ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⵉⵖⵔⵉ ⵉ ⵓⵙⵙⴻⴱⴷⴻⴷ ⵏ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵜⵓⵞⵞⵉⵜ ⴷ ⵜⴻⴷⵡⴻⵙⵜ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴳⵔⴻⵏⵜ-ⴷ ⵜⵉⵖⵔⵉ ⵜⵉⴷⴷⵓⴽⵍⵉⵡⵉⵏ ⵏ ⵓⵃⵓⴷⴷⵓ ⵏ ⵢⴻⵎⵙⵓⴷⴻⵔ (ⵎⵓⵙⵜⴰⵀⵍⵉⴽ), ⵉⴱⵉⴹⴰⵔⴻⵏ ⴷ ⵢⵉⵎⴰⵣⵣⴰⴳⴻⵏ ⴷⴻⴳ ⵜⵓⵞⵞⵉⵜ, ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ, ⵉ ⵓⵙⵙⴻⴱⴷⴻⴷ ⵏ ⵜⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵜⵓⵞⵞⵉⵜ ⴷ ⵜⴻⴷⵡⴻⵙⵜ, ⴷ ⵜⵉⵏ ⴰⵔⴰ ⴷ-ⵢⴻⵍⵀⵓⵏ ⵙ ⵓⵙⵙⴻⴼⵇⴻⴷ ⵏ ⵜⵓⵞⵞⵉⵜ ⴰⵢ ⵙⵙⵓⴷⵓⵔⴻⵏ ⵎⴻⴷⴷⴻⵏ ⵢⴻⵔⵏⵓ ⴰⴷ ⴷ-ⵜⴻⵍⵀⵓ ⴷ ⵓⵄⴻⵢⵢⴻⵏ ⵖⴻⴼ ⵢⵉⵎⵉⵀⵉⵜⴻⵏ (ⴰⵅⵟⴰⵔ) ⴰⴽⴽⴻⵏ ⵓⵔ ⵜⵜⴰⴹⵏⴻⵏ ⵎⴻⴷⴷⴻⵏ ⵙⴻⴳ ⵜⵓⵞⵞⵉⵜ.
ⴰⵙⵙⵓⵎⴻⵔ-ⴰ ⵢⴻⵍⵍⴰ-ⴷ ⵙⴻⴳ ⴳⴰⵔ ⵍⴻⵡⵚⴰⵢⴰⵜ ⴰⵢ ⴷ-ⵙⵙⵓⵎⵔⴻⵏ ⵢⵉⵎⴰⵣⵣⴰⴳⴻⵏ (ⵎⵓⵅⵜⴰⵚⵚⵉⵏ) ⵏ ⵜⵓⵞⵞⵉⵜ ⴷⴻⴳ ⵡⴰⵙⵙ ⵏ ⵜⴻⵣⵔⴰⵡⵜ ⴰⵢ ⴷ-ⵢⴻⵍⵍⴰⵏ ⵖⴻⴼ ⵜⵖⴻⵍⵍⵉⵙⵜ ⵏ ⵜⵓⵞⵞⵉⵜ ⴰⵢ ⴷ-ⵢⴻⴽⴽⴰⵏ ⵙⴻⴳ ⵢⵉⵖⴻⵔⵙⵉⵡⴻⵏ, ⴷ ⴰⵎⵢⴰⴳⴻⵔ ⴰⵢ ⴷ-ⵜⴻⵙⵙⵓⴷⴷⴻⵙ ⵜⵉⴷⴷⵓⴽⵍⴰ ⵉ ⵓⵃⵓⴷⴷⵓ ⴷ ⵓⵡⴻⵍⵍⴻⵀ ⵏ ⵢⴻⵎⵙⵓⴷⴻⵔ ⴷ ⵜⵡⴻⵏⵏⴰⴹⵜ-ⵏⵏⴻⵙ, ⵉ ⵍⵎⴻⵏⴷ ⵏ ⵡⴰⵙⵙ ⴰⵏⵎⴰⴹⴰⵍ ⵏ ⵜⵓⵞⵞⵉⵜ, ⴰⵙⵙ ⵏ 16 ⵜⵓⴱⴻⵕ.
ⴰⵙⴻⵍⵡⴰⵢ ⵏ ⵜⵉⴷⴷⵓⴽⵍⴰ-ⴰ, ⵎⵓⵙⵜⴰⵒⵀⴰ ⵣⴻⴱⴷⵉ, ⵉⵡⴻⴽⴽⴻⴷ-ⴷ ⴷⴰⴽⴽⴻⵏ « ⵉ ⵍⵎⴻⵏⴷ ⵏ ⵓⵙⵙⵓⴷⴻⵔ (ⵉⵙⵜⵉⵀⵍⴰⴽ) ⵏ ⵜⵓⵞⵞⵉⵜ ⴰⵢⴷⴻⴳ ⵢⴻⵍⵍⴰ ⵍⴰⵎⴰⵏ ⵢⴻⵔⵏⵓ ⵜⴻⵜⵜⵡⴰⵙⵙⴻⴼⵇⴻⴷ ⴷⴻⴳ ⵜⵏⴰⵔⵎⵉⵏ (ⵎⴰⵅⴰⴱⵉⵔ) ⵏⴻⵖ ⵖⴻⵔ ⵢⵉⴱⵉⴹⴰⵔⴻⵏ, ⵢⴻⵙⵙⴻⴼⴽ ⴰⴷ ⴷ-ⵜⴻⵜⵜⵡⴰⵙⵙⴻⴱⴷⴻⴷ ⵜⵙⵓⴷⵓⵜ ⵜⵉⵎⵣⵉⵔⴻⴳⵜ ⵓⵎⵉ ⴰⵔⴰ ⵏⵙⴻⵎⵎⵉ ‘ⵜⴰⵏⴻⴳⴳⴰ ⵜⴰⵖⴻⵍⵏⴰⵡⵜ ⵏ ⵜⵓⵞⵞⵉⵜ ⴷ ⵜⴻⴷⵡⴻⵙⵜ’, ⴰⴽⴽⴻⵏ ⴰⵢ ⵢⴻⵍⵍⴰ ⵍⵃⴰⵍ ⴷⴻⴳ ⵜⵎⵓⵔⴰ ⵢⴻⵏⵏⴻⴼⵍⵉⵏ, ⵉ ⵍⵎⴻⵏⴷ ⵏ ⵓⵇⴰⴱⴻⵍ ⵏ ⵍⴻⵅⵚⴰⵚ ⴷⴻⴳ ⵡⴻⵏⵔⴰⵔ-ⴰ ».
ⵜⴰⵏⴻⴳⴳⴰ-ⴰ ⵢⴻⵙⵙⴻⴼⴽ ⴰⴷ ⵉⵍⵉⵏ ⴷⴻⴳ-ⵙ ⵢⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ ⵢⵉⴷⵓⴱⴰ ⵉⵏⴰⴳⴷⵓⴷⴻⵏ ⴷ ⵜⵙⵓⴷⴰ ⵜⵓⵏⵚⵉⴱⵉⵏ ⴰⵢ ⴷ-ⵢⴻⵍⵀⴰⵏ ⵙ ⵓⵙⵙⴻⴼⵇⴻⴷ, ⴳⴰⵔ-ⴰⵙⴻⵏⵜ ⵜⴰⵎⵙⴻⵜⵍⴰ (ⴷⴰⵔⴰⴽ) ⵜⴰⵖⴻⵍⵏⴰⵡⵜ, ⵜⴰⵎⵙⵓⵍⵜⴰ, ⵉⴳⴻⵏⵙⴰⵙⴻⵏ ⵏ ⵜⵉⴷⴷⵓⴽⵍⵉⵡⵉⵏ ⵏ ⵓⵃⵓⴷⴷⵓ ⵏ ⵢⴻⵎⵙⵓⴷⴻⵔ ⴷ ⵜⵉⴷⴷⵓⴽⵍⵉⵡⵉⵏ ⵜⵉⵙⴰⴷⵓⵔⴰⵏⵉⵏ ⵢⴻⵎⵎⵓⵣⵣⴳⴻⵏ ⴷⴻⴳ ⵜⵓⵞⵞⵉⵜ, ⴷ ⵢⵉⴽⴻⵔⵔⴰⵣⴻⵏ.
