Asebter amenzawi

Tamsalt n yiɛessasen n tɣiwanin tesɛa « azal d ameqran » ɣer weɣlif n yiweẓla n daxel (Bedoui)

LEZZAYER TAMANEɣT – Yenna-d uneɣlaf n yiweẓla n daxel, Nouredine Bedoui, ass n lḥedd, dakken tamsalt n yiɛessasen n tɣiwanin yesɛa « azal d ameqran » ɣer weɣlif-nnes.

Yemmuger Mass Bedoui igensasen (mumattilin) n yiɛessasen n tɣiwanin deg ukatar n temliliyin ay d-yettuɣalen seg-a ɣer da gar-asen.

Deffir ma yesla i yiɣeblan-nsen inmettiyen-isaduranen, yesmekti-d Mass Bedoui dakken iɛessasen n tɣiwanin fkan asfel d ameqran ɣer yidisn n yiɣallen n tɣellist (amn) i lmend n weḥraz d werkad n tmurt, am wakken ay d-iwekked dakken tamsalt n yiɛessasen n tɣiwanin « tesɛa azal d ameqran ɣer weɣlif », ɣef wakken ay d-yebder welɣu (bayan) n weɣlif n yiweẓla n daxel.

Yerna-d Mass Bedoui dakken « tiwwura n weɣlif ttɣimint-d reẓment i wemciweṛ d udiwenni (ḥiwar) ay d-yettɣimin d abrid imxeyyer » i uferru n wakk uguren.

Nnig waya, yefka-d uneɣlaf « lewṣayat d tuɣtisin » i yikataren ilemmasen ay d-yelhan s weḍfar n ukaram-a akken « ad ddmen akk iḥezziben i uferru n temsal ay d-yeqqimen d ussefɛel n ttawilat ay yessefken akken ad d-lhun d yiɣeblan » n yiɛessasen n tɣiwanin.