ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵃⵓⴷⴷⵓ ⵏ ⵜⵡⴻⵏⵏⴰⴹⵜ: ⵍⵇⴰⵍⴰ ⴷ ⴷⴷⵓⵖ ⵜⵜⵡⴰⵇⴻⴱⵍⴻⵏ ⴷⴻⴳ ⵡⴰⵀⵉⵍ ⵏ ⵡⴻⵎⵄⴰⵡⴻⵏ ⴰⴷⵣⴰⵢⵔⵉ-ⴰⵍⵎⴰⵏⵉ

ⵟⵟⴰⵔⴻⴼ – ⵜⵜⵡⴰⵇⴻⴱⵍⴻⵏⵜ ⵜⴻⵎⵏⴰⴹⵉⵏ ⵏ ⵍⵇⴰⵍⴰ (ⵟⵟⴰⵔⴻⴼ) ⴷ ⴷⴷⵓⵖ (ⵄⴻⵏⵏⴰⴱⴰ) ⴷⴻⴳ ⵡⴰⵀⵉⵍ ⵏ ⵡⴻⵎⵢⴰⵍⴻⵍ ⴰⴷⵣⴰⵢⵔⵉ-ⴰⵍⵎⴰⵏⵉ ⵏ « ⵜⴻⵏⴱⴰⴹⵜ ⵜⴰⵡⴻⵏⵏⴰⴹⴰⵏⵜ ⴷ ⵜⴰⵏⴹⴰ ⵜⴰⵙⵏⵓⴷⵔⴰⵏⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵙⵙⴻⴱⵜ ⴷⴻⴳ ⵟⵟⴰⵔⴻⴼ, ⵓⵏⴻⵎⵀⴰⵍ ⴰⵎⴰⵜⵓ ⵏ ⵜⵡⴻⵏⵏⴰⴹⵜ ⵖⴻⵔ ⵡⴻⵖⵍⵉⴼ ⵏ ⵜⴻⵖⴱⵓⵍⴰ ⵏ ⵡⴰⵎⴰⵏ ⴷ ⵜⵡⴻⵏⵏⴰⴹⵜ.

ⴰⵀⵉⵍ-ⴰ ⴷ ⵡⵉⵏ ⴰⵢ ⵉⵅⴻⴷⴷⵎⴻⵏ ⵉ ⵓⵙⵙⵉⴷⴻⴼ ⵏ ⵡⴰⵍⵍⴰⵍⴻⵏ ⴷ ⵜⵓⴷⵙⵉⵡⵉⵏ ⵏ ⵜⴻⵏⴱⴰⴹⵜ ⵜⴰⵡⴻⵏⵏⴰⴹⴰⵏⵜ ⵉ ⵡⴻⴹⵎⴰⵏ ⵏ ⵓⵃⵓⴷⴷⵓ ⵏ ⵜⵡⴻⵏⵏⴰⴹⵜ ⴷ ⵡⴻⵃⵔⴰⵣ ⵏ ⵜⴻⵏⴹⴰ ⵜⴰⵙⵏⵓⴷⵔⴰⵏⵜ ⵙ ⵓⵙⵙⴻⴼⵔⴻⴽ ⵏ ⵜⴻⵎⵏⴰⴹⵉⵏ ⵢⴻⵜⵜⵡⴰⵃⵓⴷⴷⴻⵏ ⵙ ⵜⵓⴷⵙⵉⵡⵉⵏ ⴰⵢⴷⴻⴳ ⴰⵔⴰ ⵜⵜⴻⴽⴽⵉⵏ ⵢⵉⴷⵉⵙⴰⵏ ⵢⴻⵎⴳⴻⵔⵔⴰⴷⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵜⴰⵀⴰⵔ ⵜⵧⵍⴱⴰ ⴷⴻⴳ ⵢⵉⵡⴻⵏ ⵏ ⵡⴻⵎⵢⴰⴳⴻⵔ ⴰⵢ ⴷ-ⵢⴻⵍⵍⴰⵏ ⵖⴻⴼ ⵡⴰⵀⵉⵍ-ⴰ ⵏ ⵡⴻⵎⵢⴰⵍⴻⵍ ⴷⴻⴳ ⵜⴻⵙⵖⵉⵎⵜ (ⵎⴰⵇⴰⵔ) ⵏ ⵜⵡⵉⵍⴰⵢⵜ, ⴷⴻⴳ ⵢⵉⵊⵉⴼⴻⵕ ⵏ ⵡⴻⵙⴼⵓⴳⴻⵍ ⵏ ⵡⴰⵙⵙ ⴰⵖⴻⵍⵏⴰⵡ ⵏ ⵜⵖⴻⵎⵙⴰ.

ⵢⴻⵙⵎⴻⴽⵜⵉ-ⴷ ⴷⴰⵖ ⵎⴰⵙⵙ ⵜⵧⵍⴱⴰ ⴷⴰⴽⴽⴻⵏ ⴰⵀⵉⵍ ⴰⵢ ⴷ-ⵢⴻⴱⴷⴰ ⵡⴻⵖⵍⵉⴼ ⵏ ⵜⴻⵖⴱⵓⵍⴰ ⵏ ⵡⴰⵎⴰⵏ ⴷ ⵜⵡⴻⵏⵏⴰⴹⵜ ⵙ ⵜⵉⵛⵛⵓⵔⴽⴰ ⴷ ⵜⵏⴻⴳⴳⴰ ⵜⴰⵍⵎⴰⵏⵉⵜ ⵏ ⵡⴻⵎⵢⴰⵍⴻⵍ (ⴳⵉⵣ) ⵢⴻⴱⴷⴰ-ⴷ ⴷⴻⴳ ⵡⴰⵎⴱⴻⵔ ⵏ 2014 ⵢⴻⵔⵏⵓ ⴰⴷ ⵉⴽⴻⵎⵎⴻⵍ ⴰⵔⵎⴰ ⴷ 2018, ⵢⴻⵔⵏⵓ ⵙⴱⴻⴳⵙⴻⵏ-ⴰⵙ-ⴷ ⴰⵎⴰⵔⵓⴷ ⵏ 4 ⵏ ⵢⵉⵎⴻⵍⵢⵓⵏⴻⵏ ⵏ ⵡⵓⵕⵓⵜⴻⵏ.

ⵢⴻⵔⵏⴰ-ⴷ ⵎⴰⵙⵙ ⵜⵧⵍⴱⴰ ⴷⴰⴽⴽⴻⵏ ⴰⵀⵉⵍ ⵏ ⵜⵏⴻⴳⴳⴰ ⵜⴰⵍⵎⴰⵏⵉⵜ ⵏ ⵡⴻⵎⵢⴰⵍⴻⵍ ⵢⴻⵍⵍⴰ-ⴷ ⴷⴻⴼⴼⵉⵔ ⵜⴻⵣⵔⴰⵡⵉⵏ (ⴷⵉⵔⴰⵙⴰⵜ) ⴷ ⵜⵙⴻⵎⵙⴰⵍ (ⵡⴰⵔⴰⵛⴰⵜ) ⴰⵢ ⴷ-ⵉⵃⵓⵣⴰⵏ ⴰⵙⵖⵉⵡⴻⵙ ⵏ ⵢⴻⵔⵎⵓⴷⴻⵏ ⵉ ⵓⵙⵙⴻⵊⵀⴻⴷ ⵏ ⵡⴻⵃⵔⴰⵣ ⵏ ⵜⵡⴻⵏⵏⴰⴹⵜ, ⵢⴻⵔⵏⵓ ⵢⴻⵍⵍⴰ-ⴷ ⵡⴰⵢⴰ ⵙ ⵡⴻⵎⵢⴰⵍⴻⵍ ⴷ ⵢⴻⵛⵔⵉⴽⴻⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ, ⵍⴰⴷⵖⴰ ⵜⵉⵎⴰⵣⴷⴰⵢⵉⵏ ⵜⵉⴷⵉⴳⴰⵏⵉⵏ ⴷ ⵜⵉⴷⴷⵓⴽⵍⵉⵡⵉⵏ.