ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵏⴻⵥⵔⵓⴼ ⵓⵜⵔⵉⵎ: ⵜⵉⵖⵔⵉ ⵏ ⵙⵉⴷⴰⵏⵉ ⵉ ⵜⴷⵓⴽⵍⵉ ⵜⵓⵕⵓⴼⵉⵜ ⴰⴽⴽⴻⵏ ⴰⴷ ⵜⴻⴹⴼⴻⵔ « ⵉⵃⴻⵣⵣⵉⴱⴻⵏ ⵓⵖⵜⵉⵙⴻⵏ » ⵉ ⵓⴼⴻⵔⵔⵓ ⵏ ⵜⴰⵍⵓⴼⵜ
ⴱⵔⵓⵅⴻⵍⵍⴻⵙ – ⵉⴳⴻⵔ-ⴷ ⵜⵉⵖⵔⵉ ⵓⵏⴻⵖⵍⴰⴼ ⴰⵚⴻⵃⵔⴰⵡⵉ ⴰⵏⴻⵙⵎⵉⴳⴰⵍ ⵉ ⵜⵓⵕⵓⴼⵜ, ⵎⵧⵀⴰⵎⴻⴷ ⵙⵉⴷⴰⵜⵉ, ⴰⵙⵙ ⵏ ⵍⵊⴻⵎⵄⴰ ⴷⴻⴳ ⴱⵔⵓⵅⴻⵍⵍⴻⵙ, ⵉ ⵜⴷⵓⴽⵍⵉ ⵜⵓⵕⵓⴼⵉⵜ ⴰⴽⴽⴻⵏ « ⴰⴷ ⵜⴻⴷⴷⴻⵎ ⵙ ⵍⵄⴻⵊⵍⴰⵏ ⵉⵃⴻⵣⵣⵉⴱⴻⵏ ⴷ ⵓⵖⵜⵉⵙⴻⵏ » ⵉ ⵓⴼⴻⵔⵔⵓ ⵏ ⵜⴰⵍⵓⴼⵜ ⵏ ⵓⵏⴻⵥⵔⵓⴼ ⵓⵜⵔⵉⵎ ⵙ ⵓⵇⴰⴷⴻⵔ ⵏ ⵜⵏⴻⵖⵜⵓⵙⵉⵏ ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ ⴰⵢ ⵢⴻⵙⵙⴻⴼⵔⴰⵢⴻⵏ ⴰⴳⴳⵓⵛⵛⴻⵍⵎⴰⵏ (ⵜⴰⵇⵔⵉⵔ ⵎⴰⵚⵉⵔ) ⵏ ⵡⴻⵖⵔⴻⴼ ⴰⵚⴻⵃⵔⴰⵡⵉ.
«ⴳⴳⴰⵔⴻⵖ-ⴷ ⵜⵉⵖⵔⵉ ⵉ ⵜⴷⵓⴽⵍⵉ ⵜⵓⵕⵓⴼⵉⵜ ⴰⴽⴽⴻⵏ ⴰⴷ ⵜⴻⴷⴷⴻⵎ, ⵙ ⵍⵄⴻⵊⵍⴰⵏ, ⵉⵃⴻⵣⵣⵉⴱⴻⵏ ⵓⵖⵜⵉⵙⴻⵏ ⵉ ⵓⴼⴻⵔⵔⵓ ⵏ ⵜⴰⵍⵓⴼⵜ-ⴰ ⵙ ⵓⵇⴰⴷⴻⵔ ⵏ ⵡⴻⵔⴽⴰⵡⴰⵍ (ⵎⵉⵜⴰⵇ) ⵏ ⵢⴻⵖⵍⴰⵏⴻⵏ ⵢⴻⴷⴷⵓⴽⴽⵍⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵙⵉⴷⴰⵜⵉ ⴷⴻⴳ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⴷⴻⴳ ⵡⴻⵎⵏⵉ ⵓⵕⵓⴼⵉ ⵖⴻⴼ ⵓⵏⴻⵥⵔⵓⴼ ⵓⵜⵔⵉⵎ.
ⴷⴻⴳ ⵡⴰⵡⴰⵍ-ⵏⵏⴻⵙ ⵉ ⵢⵉⵎⴰⵣⴰⵏⴻⵏ (ⵏⵓⵡⵡⴰⴱ) ⵓⵕⵓⴼⵉⵢⴻⵏ ⵏ ⵜⵎⴰⴳⵍⴰ (ⵡⴰⴼⴷ) ⵉ ⵡⴰⵙⵙⴰⵖⴻⵏ ⴷ ⵜⵎⵓⵔⴰ ⵏ ⵍⵎⴻⵖⵔⴻⴱ, ⵢⴻⵏⵏⴰ-ⴷ ⵙⵉⴷⴰⵜⵉ ⴷⴰⴽⴽⴻⵏ ⵜⴰⴷⵓⴽⵍⵉ ⵜⵓⵕⵓⴼⵉⵜ, ⴰⵢ ⵢⴻⵙⵄⴰⵏ ⵜⵉⵛⵛⵓⵔⴽⴰ ⵉⵣⴰⴷⴻⵏ ⴷ ⵜⴳⴻⵍⴷⴰ ⵏ ⵎⴻⵕⵕⵓⴽ, « ⵢⴻⵙⵙⴻⴼⴽ ⴰⴷ ⵜⴻⵃⵕⴻⵙ ⵎⴻⵕⵕⵓⴽ ⵉ ⵓⴼⴻⵔⵔⵓ ⵏ ⵜⴰⵍⵓⴼⵜ-ⴰ ».
« ⵜⴻⵙⵄⴰⵎ ⵜⴰⵎⴰⵙⵉⵜ (ⵎⴰⵙ’ⵓⵍⵉⵢⵢⴰ) ⵜⵓⵙⴹⵉⴼⵜ ⴷ ⵜⵎⴻⵏⵣⴰⵢⴰⵏⵜ ⵉ ⵓⴼⴰⴽⵉ ⵏ ⵜⴰⵍⵓⴼⵜ-ⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵉ ⵢⵉⵎⴰⵣⴰⵏⴻⵏ ⵓⵕⵓⴼⵉⵢⴻⵏ.
ⵎⴰⵙⵙ ⵙⵉⴷⴰⵜⵉ, ⵢⴻⵍⵍⴰⵏ ⴷⴰⵖ ⴷ ⴰⵎⴰⵙⵍⴰⴹ (ⵄⵓⴹⵡ) ⵏ ⵜⵎⴻⵀⵍⴰ ⵏ ⵜⴻⵔⵏⵉ ⵏ ⵒⵧⵍⵉⵙⴰⵔⵉⵧ, ⵢⴻⵙⵃⴰⵙⵙⴻⴼ ⵖⴻⴼ ⵡⴰⴷⴷⵓⴷ ⵏ ⴽⵔⴰ ⵏ ⵢⵉⵎⴰⵣⴰⵏⴻⵏ ⵓⵕⵓⴼⵉⵢⴻⵏ ⴰⵢ ⵢⴻⴼⴽⴰⵏ ⵜⴰⴼⴻⵍⵙⴰ ⵉ ⵜⴻⵣⵏⵉⵡⵜ (ⴷⵉⵄⴰⵢⴰ) ⵏ ⵎⴻⵕⵕⵓⴽ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ ⴹⵓⵔⵔⴻⵏ, ⵙ ⵜⵉⴷⴷⵉⵜ-ⴰ, ⵉⵣⵔⴰⵣⴰⵖⴻⵏ (ⵍⴰⴵⵉ’ⵉⵏ) ⵉⵚⴻⵃⵔⴰⵡⵉⵢⴻⵏ ⴰⵢ ⵢⴻⵕⵡⴰⵏ ⵍⵃⵉⴼ ⵉⵎⵉ ⴰⵢ ⵜⴻⵏⵇⴻⵙ ⵜⴰⵍⵍⴰⵍⵜ ⵜⴰⴳⵔⴰⵖⵍⴰⵏⵜ.
