ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵇⴱⵓⵛⵜ ⵏ ⵓⵎⴰⴹⴰⵍ ⵏ ⵜⵛⵉⵔⴼⵓⵙⵜ ⵏ ⴷⴷⴰⵡ 21: ⵢⴻⵙⵙⴻⴼⴽ ⴰⴷ ⵢⵉⵍⵉ ⵓⵏⴻⵔⵎⵉⵙ ⵢⴻⵣⴳⴰⵏ (ⵜⴰⴼⵉⴷⵉⵕⴰⵍⵉⵜ ⵜⴰⴳⵔⴰⵖⵍⴰⵏⵜ)
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ– ⵏⵏⴰⵏ-ⴷ, ⴰⵙⵙ ⵏ ⵍⴻⵅⵎⵉⵙ, ⵢⵉⵎⴰⵣⵣⴰⵢⴻⵏ (ⵅⵓⴱⴰⵔⴰ’) ⵏ ⵜⴼⵉⴷⵉⵕⴰⵍⵉⵜ ⵜⴰⴳⵔⴰⵖⵍⴰⵏⵜ ⵏ ⵜⵛⵉⵔⴼⵓⵙⵜ, ⴰⵢ ⴷ-ⵢⴻⵔⵣⴰⵏ ⵖⴻⴼ ⵍⴻⵣⵣⴰⵢⴻⵔ ⵉ ⵍⵎⴻⵏⴷ ⵏ ⵓⵀⴻⵢⵢⵉ ⵉ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ ⴷⴷⴰⵡ 21 ⴰⵔⴰ ⴷ-ⵢⵉⵍⵉⵏ ⴷⴻⴳ ⵖⵓⵛⵜ ⵏ 2017 ⴷⴻⴳ ⵍⴻⵣⵣⴰⵢⴻⵔ, ⴷⴰⴽⴽⴻⵏ « ⵢⴻⵙⵙⴻⴼⴽ ⴰⴷ ⵢⵉⵍⵉ ⵓⵏⴻⵔⵎⵉⵙ (ⵉⵜⵜⵉⵚⴰⵍ) ⵢⴻⵣⴳⴰⵏ » ⴷ ⵢⵉⴷⵣⴰⵢⵔⵉⵢⴻⵏ ⴰⵢ ⴷ-ⵢⴻⵍⵀⴰⵏ ⵙ « ⵓⵀⴻⵢⵢⵉ » ⵏ ⵜⴻⴷⵢⴰⵏⵜ-ⴰ, ⴰⵎ ⵡⴰⴽⴽⴻⵏ ⴰⵢⴱ ⴷ-ⵡⴻⴽⴽⴷⴻⵏ ⴷⴰⴽⴽⴻⵏ ⵎⴰⵣⴰⵍ ⵢⴻⴳⴳⵓⵏⵉ ⵡⴰⵟⴰⵙ ⵏ ⵓⵅⴻⴷⴷⵉⵎ ⵓⵇⴱⴻⵍ ⵎⴰ ⵜⴻⴱⴷⴰ ⵜⴻⴷⵢⴰⵏⵜ-ⴰ.
« ⴷⴻⴳ ⵜⴰⵣⵡⴰⵔⴰ-ⴰ, ⴰⵇⵍ-ⴰⵖ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⴰⴽⴽⴻⵏ ⴰⴷ ⵏⵇⴻⵢⵢⴻⵎ ⵙⴰⵏⴷⴰ ⴰⵢ ⵢⵓⵡⴻⴹ ⵓⵅⴻⴷⴷⵉⵎ ⵏ ⵓⵀⴻⵢⵢⵉ ⵏ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ ⴷⴷⴰⵡ 21 ⵢⴻⵔⵏⵓ ⴰⴷ ⴷ-ⵏⵀⴻⵢⵢⵉ ⴰⵕⴰⴱⵓⵍ ⵖⴻⴼ ⵢⵉⴷⴻⴳⴳⴻⵏ ⴰⴷⴷⴰⵍⴰⵏⴻⵏ ⴷ ⵢⵉⵙⴻⵏⵙⴰ ⴰⵢ ⵢⴻⵜⵜⵡⴰⵇⴻⴱⵍⴻⵏ ⵉ ⵡⴻⵎⵙⵉⵣⵡⴻⵔ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵢⴻⵏⵏⴰ ⵓⵙⴻⵔⴱⵉ ⵎⵉⵍⴰⵏ ⵒⴻⵜⵧⵏⵉⵊⴻⵠⵉⵛ, ⵢⵉⵡⴻⵏ ⵙⴻⴳ 3-ⵏⵏⵉ ⵏ ⵢⵉⵎⴰⵣⵣⴰⵢⴻⵏ ⵏ ⵜⴼⵉⴷⵉⵕⴰⵍⵉⵜ ⴰⵢ ⴷ-ⵢⴻⵔⵣⴰⵏ ⵖⴻⴼ ⵍⴷⵣⴰⵢⴻⵔ. ⵜⵉⵔⵣⵉ-ⵏⵙⴻⵏ ⴰⴷ ⵜⴼⴰⴽ ⴰⵙⵙ ⵏ 22 ⵜⵓⴱⴻⵕ.
« ⵎⴰⵛⴰ ⴰⵢⴻⵏ ⴰⵢ ⵢⴻⵙⵄⴰⵏ ⴰⵣⴰⵍ ⵎⴻⵖⵖⵔⴻⵏ ⴰⴽⴽ ⵖⴻⵔ-ⵏⴻⵖ ⵏⴻⵜⵜⴰ ⴷ ⴰⵏⴻⵔⵎⵉⵙ ⵢⴻⵣⴳⴰⵏ ⴷ ⵢⵉⴷⵣⴰⵢⵔⵉⵢⴻⵏ ⴰⵢ ⴷ-ⵢⴻⵍⵀⴰⵏ ⵙ ⵓⵙⴻⵏⴼⴰⵔ-ⴰ, ⴰⵛⴽⵓ ⵔⵔⴱⴻⵃ ⵏ ⵡⴻⵎⵙⵉⵣⵡⴻⵔ ⵎⴻⵖⵖⵔⴻⵏ ⴰⵎ ⵡⴰ ⵢⴻⴱⵏⴰ ⵖⴻⴼ ⵜⵎⴻⵍⵍⵉⵍⵜ (ⵏⴰⴵⴰⵄⴰ) ⴷ ⵓⵙⵙⴻⵎⵢⵓⴷⴷⴻⵙ (ⵜⴰⵏⵙⵉⵇ) ⴳⴰⵔ ⵡⴰⴽⴽ ⵉⵎⴷⴰⵏⴻⵏ ⴰⵢ ⵢⴻⵜⵜⴻⴽⴽⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵒⴻⵜⵧⵏⵉⵊⴻⵠⵉⵛ.
ⴷⴻⴳ ⵡⴰⵙⵙ ⴰⵎⴻⵣⵡⴰⵔⵓ ⵏ ⵜⴻⵔⵣⵉ, ⴷⴷⴰⵏ ⵢⵉⵎⴰⵣⵣⴰⵢⴻⵏ ⵏ ⵜⴼⵉⴷⵉⵕⴰⵍⵉⵜ ⵜⴰⴳⵔⴰⵖⵍⴰⵏⵜ ⵏ ⵜⵛⵉⵔⴼⵓⵙⵜ ⵖⴻⵔ 4 ⵏ ⵢⵉⴷⴻⴳⴳⴻⵏ ⴰⵢ ⵢⴻⵜⵜⵡⴰⵇⴻⴱⵍⴻⵏ ⵉ ⵜⴻⵇⴱⵓⵛⵜ-ⴰ ⵏ ⵓⵎⴰⴹⴰⵍ, ⵡⵉ ⴷ ⵜⴰⵣⴻⵖⵖⴰ ⵏ ⵀⴰⵔⵛⵀⴰ, ⵜⴰⵣⴻⵖⵖⴰ ⵜⴰⴽⴽⴰⴷⴷⴰⵍⵜ ⵏ ⵜⴰⵀⴰⵔ-ⴱⴻⵍⴰⴽⵀⴷⴰⵔ ⵏ ⵛⵛⵔⴰⴳⴰ, ⴰⵙⴻⵏⵙⵓ ⵏ ⵡⴻⵡⵔⴰⵙⵉ ⴷ ⵓⵖⴻⵔⴱⴰⵣ ⵉⵎⵉⵏⴻⴳ ⵏ ⵢⵉⵙⴻⵏⵙⴰ ⴷ ⵜⵏⴻⵞⵞⵉⵢⵉⵏ ⵏ ⵄⵉⵏ ⵍⴱⴻⵏⵢⴰⵏ.
« ⵏⴳⴰ ⵜⵉⵎⵍⵉⵍⵉⵜ ⵏ ⵓⵎⴰⵀⵉⵍ ⴰⵙⵙ-ⴰ ⵏ ⵍⴻⵅⵎⵉⵙ ⵜⴰⵏⵣⴰⵢⵜ, ⴷ ⵜⵉⵏ ⴰⵢⴷⴻⴳ ⴷ-ⵏⴻⴱⴷⴻⵔ ⴰⵢⴻⵏ ⴰⵢ ⵍⴰ ⵏⴻⵙⵙⴰⵔⴰⵎ ⴷ ⵡⵓⵙⵙⵉⵙⴻⵏ (ⴵⵓⵀⵓⴷ) ⴰⵢ ⵍⴰ ⵏⴻⵜⵜⵕⴰⵊⵓ ⵙⵖⵓⵔ ⵢⵉⴷⵉⵙ ⴰⴷⵣⴰⵢⵔⵉ ⵉ ⵓⵙⵙⴻⵔⴱⴻⵃ ⵏ ⵜⴻⵇⴱⵓⵛⵜ-ⴰ ⵏ ⵓⵎⴰⴹⴰⵍ ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵒⴻⵜⵧⵏⵉⵊⴻⵠⵉⵛ.
