ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵓⴼⵉⵕⴰⵜ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵜⴻⵜⵜⵡⴰⴱⵏⴰ ⵉ ⵍⵎⴻⵏⴷ ⵏ ⵜⵥⵓⵔⵉ ⴷ ⵓⵀⴰⵏⴰⵢ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴷ ⴰⵙⴻⵍⵡⴰⵢ ⵏ ⵜⴻⴳⴷⵓⴷⴰ, ⴰⴱⴷⴻⵍⴰⵣⵉⵣ ⴱⵧⵓⵜⴻⴼⵍⵉⴽⴰ, ⴰⵢ ⵉⵔⴻⵥⵎⴻⵏ ⴰⵙⵙ ⵏ ⵍⴻⵅⵎⵉⵙ ⵜⵓⴼⵉⵕⴰⵜ ⵏ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴰⵢ ⵢⴻⵜⵜⵡⴰⵙⴻⵎⵎⴰⵏ ⵖⴻⴼ ⵓⴷⵉⵒⵍⵓⵎⴰⵜⵉ ⴰⴷⵣⴰⵢⵔⵉ ⴰⵇⴱⵓⵔ ⴷ ⵡⴻⵔⴳⴰⵣ ⵏ ⵜⵙⴻⴽⵍⴰ ⴱⵧⵓⴰⵍⴻⵎ ⴱⴻⵙⵙⴰⵉⵀ. ⵜⴻⵜⵜⵖⵉⵎⵉ-ⴷ ⵜⵓⴼⵉⵕⴰⵜ-ⴰ ⴷ ⵜⴰⵡⵉⵣⴻⵜ ⴷⴻⴳ ⵜⵙⴻⴳⴷⴰ, ⴷ ⵜⵉⵏ ⴰⵢⴷⴻⴳ ⵜⴻⴷⴷⵓⴽⴽⴻⵍ ⵛⵛⴱⴰⵃⴰ ⴷ ⵜⴻⵜⵔⴰⵔⴰ, ⵢⴻⵔⵏⵓ ⵜⴻⵜⵜⵡⴰⴱⵏⴰ ⵉ ⵍⵎⴻⵏⴷ ⵏ ⵜⵥⵓⵔⵉ ⴷ ⵓⵀⴰⵏⴰⵢ.

ⵜⵓⴼⵉⵕⴰⵜ-ⴰ ⴷ ⵍⴱⴻⵏⵢⴰⵏ ⴰⵎⴻⵇⵔⴰⵏ ⴰⵢ ⴱⵏⴰⵏ ⴷⴻⴳ ⵜⵍⴻⵎⵎⴰⵙⵜ ⵏ ⵜⵎⴻⴷⵡⵉⵏ ⵏ ⵡⴰⵎⴰⵏ. ⵉⵖⴻⵔⴱⴰⵏ-ⵏⵏⴻⵙ ⴷ ⵡⴻⵔⵅⴰⵎ ⵢⴻⵔⵏⵓ ⵜⴰⵙⴻⴳⴷⴰ-ⵏⵏⴻⵙ ⵜⴻⵙⵙⴻⵡⵀⴰⵎ ⵉⵏⴻⵔⵣⴰⴼⴻⵏ ⵙ ⵡⴻⴷⵍⴰⴳ ⴷ ⵓⵖⴰⵏⵉⴱ-ⵏⵏⴻⵙ ⴰⵜⵔⴰⵔ.

ⵜⵓⵙⴰ-ⴷ ⵜⵓⴼⵉⵕⴰⵜ-ⴰ ⴷⴻⴳ ⵜⵖⵉⵡⴰⵏⵜ ⵏ ⵡⵍⴰⴷ ⴼⴰⵢⴻⵜ, ⴷⴻⴳ ⵓⵜⴰⵔⴰⵎ ⵏ ⵜⵎⴰⵏⴻⵖⵜ, ⵜⴻⵙⵄⴰ 3 ⵏ ⵡⴰⵏⵏⴰⴳⴻⵏ, ⵜⴰⵣⴻⵖⵖⴰ ⵏ 1.400 ⵏ ⵢⵉⵎⵓⴽⴰⵏ, ⵜⵉⵣⴻⵖⵡⵉⵏ ⵏ ⵓⵙⵓⵎⵎⵓⵔ (ⴱⴰⵍⵉⵀ), ⵏ ⵜⴰⵍⵉⵍⵜ ⴷ ⵡⴰⵍⵍⵓⵙ, ⵙⵏⴰⵜ ⵏ ⵜⵏⴻⵖⵍⵓⵙⵉⵏ ⴷ ⵜⵣⴻⵖⵡⵉⵏ ⵏ ⵢⵉⵙⴰⵔⴰⴳⴻⵏ ⴷ ⵓⵅⴻⴷⴷⵉⵎ.

ⵜⴰⵣⴻⵖⵖⴰ ⵏ ⵓⵀⴰⵏⴰⵢ (ⵄⵓⵔⵓⴹ) ⵜⴻⴱⴱⵓⵃⵔⴰ ⵢⴻⵔⵏⵓ ⵜⴻⵙⵄⴰ ⵜⴰⴼⴰⵜ, ⵜⴻⵡⵡⵍⴻⵏ-ⵜⵜ ⵙ ⵜⴻⵙⵏⴰⵜⵡⵉⵍⵉⵏ (ⵜⵉⴽⵏⵓⵍⵓⴵⵉⵢⵢⴰⵜ) ⵜⵉⵏⴻⴳⴳⵓⵔⴰ ⵏ ⵡⴻⵙⴼⴰⵡ (ⵉⴹⴰ’ⴰ) ⵉ ⵍⵎⴻⵏⴷ ⵏ ⵓⵛⴻⴱⴱⴻⵃ ⵏ ⵢⵉⵀⴰⵏⴰⵢⴻⵏ ⵏ ⵓⵎⴻⵣⴳⵓⵏ, ⵏ ⵓⵥⴰⵡⴰⵏ ⴷ ⵛⵛⴹⴻⵃ.

ⵜⴻⵙⵄⴰ ⴷⴰⵖ ⵜⵣⴻⵖⵖⴰ-ⴰ ⵉⵍⴻⵎⵛⵉⵢⴻⵏ ⵉ ⵢⵉⵏⴻⴱⴳⵉⵡⴻⵏ ⵏ ⵢⵉⵙⴻⵖ ⴷ ⵓⵙⴰⵢⴻⵙ ⴰⵎⴻⵇⵔⴰⵏ ⵉ ⵢⵉⵀⴰⵏⴰⵢⴻⵏ ⵏ ⵢⴻⵄⵊⴰⵊⴱⵉⵢⴻⵏ ⴷ ⵜⴽⵓⵕⵉⴳⵕⴰⴼⵉⵢⵉⵏ.

ⵜⴻⵙⵇⴰⵎ-ⴷ ⵜⵓⴼⵉⵕⴰⵜ-ⴰ 30 ⵏ ⵢⵉⵎⴻⵍⵢⵓⵏⴻⵏ ⵏ ⵡⵓⵕⵓⵜⴻⵏ, ⵢⴻⵔⵏⵓ ⵢⴻⴱⴷⴰ ⵍⴻⴱⵏⵉ-ⵏⵏⴻⵙ ⴷⴻⴳ ⵡⴰⵎⴱⴻⵔ ⵏ 2012. ⴷ ⵜⴰⵕⵎⵉⵙⵜ ⵜⴰⵛⵉⵏⵡⴰⵜ ⵏ « ⴱⴻⵉⵊⵉⵏⴳ » ⴰⵢ ⴷ-ⵢⴻⵍⵀⴰⵏ ⵙ ⵍⴻⴱⵏⵉ-ⵏⵏⴻⵙ.

ⴰⵙⴻⵏⴼⴰⵔ-ⴰ ⵏ ⵍⴻⴱⵏⵉ ⵢⴻⵍⵍⴰ-ⴷ ⴷⴻⴳ ⵓⴽⴰⵜⴰⵔ ⵏ ⵡⴻⵎⵢⴰⵍⴻⵍ (ⵜⴰⵄⴰⵡⵓⵏ) ⴰⴷⴰⵎⵙⴰⵏ ⴷ ⵡⴻⵜⵡⵉⵍⴰⵏ ⴰⵢ ⵙⵜⴻⵏⵢⴰⵏⵜ ⵍⴻⵣⵣⴰⵢⴻⵔ ⴷ ⵛⵛⵉⵏⵡⴰ ⴷⴻⴳ 3 ⴼⵓⵕⴰⵕ 2004.