Asebter amenzawi

Wehṛan: Amyewwat gar tmacint d yiwet n tkeṛṛust (aḥuddu aɣarim)

WEHṚAN– Twet yiwet n tmacint n yemsiklen (musafirin) yeqqnen gar Wehṛan d Wad-Ttlilat, ass n ssebt tameddit, yiwet n tkeṛṛust deg wezrug (maɛbar) n Lḥamul, deg wenẓul n twilayt n Wehṛan, ɣef wakken ay aɣ-d-nnan ass n lḥedd yimeẓla n uḥuddu aɣarim, ay d-yernan dakken ula d yiwen n wemdan ur yenḍerr seg usehwu-a.

Tamacint-nni ur d-tuwiy ula d yiwen n yemsikel deg ussikel-nnes n yiḍ gar Wehṛan d Wad Ttlilat, ma d anehhaṛ n tkeṛṛust-nni yessaweḍ ad d-yerwel seg tkeṛṛust-nnes uqbel ma twet-itt tmacint.

Anehhaṛ-a ay ixelɛen, uwyen-t ɣer wesbiṭar asdawan n Wehṛan, ma d takeṛṛust-nnes tettwarkec akk yernu staxren-tt seg webrid n tmacint, ɣef wakken ay d-yenna uḥuddu aɣarim.

Seg yidis niḍen, yella-d usehwu n webrid deg yiḍ n wass n ssebt deg tɣiwant n Ɛin Ṭṭerk, d win aydeg yemmut yiwen n wemdan, deg wakud aydeg yejreḥ wayeḍ.