Asebter amenzawi

Tufiṛat n Lezzayer Tamaneɣt tettwabna i lmend n tẓuri d uhanay

LEZZAYER TAMANEɣT – D aselway n tegduda, Abdelaziz Bouteflika, ay ireẓmen ass n lexmis Tufiṛat n Lezzayer Tamaneɣt ay yettwasemman ɣef udiplumati adzayri aqbur d wergaz n tsekla Boualem Bessaih. Tettɣimi-d tufiṛat-a d tawizet deg tsegda, d tin aydeg teddukkel ccbaḥa d tetrara, yernu tettwabna i lmend n tẓuri d uhanay.

Tufiṛat-a d lbenyan ameqran ay bnan deg tlemmast n tmedwin n waman. Iɣerban-nnes d werxam yernu tasegda-nnes tessewham inerzafen s wedlag d uɣanib-nnes atrar.

Tusa-d tufiṛat-a deg tɣiwant n Wlad Fayet, deg utaram n tmaneɣt, tesɛa 3 n wannagen, tazeɣɣa n 1.400 n yimukan, tizeɣwin n usummur (balih), n talilt d wallus, snat n tneɣlusin d tzeɣwin n yisaragen d uxeddim.

Tazeɣɣa n uhanay (ɛuruḍ) tebbuḥra yernu tesɛa tafat, tewwlen-tt s tesnatwilin (tiknuluǧiyyat) tineggura n wesfaw (iḍa’a) i lmend n ucebbeḥ n yihanayen n umezgun, n uẓawan d ccḍeḥ.

Tesɛa daɣ tzeɣɣa-a ilemciyen i yinebgiwen n yiseɣ d usayes ameqran i yihanayen n yeɛjajbiyen d tkuṛigṛafiyin.

Tesqam-d tufiṛat-a 30 n yimelyunen n wuṛuten, yernu yebda lebni-nnes deg Wamber n 2012. D taṛmist tacinwat n « Beijing » ay d-yelhan s lebni-nnes.

Asenfar-a n lebni yella-d deg ukatar n wemyalel (taɛawun) adamsan d wetwilan ay stenyant Lezzayer d Ccinwa deg 3 Fuṛaṛ 2004.