Asebter amenzawi

Mass Hadjar ad yeggenses Lezzayer deg Umyiger agraɣlan ɣef tussniwin n Tallunt deg tmurt n Ṭalyan

LEZZAYER TAMANEɣT – Aneɣlaf n Uselmed anafella akked Tegmi tussnant, Mass Tahar Hadjar, ad yeggenses Lezzayer deg Umyiger agraɣlan amezwaru ɣef tussniwin n Tallunt, ara d-yeḍrun ass n 23 akked 24 tuber 2016 deg temdint n Trento (Ṭalyan), i d-yenna ass n lḥedd yiwen n welɣu n uɣlif.

Ugar n sḍis n tmerwin (60) n yineɣlafen n Uselmed anafella akked Tegmi tussnant ara yekkin deg umyiger-a akken ad mmeslayen ɣef tikci n tussniwin n Tallunt deg tegmi akken ad gen yiwet n tsetratijit tasertant, tadamsant n tallunt, i d-tesseddi teɣbalut-nni.

Deg umyiger-a, i sersen ddaw n usentel ‘’Tussniwin akked tkadimiwin n Tallunt ad qablent icqirwen imaḍalanen’’, ad mmeslayen yimekkiyen ɣef ddeqs n tuttriwin yerzan abeddel anezwan akked umesten n twennaḍt, i d-isegra welɣu.