ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⴰⵙⵙ ⵀⴰⴷⵊⴰⵔ ⴰⴷ ⵢⴻⴳⴳⴻⵏⵙⴻⵙ ⵍⴻⵣⵣⴰⵢⴻⵔ ⴷⴻⴳ ⵓⵎⵢⵉⴳⴻⵔ ⴰⴳⵔⴰⵖⵍⴰⵏ ⵖⴻⴼ ⵜⵓⵙⵙⵏⵉⵡⵉⵏ ⵏ ⵜⴰⵍⵍⵓⵏⵜ ⴷⴻⴳ ⵜⵎⵓⵔⵜ ⵏ ⵟⴰⵍⵢⴰⵏ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵏⴻⵖⵍⴰⴼ ⵏ ⵓⵙⴻⵍⵎⴻⴷ ⴰⵏⴰⴼⴻⵍⵍⴰ ⴰⴽⴽⴻⴷ ⵜⴻⴳⵎⵉ ⵜⵓⵙⵙⵏⴰⵏⵜ, ⵎⴰⵙⵙ ⵜⴰⵀⴰⵔ ⵀⴰⴷⵊⴰⵔ, ⴰⴷ ⵢⴻⴳⴳⴻⵏⵙⴻⵙ ⵍⴻⵣⵣⴰⵢⴻⵔ ⴷⴻⴳ ⵓⵎⵢⵉⴳⴻⵔ ⴰⴳⵔⴰⵖⵍⴰⵏ ⴰⵎⴻⵣⵡⴰⵔⵓ ⵖⴻⴼ ⵜⵓⵙⵙⵏⵉⵡⵉⵏ ⵏ ⵜⴰⵍⵍⵓⵏⵜ, ⴰⵔⴰ ⴷ-ⵢⴻⴹⵔⵓⵏ ⴰⵙⵙ ⵏ 23 ⴰⴽⴽⴻⴷ 24 ⵜⵓⴱⴻⵔ 2016 ⴷⴻⴳ ⵜⴻⵎⴷⵉⵏⵜ ⵏ ⵜⵔⴻⵏⵜⵧ (ⵟⴰⵍⵢⴰⵏ), ⵉ ⴷ-ⵢⴻⵏⵏⴰ ⴰⵙⵙ ⵏ ⵍⵃⴻⴷⴷ ⵢⵉⵡⴻⵏ ⵏ ⵡⴻⵍⵖⵓ ⵏ ⵓⵖⵍⵉⴼ.

ⵓⴳⴰⵔ ⵏ ⵙⴹⵉⵙ ⵏ ⵜⵎⴻⵔⵡⵉⵏ (60) ⵏ ⵢⵉⵏⴻⵖⵍⴰⴼⴻⵏ ⵏ ⵓⵙⴻⵍⵎⴻⴷ ⴰⵏⴰⴼⴻⵍⵍⴰ ⴰⴽⴽⴻⴷ ⵜⴻⴳⵎⵉ ⵜⵓⵙⵙⵏⴰⵏⵜ ⴰⵔⴰ ⵢⴻⴽⴽⵉⵏ ⴷⴻⴳ ⵓⵎⵢⵉⴳⴻⵔ-ⴰ ⴰⴽⴽⴻⵏ ⴰⴷ ⵎⵎⴻⵙⵍⴰⵢⴻⵏ ⵖⴻⴼ ⵜⵉⴽⵛⵉ ⵏ ⵜⵓⵙⵙⵏⵉⵡⵉⵏ ⵏ ⵜⴰⵍⵍⵓⵏⵜ ⴷⴻⴳ ⵜⴻⴳⵎⵉ ⴰⴽⴽⴻⵏ ⴰⴷ ⴳⴻⵏ ⵢⵉⵡⴻⵜ ⵏ ⵜⵙⴻⵜⵔⴰⵜⵉⵊⵉⵜ ⵜⴰⵙⴻⵔⵜⴰⵏⵜ, ⵜⴰⴷⴰⵎⵙⴰⵏⵜ ⵏ ⵜⴰⵍⵍⵓⵏⵜ, ⵉ ⴷ-ⵜⴻⵙⵙⴻⴷⴷⵉ ⵜⴻⵖⴱⴰⵍⵓⵜ-ⵏⵏⵉ.

ⴷⴻⴳ ⵓⵎⵢⵉⴳⴻⵔ-ⴰ, ⵉ ⵙⴻⵔⵙⴻⵏ ⴷⴷⴰⵡ ⵏ ⵓⵙⴻⵏⵜⴻⵍ ‘’ⵜⵓⵙⵙⵏⵉⵡⵉⵏ ⴰⴽⴽⴻⴷ ⵜⴽⴰⴷⵉⵎⵉⵡⵉⵏ ⵏ ⵜⴰⵍⵍⵓⵏⵜ ⴰⴷ ⵇⴰⴱⵍⴻⵏⵜ ⵉⵛⵇⵉⵔⵡⴻⵏ ⵉⵎⴰⴹⴰⵍⴰⵏⴻⵏ’’, ⴰⴷ ⵎⵎⴻⵙⵍⴰⵢⴻⵏ ⵢⵉⵎⴻⴽⴽⵉⵢⴻⵏ ⵖⴻⴼ ⴷⴷⴻⵇⵙ ⵏ ⵜⵓⵜⵜⵔⵉⵡⵉⵏ ⵢⴻⵔⵣⴰⵏ ⴰⴱⴻⴷⴷⴻⵍ ⴰⵏⴻⵣⵡⴰⵏ ⴰⴽⴽⴻⴷ ⵓⵎⴻⵙⵜⴻⵏ ⵏ ⵜⵡⴻⵏⵏⴰⴹⵜ, ⵉ ⴷ-ⵉⵙⴻⴳⵔⴰ ⵡⴻⵍⵖⵓ.