Asebter amenzawi

Suq Ahṛas: bdan-d tamhelt n uḥezzeb ɣef yimihiten n lgaz d trisiti

SUQ AHṚAS – Tebda-d teṛmist tadigant (maḥalliyya) n wefraq n lgaz d trisiti (SDE) taḥemla n uḥezzeb d wesḥulfu ɣef yimihiten n trisiti d usseqdec n diri n lgaz agaman ass n ssebt deg twilayt n Suq Ahṛas.

Iswi n tḥemla-a d aḥraz n medden akken ur d-yettili ula d yiwen n usehwu (ḥadit) yernu tettwawehha tḥemla-a i yimezdaɣen ay yettwaqqnen seg melmi kan ɣer lgaz deg tɣiwanin n Wilen d Ɛin Sselṭan, ɣef wakken ay d-yenna yemkellef s teɣwalt n Teṛmist n Wefraq n Trisiti n Suq Ahṛas, Mohamed-Lamine Teyah.

Yenna-d daɣ, deg temsalt-a, dakken assemɣer n uẓeḍḍa n wefraq n lgaz agaman iḥettem-d assejhed n tḥemliwin n wesḥulfu ɣef yimihiten n lgaz, yernu iwekked-d dakken ur tettɛeḍḍil ad tebdu tḥemla am ta deg tnezduɣin tisdawanin akken ad d-tḥaz tḥemla-a akk iḥricen n tmetti.

Taṛmist n Wefraq n Trisiti n Suq Ahṛas ur tettɛeḍḍil ad d-tessuddes ussan n tewwura ireẓmen d yemyagren n tezrawin titwilanin ɣef yimihiten n usseqdec n diri n lgaz d trisiti, s uttekki n yidisan ay terza temsalt am tesdawiyin, timehliwin (mudiriyyat) n ussegmi, n tnezzut d uḥuddu aɣarim, ɣef wakken ay d-iwekked.