ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵙⵉⴷⵉ ⴱⴻⵍⵄⴻⴱⴱⴰⵙ: ⵜⴰⴼⴰⵙⴽⴰ ⵜⴰⴷⵉⴳⴰⵏⵜ ⵏ ⵕⵕⴰⵢ ⴰⴷ ⴷ-ⵜⵉⵍⵉ ⴳⴰⵔ 3 ⴷ 5 ⵡⴰⵎⴱⴻⵔ ⴰⵢ ⴷ-ⵢⴻⵜⵜⴻⴷⴷⵓⵏ

ⵙⵉⴷⵉ ⴱⴻⵍⵄⴻⴱⴱⴰⵙ – ⴰⴷ ⴷ-ⵜⵉⵍⵉ ⵜⴻⵥⵔⵉⴳⵜ ⵜⵉⵙ 9 ⵏ ⵜⴼⴰⵙⴽⴰ ⵜⴰⴷⵉⴳⴰⵏⵜ ⵏ ⵜⴻⵣⵍⵉⵜ ⵏ ⵕⵕⴰⵢ ⴳⴰⵔ 3 ⴷ 5 ⵡⴰⵎⴱⴻⵔ ⴰⵢ ⴷ-ⵢⴻⵜⵜⴻⴷⴷⵓⵏ ⴷⴻⴳ ⵙⵉⴷⵉ ⴱⴻⵍⵄⴻⴱⴱⴰⵙ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵎⴰⵙⴰⵢ ⵏ ⵜⴻⴷⵢⴰⵏⵜ-ⴰ, ⴰⵎⵥⴰⵡⴰⵏ ⵍⵧⵜⴼⵉ ⴰⵜⵜⴰⵔ, ⴷⴻⴳ ⵢⵉⵡⴻⵏ ⵏ ⵓⵙⴰⵔⴰⴳ ⵏ ⵜⵖⴻⵎⵙⴰ.

ⴰⴷ ⴷ-ⵜⵉⵍⵉ ⵜⴻⵥⵔⵉⴳⵜ-ⴰ (ⵟⴰⴱⵄⴰ) ⴷⴻⴳ ⵡⴻⵅⵅⴰⵎ ⵏ ⵢⴻⴷⵍⴻⵙ ⵏ « ⴽⴰⵜⴻⴱ-ⵢⴰⵛⵉⵏⴻ », ⵢⴻⵔⵏⵓ ⵎⴰⵛⵉ, ⴰⵎ ⴷⴻⴳ ⵢⵉⵙⴻⴳⴳⴰⵙⴻⵏ ⵢⴻⵣⵔⵉⵏ, ⴷⴻⴳ ⵓⵙⴰⵔⵉⵔ (ⵎⴰⵍⵄⴰⴱ) ⵏ « 3 ⵏ ⵡⴰⵢⵜⵎⴰⵜⴻⵏ ⴰⵎⴰⵔⵧⵓⵛⵀⴻ ».

ⴰⵍⴰ ⵉⵛⴻⵏⵏⴰⵢⴻⵏ ⵉⴷⵉⴳⴰⵏⴻⵏ (ⵎⴰⵃⴰⵍⵍⵉⵢⵢⵉⵏ) ⴷ ⴽⵔⴰ ⵏ ⵢⴻⵜⵔⴰⵏ ⵏ ⵡⴻⵀⵕⴰⵏ ⴰⵔⴰ ⵢⴻⵜⵜⴻⴽⴽⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵍⵧⵜⴼⵉ ⴰⵜⵜⴰⵔ, ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⵙⵎⴻⵏⵢⴰⴼⴻⵏ ⴰⴷ ⵜⴻⵜⵜⵓⵏⴻⴼⴽ ⵜⴻⴳⵏⵉⵜ ⵉ ⵢⵉⵏⴰⵥⵓⵔⴻⵏ ⵉⴷⵉⴳⴰⵏⴻⵏ ⴰⴽⴽⴻⵏ ⴰⴷ ⴷ-ⴱⴰⵏⴻⵏ ⵙⴷⴰⵜ ⵡⴻⴳⴷⵓⴷ.

ⴳⴰⵔ ⵢⵉⵛⴻⵏⵏⴰⵢⴻⵏ ⴰⵢ ⵢⴻⵜⵜⵡⴰⵙⵙⵉⵀⵍⴻⵏ ⴰⴷ ⵜⵜⴻⴽⴽⵉⵏ, ⵢⴻⵍⵍⴰ ⵛⵛⴰⴱ ⵎⵧⵀⴰⵎⴻⴷ ⴰⴱⴱⴰⵙⵙⵉ, ⴽⴰⴷⴻⵔ ⵊⴰⵒⵧⵏⵉ, ⵛⵛⴰⴱ ⴰⴱⴻⵙ, ⴽⴰⴷⵉⵔ ⵙⴳⵀⵉⵔ, ⵛⵛⵉⵅ ⵏⴰⴰⵎ, ⵛⵛⴰⴱ ⵢⴰⵛⵉⵏⴻ, ⵛⵛⵉⵅ ⵀⴰⵜⵜⴰⴱ, ⵜⴰⴳⵔⴰⵡⵜ ⵏ ⵔⴰⵉⵏⴰ ⵔⴰⵉ, ⵀⴰⴽⵉⵎ ⵙⴰⵍⵀⵉ ⴷ ⵡⴰⵟⴰⵙ ⵏ ⵡⵉⵢⴰⴹ.

ⵢⴻⵏⵏⴰ-ⴷ ⴰⵜⵜⴰⵔ ⴷⴰⴽⴽⴻⵏ ⵃⴰⵣⴻⵏ-ⴷ 15 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⴷⵉⵏⴰⵕⴻⵏ ⵉ ⵓⵙⵙⵉⴷⵔⴻⵎ ⵏ ⵜⴼⴰⵙⴽⴰ-ⴰ ⴰⵢ ⵢⴻⵜⵜⵡⴰⵡⴻⵅⵅⵔⴻⵏ ⵙⵏⴰⵜ ⵏ ⵜⵉⴽⴽⴰⵍ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵚⴻⵏⵏⴻⴼ ⵏ ⵓⵥⴰⵡⴰⵏ ⵏ ⵕⵕⴰⵢ ⴷⴻⴳ ⵓⵏⴻⵙⵛⵧ ⵙ ⵢⵉⵙⴻⵎ-ⵏⵏⴻⵙ ⴷ ⵜⵉⴳⴻⵎⵎⵉ ⵜⴰⵔⴰⵏⴳⴰⵏⵜ ⵜⴰⵏⵎⴰⴹⴰⵍⵜ, ⵢⴻⵏⵏⴰ-ⴷ ⴰⵜⵜⴰⵔ ⴷⴰⴽⴽⴻⵏ ⵙⵙⴻⵔⵙⴻⵏ ⴰⴽⴰⵔⴰⵎ (ⵎⵉⵍⴰⴼ) ⵉ ⵓⵙⵙⵓⵜⴻⵔ ⵏ ⵡⴰⵢⴰ ⵖⴻⵔ ⵓⵏⴻⵙⵛⵧ ⵉ ⵍⵎⴻⵏⴷ ⵏ ⵡⴻⵃⵔⴰⵣ ⵏ ⵜⵥⵓⵔⵉ-ⴰ ⴰⵢ ⵢⴻⵍⵍⴰⵏ ⴷ ⴰⵃⵔⵉⵛ ⵙⴻⴳ ⵜⴳⴻⵎⵎⵉ ⵜⴰⵖⴻⵍⵏⴰⵡⵜ.