ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⵖⵉⵡⴻⵍ ⴷⴻⴳ ⵡⴻⵙⴱⴻⴷⴷⵉ ⵏ ⵜⴻⵎⴹⴻⴱⴱⵕⴰ ⵏ ⵓⵙⴻⴳⴳⴻⵎ ⵏ ⵜⵖⴰⵎⵙⴰ ⵜⵉⵔⴰⵡⵉⵜ (ⴰⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ)
ⵍⴻⵣⵣⴰⵢⴻⵔ ⵜⴰⵎⴰⵏⴰⵖⵜ- ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ ⵢⴻⵙⵙⵓⵜⴻⵔ ⵙⵉ ⵜⵡⴰⵛⵓⵍⵜ ⵏ ⵜⵖⴰⵎⵙⴰ ⵜⵉⵔⴰⵡⵉⵜ ⴰⴽⴽ ⴷ ⵢⴻⵎⴹⴻⴱⴱⵕⴻⵏ ⵉⵣⵓⵢⴰⵣ ⵜⴻⵔⵣⴰ ⵜⴻⵎⵙⴰⵍⵜ ⴰⴽⴽⴻⵏ ⴰⴷ ⵣⴷⵉⵏ ⵉⵖⴰⵍⵍⴻⵏ ⵉ ⵡⴻⵙⴱⴻⴷⴷⵉ ⵏ ⵜⴻⵎⴹⴻⴱⴱⵕⴰ ⵏ ⵓⵙⴻⴳⴳⴻⵎ ⵏ ⵜⵖⴰⵎⵙⴰ ⵜⵉⵔⴰⵡⵉⵜ.
"ⴰⴷ ⴼⴰⵕⵚⴻⵖ ⵜⴰⴳⵏⵉⵜⵜ-ⴰⴳⵉ ⴰⴽⴽⴻⵏ ⴰⴷ ⵙⵙⵓⵜⵔⴻⵖ ⵙⵉ ⵜⵡⴰⵛⵓⵍⵜ ⵏ ⵜⵖⴰⵎⵙⴰ ⵜⵉⵔⴰⵡⵉⵜ ⴰⴽⴽ ⴷ ⵢⴻⵎⴹⴻⴱⴱⵕⴻⵏ ⵉⵣⵓⵢⴰⵣ ⵏ ⵡⴻⵃⵔⵉⵛ ⴰⴽⴽⴻⵏ ⴰⴷ ⵣⴷⵉⵏ ⵉⵖⴰⵍⵍⴻⵏ ⵖⴻⴼ ⵓⵖⵉⵡⴻⵍ ⵏ ⵡⴻⵙⴱⴻⴷⴷⵉ ⵏ ⵜⴻⵎⴹⴻⴱⴱⵕⴰ ⵏ ⵓⵙⴻⴳⴳⴻⵎ ⵏ ⵜⵖⴰⵎⵙⴰ ⵜⵉⵔⴰⵡⵉⵜ, ⴷ-ⵢⴻⴷⴷⴰⵏ ⴷⴻⴳ ⵓⵚⴰⴹⵓⴼ", ⵉⴷ-ⵉⵡⴻⴽⴽⴻⴷ ⵓⵙⴻⵍⵡⴰⵢ ⴱⵧⵓⵜⴻⴼⵍⵉⴽⴰ ⴷⴻⴳ ⵢⵉⵣⴻⵏ ⴰⵍⵎⴻⵏⴷ ⵏ ⵡⴰⵙⵙ ⴰⵖⴻⵍⵏⴰⵡ ⵏ ⵜⵖⴰⵎⵙⴰ, ⴷ-ⵢⴻⵎⵎⴻⵣⴳⴻⵏ ⴷ 22 ⵜⵓⴱⴻⵔ ⵏ ⵢⴰⵍ ⴰⵙⴻⴳⴳⴰⵙ.
ⴰⵎⵓⵇⵇⵕⴰⵏ ⵏ ⵓⵡⴰⵏⴻⴽ ⵢⴻⵙⵙⴰⵔⴻⵎ ⴷ ⴰⴽⴽⴻⵏ ⵜⴰⵙⵓⴷⵓⵜ-ⴰⴳⵉ "ⴰⴷ ⵜⵉⵍⵉ ⴷⴰⵖⴻⵏ ⴷ ⵜⴰⵍⵍⵓⵏⵜ ⴷⴻⴳ ⴰⵔⴰ ⵢⵉⵍⵉ ⵡⴻⵎⵙⴻⴼⵀⴻⵎ ⵏ ⵜⵎⵓⵖⵍⵉⵡⵉⵏ ⵓⴳⴰⵔ ⴳⴻⵔ ⵓⴷⴰⴱⵓ ⴰⴽⴽ ⴷ ⵜⵖⴰⵎⵙⴰ ⴰⵎ ⵡⴰⴽⴽⴻⵏ ⴰⵔⴰ ⵜⵉⵍⵉ ⴷⴰⵖⴻⵏ ⴷ ⴰⴼⵓⴷ ⵉ ⵜⵖⴰⵎⵙⴰ ⵜⴰⵖⴻⵍⵏⴰⵡⵜ ⴰⴽⴽⴻⵏ ⴰⴷ ⵜⴻⵙⵏⴻⵔⵏⵉ ⴰⵅⴻⴷⴷⵉⵎ-ⵉⵙ ⵖⴻⵔ ⵡⴰⵏⵏⴰⴳ ⵄⵍⴰⵢⴻⵏ, ⵎⴰⵞⵉ ⴽⴰⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵍⴻⵍⵍⵉ ⵏ ⵜⵎⵓⵖⵍⵉ, ⴰⵎⴳⵉⵔⴻⴷ ⵏ ⵜⴻⴽⵜⵉⵡⵉⵏ ⵎⴰⵛⴰ ⴷ ⴰⵜⴻⴱⴱⴻⵜ, ⵖⴰⵙ ⵏⴻⵎⵅⴰⵍⵍⴰⴼ, ⴱⴻⵍⵍⵉ ⴷ ⴰⵖⵕⴻⴼ ⵢⴻⴷⴷⵓⴽⴽⵍⴻⵏ ⵓⵔ ⵏⴻⵙⵄⵉ ⵜⴰⵎⵓⵔⵜ-ⵏⵏⵉⴹⴻⵏ ".
ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ ⵢⴻⵙⵎⴻⴽⵜⴰ-ⴷ ⴷⴰⵖⴻⵏ ⴱⴻⵍⵍⵉ "ⵍⴻⵣⵣⴰⵢⴻⵔ ⵜⴻⵙⵄⴰ ⵉⵚⵓⴹⴰⴼ ⵉⵡⵓⵍⵎⴻⵏ ⵢⴻⵔⵔⴰⵏ ⵜⴰⵎⵓⵔⵜ-ⵏⵏⴻⵖ ⴷⴻⴳ ⵡⴻⵎⴹⵉⵇ ⵉⵡⴰⵜⴰⵏ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵉⵍⴻⵍⵍⵉ ⵏ ⵜⵖⴰⵎⵙⴰ".
