ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵣⴰⵍ ⵏ 390.000 ⵏ ⵢⴻⵎⴷⴰⵏⴻⵏ ⴰⵢ ⵉⵣⴻⴳⵔⴻⵏ ⵜⵉⵍⵉⵙⴰ ⵙⴻⴳ ⵜⴻⵏⵇⵉⴹⵉⵏ ⵏ ⵡⴻⵣⴳⴰⵔ ⵏ ⵜⵡⵉⵍⴰⵢⵉⵏ ⵏ ⵡⴻⵏⵥⵓⵍ-ⴰⴳⵎⵓⴹⴰⵏ

ⵜⵉⴱⴻⵙⴽⴻⵔⵜ – 389.778 ⵏ ⵢⴻⵎⴷⴰⵏⴻⵏ ⴷ 114.203 ⵏ ⵢⴻⵎⵙⴻⴷⴷⴰⵢⴻⵏ ⴰⵢ ⵉⵣⴻⴳⵔⴻⵏ ⵜⵉⵍⵉⵙⴰ ⴷⴻⴳ ⵜⴻⵏⵇⵉⴹⵉⵏ ⵏ ⵡⴻⵣⴳⴰⵔ ⵏ ⵜⵡⵉⵍⴰⵢⵉⵏ ⵏ ⵡⴻⵏⵥⵓⵍ-ⴰⴳⵎⵓⴹⴰⵏ ⴷⴻⴳ ⵡⴻⵣⴳⴻⵏ ⴰⵎⴻⵣⵡⴰⵔⵓ ⵏ 2016, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵜⴱⴻⵙⴽⴻⵔⵜ ⵓⵙⴻⴼⵇⴰⴷ ⵏ ⵜⴻⵎⵙⵓⵍⵜⴰ, ⴰⵎⴰⵙⵡⴰⴹ ⴰⵎⵏⴰⴹⴰⵏ ⴰⴱⵙⴻⵙⵍⴰⵎ ⴻⵍ ⴰⵍⵎⵉ.

ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ ⴰⵢ ⴷ-ⵉⴳⴰ ⴷⴻⴳ ⵜⴳⴰⵔⴰ ⵏ ⵡⵓⵙⵙⴰⵏ ⵏ ⵜⴻⵡⵡⵓⵔⴰ ⵉⵔⴻⵥⵎⴻⵏ ⵖⴻⴼ ⵜⵖⴻⵍⵍⵉⵙⵜ ⵜⴰⵖⴻⵍⵏⴰⵡⵜ, ⵢⴻⵏⵏⴰ-ⴷ ⵓⴼⴻⵙⵢⴰⵏ-ⴰ ⴷⴰⴽⴽⴻⵏ ⵙ ⵓⵊⴻⵎⵎⴰⵍ, 213.603 ⵏ ⵢⵉⴷⵣⴰⵢⵔⵉⵢⴻⵏ ⴷ 176.175 ⵏ ⵢⵉⵡⴻⵔⴷⴰⵏⵉⵢⴻⵏ ⴰⵢ ⵉⵣⴻⴳⵔⴻⵏ ⵜⵉⵍⵉⵙⴰ ⵏ ⵡⴰⴽⴰⵍ ⴷⴻⴳ ⵜⴻⵎⵏⴰⴹⵜ-ⴰ.

ⴰⵡⵍⵉⵡⴻⵍ ⵏ ⵎⴻⴷⴷⴻⵏ ⴷⴻⴳ ⵜⴻⵎⵏⴰⴹⵜ-ⴰ ⵢⴻⵍⵍⴰ-ⴷ ⵙ ⵡⴰⵟⴰⵙ ⴷⴻⴳ ⵜⴻⵏⵇⵉⴹⵜ ⵏ ⵜⵍⵉⵙⴰ ⵏ ⵜⴰⵍⴻⴱ-ⴻⵍ-ⴰⵔⴱⵉ (ⴷⴻⴳ ⵜⵡⵉⵍⴰⵢⵜ ⵏ ⵡⴰⴷ ⵙⵓⴼ), ⵖⴻⴼ ⵜⵍⵉⵙⴰ ⴳⴰⵔ ⵍⴷⵣⴰⵢⴻⵔ ⴷ ⵜⵓⵏⴻⵙ. ⵙ ⵜⴻⵖⵣⴻⴼ ⵏ ⵓⵙⴻⴳⴳⴰⵙ ⴰⵢ ⵣⴻⴳⴳⵔⴻⵏ ⵎⴻⴷⴷⴻⵏ ⵜⴰⵏⵇⵉⴹⵜ-ⴰ ⵏ ⵜⵍⵉⵙⴰ, ⵎⴰⵛⴰ ⴰⵎⴹⴰⵏ ⵏ ⵎⴻⴷⴷⴻⵏ ⴰⵢ ⵉⵣⴻⴳⴳⵔⴻⵏ ⵜⵉⵍⵉⵙⴰ, ⴷⴻⴳ ⵜⴻⵎⵏⴰⴹⵜ-ⴰ, ⵉⵔⴻⵏⵏⵓ ⵍⴰⴷⵖⴰ ⴷⴻⴳ ⵓⵏⴻⴱⴷⵓ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⴼⴻⵙⵢⴰⵏ-ⴰ.

ⵎⴰ ⴷ ⴰⵣⴳⴰⵔ ⵏ ⵜⵍⵉⵙⴰ ⵙ ⵓⵙⴰⴼⴰⴳ ⵢⴻⵜⵜⵉⵍⵉ-ⴷ ⵍⴰⴷⵖⴰ ⴷⴻⴳ ⵓⵏⴰⴼⴰⴳ (ⵎⴰⵟⴰⵔ) ⵏ ⵜⴱⴻⵙⴽⴻⵔⵜ (ⴰⵏⴷⴰ ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵡⵉⴷ ⴰⵢ ⵉⵣⴻⴳⴳⵔⴻⵏ ⵜⵉⵍⵉⵙⴰ ⴷ ⵉⴷⵣⴰⵢⵔⵉⵢⴻⵏ) ⴷ ⵓⵏⴰⴼⴰⴳ ⵏ ⵃⴰⵙⵉ ⵎⴻⵙⵄⵓⴷ (ⵡⴰⵔⴻⴳⵍⴰ, ⴰⵏⴷⴰ ⴰⵎⵓⵔ ⴰⵎⴻⵇⵔⴰⵏ ⴷ ⵉⵡⴻⵔⴷⴰⵏⵉⵢⴻⵏ), ⵎⴰⵛⴰ ⵍⵍⴰⵏ ⴷⴰⵖ ⵡⵉⴷ ⴰⵢ ⵢⴻⵙⵙⴻⵇⴷⴰⵛⴻⵏ ⴰⵏⴰⴼⴰⴳ ⵏ ⵜⵖⴻⵔⴷⴰⵢⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ ⴰⵎⵓⵔ ⴰⵎⴻⵇⵔⴰⵏ ⵙⴻⴳ ⵢⵉⵡⴻⵔⴷⴰⵏⵉⵢⴻⵏ ⴰⵢ ⵢⴻⵜⵜⴻⴽⴽⴻⵏ ⵖⴻⴼ ⵓⵏⴰⴼⴰⴳ ⵏ ⵃⴰⵙⵉ ⵎⴻⵙⵄⵓⴷ ⴷ ⵉⵅⴻⴷⴷⴰⵎⴻⵏ ⵏ ⵜⴻⵕⵎⵉⵙⵉⵏ ⵏ ⵓⵒⵉⵜⵕⵓⵍ ⴰⵢ ⵉⵅⴻⴷⴷⵎⴻⵏ ⴷⴻⴳ ⵡⴻⵏⵥⵓⵍ (ⴵⴰⵏⵓⴱ) ⵏ ⵍⴻⵣⵣⴰⵢⴻⵔ, ⵎⴰ ⴷ ⵡⵉⴷ ⴰⵢ ⵢⴻⵙⵙⴻⵇⴷⴰⵛⴻⵏ ⵉⵏⴰⴼⴰⴳⴻⵏ ⵏ ⵜⴱⴻⵙⴽⴻⵔⵜ ⴷ ⵜⵖⴻⵔⴷⴰⵢⵜ ⴷ ⵉⵎⴻⵔⵔⴰⵢⴻⵏ, ⵎⴰⵛⴰ ⵍⵍⴰⵏ ⴷⴰⵖ ⴷⴻⴳ-ⵙⴻⵏ ⵢⵉⵅⴻⴷⴷⴰⵎⴻⵏ.