Asebter amenzawi

Timura tinaragin n Libya ulsent wekkdent-d abdad-nsent ɣer yidis n Useqqamu n Unabaḍ n Tdukli

NIAMEY – Ulsent wekkdent-d tmura tinaragin n Libya, ass n laṛebɛa deg Niamey, abdad-nsent ɣer yidis n Useqqamu Aselwayan n Unabaḍ n Tdukli Taɣelnawt deg Libya, yernu ulsen-d i tuḍḍfa-nsen deg ukala (masar) asertan ay d-bnan Yeɣlanen Yeddukklen.

Deg tgara n temlilit tis 9 n yineɣlafen n yiweẓla n wezɣar n tmura tinaragin (ǧara) n Libya, ulsen wekkden-d yemttekkiyen, deg yiwen n welɣu (bayan) aneggaru « tuḍḍfa-nsen deg ukala asertan ay d-bdan Yeɣlanen Yeddukklen i uferru aneggaru yernu d aduman s ussefɛel n Wemtawa Asertan Alibi, d webdad-nsen ɣer yidis n Useqqamu Aselwayan n Unabaḍ n Tdukli Taɣelnawt ».

I lmend n waya, ineɣlafen n yiweẓla n wezɣar n tmura tinaragin n Libya sbeɣsen Aseqqamu Aselwayan akken « ad d-yessileɣ anabaḍ n wemsefham aɣelnaw ameqran, d win ara d-yeggensesen akk iɣallen isertanen n tmurt », am wakken ay d-gren tiɣri i Texxamt n Yigensasen (mumattilin) ad as-fken, war leɛḍil, laman-nsen s uqader n yiḥezziben n wemtawa asertan n 17 Dujembeṛ 2015.

Attekki n wakk idisan n tmetti d wakk imeggiyen (faɛilin) d temnaḍin tilibiyin yesɛa azal d ameqran i usserbeḥ n ukala asertan, ɣef wakken ay d-iwekked welɣu-nni aneggaru.