⴳ ⵢⵉⵡⴻⵏ ⵏ ⵡⴻⵙⴽⴰⵙⵉ ⵖⴻⴼ ⵡⴻⴳⵎⵓⴹ ⴰⵍⴻⵎⵎⴰⵙ, ⵢⴻⵜⵜⵀⴻⵎ ⵡⴻⵏⵎⴰⵀⴰⵍ (ⵙⴰⴼⵉⵔ) ⴰⴼⴰⵍⴻⵙⵟⵉⵏⵉ, ⵔⵉⵢⴰⴷ ⵎⴰⵏⵙⵧⵓⵔ, ⵉⵙⵕⴰⵢⵉⵍ ⵙ ⵓⵙⵙⴻⵅⵚⴻⵔ ⵏ ⵡⴰⴽⴽ ⵉⵖⴰⵡⴰⵙⴻⵏ ⴰⵢ ⴷ-ⵢⴻⵍⵍⴰⵏ ⵉ ⵍⵎⴻⵏⴷ ⵏ ⵍⴻⴱⵏⵉ ⵏ ⵓⵡⴰⵏⴰⴽ (ⴷⴰⵡⵍⴰ) ⴰⴼⴰⵍⴻⵙⵟⵉⵏⵉ.
« ⵜⵉⵖⵔⴰ ⵜⵉⴳⵔⴰⵖⵍⴰⵏⵉⵏ ⵉ ⵓⴼⴰⴽⵉ ⵏ ⵢⴻⵔⵎⵓⴷⴻⵏ ⵏ ⵓⵙⵙⴻⵀⵔⴻⵙ ⵉⵙⵕⴰⵢⵉⵍⵉ ⴷ ⵜⴻⵊⵔⵉⵎⵉⵏ ⵎⴳⴰⵍ ⵢⵉⴼⴰⵍⴻⵙⵟⵉⵏⵉⵢⴻⵏ ⵢⴻⵙⵙⴻⴼⴽ ⴰⴷ ⴷ-ⵉⵍⵉⵏ ⵢⵉⴷ-ⵙⴻⵏ ⵢⵉⵃⴻⵣⵣⵉⴱⴻⵏ ⵉⵇⵓⵔⴰⵏⴻⵏ ⴷ ⵢⴻⴽⵎⴰⵏⴻⵏ ⵉ ⵓⵃⴻⵜⵜⴻⵎ ⵏ ⵉⵙⵕⴰⵢⵉⵍ ⴰⴽⴽⴻⵏ ⴰⴷ ⵜⵇⴰⴷⴻⵔ ⵍⵇⴰⵏⵓⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ.
ⵙ ⵡⴰⵢⴰ, ⵢⴻⵏⵏⴰ-ⴷ ⵡⴻⵏⵎⴰⵀⴰⵍ-ⴰ ⴰⴼⴰⵍⴻⵙⵟⵉⵏⵉ ⴷⴰⴽⴽⴻⵏ ⵢⴻⵍⵍⴰ-ⴷ « ⵡⴻⴽⵔⴰⴼ » ⵢⴻⵔⵏⵓ « ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⴰⵢⴷⴻⴳ ⵉⵙⵓⵙⴻⵎ ⵓⵙⴻⵇⵇⴰⵎⵓ, ⵢⴻⵔⵏⴰ ⵓⵙⵙⴻⵀⵔⴻⵙ ⵉⵙⵕⴰⵢⵉⵍⵉ ⵙ 4 ⵏ ⵜⵉⴽⴽⴰⵍ ».
« ⵢⴻⵙⵙⴻⴼⴽ ⴰⴷ ⵢⴻⴳ ⴽⵔⴰ ⵓⵙⴻⵇⵇⴰⵎⵓ ⵢⴻⵔⵏⵓ ⴰⴷ ⵢⴻⵙⵄⴻⴷⴷⵉ ⵜⴰⵏⴻⵖⵜⵓⵙⵜ (ⵇⴰⵔⴰⵔ) ⵙ ⵜⵖⴰⵡⵍⴰ ». « ⵏⴻⴳⴳⴰⵔ-ⴷ ⵜⵉⵖⵔⵉ ⵉ ⵓⵙⴻⵇⵇⴰⵎⵓ ⴰⴽⴽⴻⵏ ⴰⴷ ⵢⴻⴷⴷⴻⵎ ⵜⴰⵎⴰⵙⵉⵜ-ⵏⵏⴻⵙ ⵜⴰⵙⴻⵔⵜⵉⵜ, ⵜⵓⵙⴹⵉⴼⵜ (ⵇⴰⵏⵓⵏⵉⵢⵢⴰ) ⴷ ⵜⵉⵏ ⵏ ⵓⵇⴰⴷⴻⵔ ⵏ ⵢⵉⵎⴻⵏⵣⴰⵢⴻⵏ ⵢⴻⵔⵏⵓ ⵢⴻⵙⵙⴻⴼⴽ ⴰⴷ ⴷ-ⵢⴻⵙⵙⵓⴷⴷⴻⵔ ⵉⵖⴰⵡⴰⵙⴻⵏ ⵏ ⵜⴰⵍⵡⵉⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ.
« ⵍⴻⵎⵎⴻⵔ ⴰⴷ ⵜⴽⴻⵎⵎⴻⵍ ⵉⵙⵕⴰⵢⵉⵍ ⴰⵔⴽⴰⴹ ⵏ ⵍⴻⵇⵡⴰⵏⵉⵏ ⵉⴳⵔⴰⵖⵍⴰⵏⴻⵏ, ⵢⴻⵙⵙⴻⴼⴽ ⴰⴷ ⴷ-ⵉⵍⵉⵏ ⵢⵉⵏⴰⵍⴽⴰⵎⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵎⴰⵏⵙⵧⵓⵔ.
ⵓⵍⴰ ⴷ ⴰⵙⴻⵎⵢⴰⴷⴷⴰⵙ (ⵎⵓⵏⴰⵙⵙⵉⵇ) ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴷⴻⴳ ⵡⴻⴳⵎⵓⴹ ⴰⵍⴻⵎⵎⴰⵙ, ⵏⵉⵛⴽⵧⵍⴰⵢ ⵎⵍⴰⴷⴻⵏⵧⵠ, ⵉⵡⴻⵜ-ⴷ ⴷⴻⴳ ⵜⵎⴻⵔⵏⵉⵡⵜ ⵏ ⵢⵉⵙⴻⵏⴼⴰⵔⴻⵏ ⵏ ⵍⴻⴱⵏⵉ ⵏ ⵜⵏⴻⵣⴷⵓⵖⵉⵏ ⴷⴻⴳ ⵢⵉⴽⴰⵍⴻⵏ ⵉⴼⴰⵍⴻⵙⵟⵉⵏⵉⵢⴻⵏ.
