ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵙⵓⵇ ⴰⵀⵕⴰⵙ: ⴱⴷⴰⵏ-ⴷ ⵜⴰⵎⵀⴻⵍⵜ ⵏ ⵓⵃⴻⵣⵣⴻⴱ ⵖⴻⴼ ⵢⵉⵎⵉⵀⵉⵜⴻⵏ ⵏ ⵍⴳⴰⵣ ⴷ ⵜⵔⵉⵙⵉⵜⵉ
ⵙⵓⵇ ⴰⵀⵕⴰⵙ – ⵜⴻⴱⴷⴰ-ⴷ ⵜⴻⵕⵎⵉⵙⵜ ⵜⴰⴷⵉⴳⴰⵏⵜ (ⵎⴰⵃⴰⵍⵍⵉⵢⵢⴰ) ⵏ ⵡⴻⴼⵔⴰⵇ ⵏ ⵍⴳⴰⵣ ⴷ ⵜⵔⵉⵙⵉⵜⵉ (ⵙⴷⴻ) ⵜⴰⵃⴻⵎⵍⴰ ⵏ ⵓⵃⴻⵣⵣⴻⴱ ⴷ ⵡⴻⵙⵃⵓⵍⴼⵓ ⵖⴻⴼ ⵢⵉⵎⵉⵀⵉⵜⴻⵏ ⵏ ⵜⵔⵉⵙⵉⵜⵉ ⴷ ⵓⵙⵙⴻⵇⴷⴻⵛ ⵏ ⴷⵉⵔⵉ ⵏ ⵍⴳⴰⵣ ⴰⴳⴰⵎⴰⵏ ⴰⵙⵙ ⵏ ⵙⵙⴻⴱⵜ ⴷⴻⴳ ⵜⵡⵉⵍⴰⵢⵜ ⵏ ⵙⵓⵇ ⴰⵀⵕⴰⵙ.
ⵉⵙⵡⵉ ⵏ ⵜⵃⴻⵎⵍⴰ-ⴰ ⴷ ⴰⵃⵔⴰⵣ ⵏ ⵎⴻⴷⴷⴻⵏ ⴰⴽⴽⴻⵏ ⵓⵔ ⴷ-ⵢⴻⵜⵜⵉⵍⵉ ⵓⵍⴰ ⴷ ⵢⵉⵡⴻⵏ ⵏ ⵓⵙⴻⵀⵡⵓ (ⵃⴰⴷⵉⵜ) ⵢⴻⵔⵏⵓ ⵜⴻⵜⵜⵡⴰⵡⴻⵀⵀⴰ ⵜⵃⴻⵎⵍⴰ-ⴰ ⵉ ⵢⵉⵎⴻⵣⴷⴰⵖⴻⵏ ⴰⵢ ⵢⴻⵜⵜⵡⴰⵇⵇⵏⴻⵏ ⵙⴻⴳ ⵎⴻⵍⵎⵉ ⴽⴰⵏ ⵖⴻⵔ ⵍⴳⴰⵣ ⴷⴻⴳ ⵜⵖⵉⵡⴰⵏⵉⵏ ⵏ ⵡⵉⵍⴻⵏ ⴷ ⵄⵉⵏ ⵙⵙⴻⵍⵟⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵢⴻⵎⴽⴻⵍⵍⴻⴼ ⵙ ⵜⴻⵖⵡⴰⵍⵜ ⵏ ⵜⴻⵕⵎⵉⵙⵜ ⵏ ⵡⴻⴼⵔⴰⵇ ⵏ ⵜⵔⵉⵙⵉⵜⵉ ⵏ ⵙⵓⵇ ⴰⵀⵕⴰⵙ, ⵎⵧⵀⴰⵎⴻⴷ-ⵍⴰⵎⵉⵏⴻ ⵜⴻⵢⴰⵀ.
ⵢⴻⵏⵏⴰ-ⴷ ⴷⴰⵖ, ⴷⴻⴳ ⵜⴻⵎⵙⴰⵍⵜ-ⴰ, ⴷⴰⴽⴽⴻⵏ ⴰⵙⵙⴻⵎⵖⴻⵔ ⵏ ⵓⵥⴻⴹⴹⴰ ⵏ ⵡⴻⴼⵔⴰⵇ ⵏ ⵍⴳⴰⵣ ⴰⴳⴰⵎⴰⵏ ⵉⵃⴻⵜⵜⴻⵎ-ⴷ ⴰⵙⵙⴻⵊⵀⴻⴷ ⵏ ⵜⵃⴻⵎⵍⵉⵡⵉⵏ ⵏ ⵡⴻⵙⵃⵓⵍⴼⵓ ⵖⴻⴼ ⵢⵉⵎⵉⵀⵉⵜⴻⵏ ⵏ ⵍⴳⴰⵣ, ⵢⴻⵔⵏⵓ ⵉⵡⴻⴽⴽⴻⴷ-ⴷ ⴷⴰⴽⴽⴻⵏ ⵓⵔ ⵜⴻⵜⵜⵄⴻⴹⴹⵉⵍ ⴰⴷ ⵜⴻⴱⴷⵓ ⵜⵃⴻⵎⵍⴰ ⴰⵎ ⵜⴰ ⴷⴻⴳ ⵜⵏⴻⵣⴷⵓⵖⵉⵏ ⵜⵉⵙⴷⴰⵡⴰⵏⵉⵏ ⴰⴽⴽⴻⵏ ⴰⴷ ⴷ-ⵜⵃⴰⵣ ⵜⵃⴻⵎⵍⴰ-ⴰ ⴰⴽⴽ ⵉⵃⵔⵉⵛⴻⵏ ⵏ ⵜⵎⴻⵜⵜⵉ.
ⵜⴰⵕⵎⵉⵙⵜ ⵏ ⵡⴻⴼⵔⴰⵇ ⵏ ⵜⵔⵉⵙⵉⵜⵉ ⵏ ⵙⵓⵇ ⴰⵀⵕⴰⵙ ⵓⵔ ⵜⴻⵜⵜⵄⴻⴹⴹⵉⵍ ⴰⴷ ⴷ-ⵜⴻⵙⵙⵓⴷⴷⴻⵙ ⵓⵙⵙⴰⵏ ⵏ ⵜⴻⵡⵡⵓⵔⴰ ⵉⵔⴻⵥⵎⴻⵏ ⴷ ⵢⴻⵎⵢⴰⴳⵔⴻⵏ ⵏ ⵜⴻⵣⵔⴰⵡⵉⵏ ⵜⵉⵜⵡⵉⵍⴰⵏⵉⵏ ⵖⴻⴼ ⵢⵉⵎⵉⵀⵉⵜⴻⵏ ⵏ ⵓⵙⵙⴻⵇⴷⴻⵛ ⵏ ⴷⵉⵔⵉ ⵏ ⵍⴳⴰⵣ ⴷ ⵜⵔⵉⵙⵉⵜⵉ, ⵙ ⵓⵜⵜⴻⴽⴽⵉ ⵏ ⵢⵉⴷⵉⵙⴰⵏ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⵎ ⵜⴻⵙⴷⴰⵡⵉⵢⵉⵏ, ⵜⵉⵎⴻⵀⵍⵉⵡⵉⵏ (ⵎⵓⴷⵉⵔⵉⵢⵢⴰⵜ) ⵏ ⵓⵙⵙⴻⴳⵎⵉ, ⵏ ⵜⵏⴻⵣⵣⵓⵜ ⴷ ⵓⵃⵓⴷⴷⵓ ⴰⵖⴰⵔⵉⵎ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ.
