ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵡⴻⵀⵕⴰⵏ: ⴰⵎⵢⴻⵡⵡⴰⵜ ⴳⴰⵔ ⵜⵎⴰⵛⵉⵏⵜ ⴷ ⵢⵉⵡⴻⵜ ⵏ ⵜⴽⴻⵕⵕⵓⵙⵜ (ⴰⵃⵓⴷⴷⵓ ⴰⵖⴰⵔⵉⵎ)
ⵡⴻⵀⵕⴰⵏ– ⵜⵡⴻⵜ ⵢⵉⵡⴻⵜ ⵏ ⵜⵎⴰⵛⵉⵏⵜ ⵏ ⵢⴻⵎⵙⵉⴽⵍⴻⵏ (ⵎⵓⵙⴰⴼⵉⵔⵉⵏ) ⵢⴻⵇⵇⵏⴻⵏ ⴳⴰⵔ ⵡⴻⵀⵕⴰⵏ ⴷ ⵡⴰⴷ-ⵜⵜⵍⵉⵍⴰⵜ, ⴰⵙⵙ ⵏ ⵙⵙⴻⴱⵜ ⵜⴰⵎⴻⴷⴷⵉⵜ, ⵢⵉⵡⴻⵜ ⵏ ⵜⴽⴻⵕⵕⵓⵙⵜ ⴷⴻⴳ ⵡⴻⵣⵔⵓⴳ (ⵎⴰⵄⴱⴰⵔ) ⵏ ⵍⵃⴰⵎⵓⵍ, ⴷⴻⴳ ⵡⴻⵏⵥⵓⵍ ⵏ ⵜⵡⵉⵍⴰⵢⵜ ⵏ ⵡⴻⵀⵕⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵏⵏⴰⵏ ⴰⵙⵙ ⵏ ⵍⵃⴻⴷⴷ ⵢⵉⵎⴻⵥⵍⴰ ⵏ ⵓⵃⵓⴷⴷⵓ ⴰⵖⴰⵔⵉⵎ, ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⵓⵍⴰ ⴷ ⵢⵉⵡⴻⵏ ⵏ ⵡⴻⵎⴷⴰⵏ ⵓⵔ ⵢⴻⵏⴹⴻⵔⵔ ⵙⴻⴳ ⵓⵙⴻⵀⵡⵓ-ⴰ.
ⵜⴰⵎⴰⵛⵉⵏⵜ-ⵏⵏⵉ ⵓⵔ ⴷ-ⵜⵓⵡⵉⵢ ⵓⵍⴰ ⴷ ⵢⵉⵡⴻⵏ ⵏ ⵢⴻⵎⵙⵉⴽⴻⵍ ⴷⴻⴳ ⵓⵙⵙⵉⴽⴻⵍ-ⵏⵏⴻⵙ ⵏ ⵢⵉⴹ ⴳⴰⵔ ⵡⴻⵀⵕⴰⵏ ⴷ ⵡⴰⴷ ⵜⵜⵍⵉⵍⴰⵜ, ⵎⴰ ⴷ ⴰⵏⴻⵀⵀⴰⵕ ⵏ ⵜⴽⴻⵕⵕⵓⵙⵜ-ⵏⵏⵉ ⵢⴻⵙⵙⴰⵡⴻⴹ ⴰⴷ ⴷ-ⵢⴻⵔⵡⴻⵍ ⵙⴻⴳ ⵜⴽⴻⵕⵕⵓⵙⵜ-ⵏⵏⴻⵙ ⵓⵇⴱⴻⵍ ⵎⴰ ⵜⵡⴻⵜ-ⵉⵜⵜ ⵜⵎⴰⵛⵉⵏⵜ.
ⴰⵏⴻⵀⵀⴰⵕ-ⴰ ⴰⵢ ⵉⵅⴻⵍⵄⴻⵏ, ⵓⵡⵢⴻⵏ-ⵜ ⵖⴻⵔ ⵡⴻⵙⴱⵉⵟⴰⵔ ⴰⵙⴷⴰⵡⴰⵏ ⵏ ⵡⴻⵀⵕⴰⵏ, ⵎⴰ ⴷ ⵜⴰⴽⴻⵕⵕⵓⵙⵜ-ⵏⵏⴻⵙ ⵜⴻⵜⵜⵡⴰⵔⴽⴻⵛ ⴰⴽⴽ ⵢⴻⵔⵏⵓ ⵙⵜⴰⵅⵔⴻⵏ-ⵜⵜ ⵙⴻⴳ ⵡⴻⴱⵔⵉⴷ ⵏ ⵜⵎⴰⵛⵉⵏⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵃⵓⴷⴷⵓ ⴰⵖⴰⵔⵉⵎ.
ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵍⵍⴰ-ⴷ ⵓⵙⴻⵀⵡⵓ ⵏ ⵡⴻⴱⵔⵉⴷ ⴷⴻⴳ ⵢⵉⴹ ⵏ ⵡⴰⵙⵙ ⵏ ⵙⵙⴻⴱⵜ ⴷⴻⴳ ⵜⵖⵉⵡⴰⵏⵜ ⵏ ⵄⵉⵏ ⵟⵟⴻⵔⴽ, ⴷ ⵡⵉⵏ ⴰⵢⴷⴻⴳ ⵢⴻⵎⵎⵓⵜ ⵢⵉⵡⴻⵏ ⵏ ⵡⴻⵎⴷⴰⵏ, ⴷⴻⴳ ⵡⴰⴽⵓⴷ ⴰⵢⴷⴻⴳ ⵢⴻⵊⵔⴻⵃ ⵡⴰⵢⴻⴹ.
