ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴰⵎⵙⴰⵍⵜ ⵏ ⵢⵉⵄⴻⵙⵙⴰⵙⴻⵏ ⵏ ⵜⵖⵉⵡⴰⵏⵉⵏ ⵜⴻⵙⵄⴰ « ⴰⵣⴰⵍ ⴷ ⴰⵎⴻⵇⵔⴰⵏ » ⵖⴻⵔ ⵡⴻⵖⵍⵉⴼ ⵏ ⵢⵉⵡⴻⵥⵍⴰ ⵏ ⴷⴰⵅⴻⵍ (ⴱⴻⴷⵧⵓⵉ)
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵢⵉⵡⴻⵥⵍⴰ ⵏ ⴷⴰⵅⴻⵍ, ⵏⵧⵓⵔⴻⴷⵉⵏⴻ ⴱⴻⴷⵧⵓⵉ, ⴰⵙⵙ ⵏ ⵍⵃⴻⴷⴷ, ⴷⴰⴽⴽⴻⵏ ⵜⴰⵎⵙⴰⵍⵜ ⵏ ⵢⵉⵄⴻⵙⵙⴰⵙⴻⵏ ⵏ ⵜⵖⵉⵡⴰⵏⵉⵏ ⵢⴻⵙⵄⴰ « ⴰⵣⴰⵍ ⴷ ⴰⵎⴻⵇⵔⴰⵏ » ⵖⴻⵔ ⵡⴻⵖⵍⵉⴼ-ⵏⵏⴻⵙ.
ⵢⴻⵎⵎⵓⴳⴻⵔ ⵎⴰⵙⵙ ⴱⴻⴷⵧⵓⵉ ⵉⴳⴻⵏⵙⴰⵙⴻⵏ (ⵎⵓⵎⴰⵜⵜⵉⵍⵉⵏ) ⵏ ⵢⵉⵄⴻⵙⵙⴰⵙⴻⵏ ⵏ ⵜⵖⵉⵡⴰⵏⵉⵏ ⴷⴻⴳ ⵓⴽⴰⵜⴰⵔ ⵏ ⵜⴻⵎⵍⵉⵍⵉⵢⵉⵏ ⴰⵢ ⴷ-ⵢⴻⵜⵜⵓⵖⴰⵍⴻⵏ ⵙⴻⴳ-ⴰ ⵖⴻⵔ ⴷⴰ ⴳⴰⵔ-ⴰⵙⴻⵏ.
ⴷⴻⴼⴼⵉⵔ ⵎⴰ ⵢⴻⵙⵍⴰ ⵉ ⵢⵉⵖⴻⴱⵍⴰⵏ-ⵏⵙⴻⵏ ⵉⵏⵎⴻⵜⵜⵉⵢⴻⵏ-ⵉⵙⴰⴷⵓⵔⴰⵏⴻⵏ, ⵢⴻⵙⵎⴻⴽⵜⵉ-ⴷ ⵎⴰⵙⵙ ⴱⴻⴷⵧⵓⵉ ⴷⴰⴽⴽⴻⵏ ⵉⵄⴻⵙⵙⴰⵙⴻⵏ ⵏ ⵜⵖⵉⵡⴰⵏⵉⵏ ⴼⴽⴰⵏ ⴰⵙⴼⴻⵍ ⴷ ⴰⵎⴻⵇⵔⴰⵏ ⵖⴻⵔ ⵢⵉⴷⵉⵙⵏ ⵏ ⵢⵉⵖⴰⵍⵍⴻⵏ ⵏ ⵜⵖⴻⵍⵍⵉⵙⵜ (ⴰⵎⵏ) ⵉ ⵍⵎⴻⵏⴷ ⵏ ⵡⴻⵃⵔⴰⵣ ⴷ ⵡⴻⵔⴽⴰⴷ ⵏ ⵜⵎⵓⵔⵜ, ⴰⵎ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ ⴷⴰⴽⴽⴻⵏ ⵜⴰⵎⵙⴰⵍⵜ ⵏ ⵢⵉⵄⴻⵙⵙⴰⵙⴻⵏ ⵏ ⵜⵖⵉⵡⴰⵏⵉⵏ « ⵜⴻⵙⵄⴰ ⴰⵣⴰⵍ ⴷ ⴰⵎⴻⵇⵔⴰⵏ ⵖⴻⵔ ⵡⴻⵖⵍⵉⴼ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⴱⴷⴻⵔ ⵡⴻⵍⵖⵓ (ⴱⴰⵢⴰⵏ) ⵏ ⵡⴻⵖⵍⵉⴼ ⵏ ⵢⵉⵡⴻⵥⵍⴰ ⵏ ⴷⴰⵅⴻⵍ.
ⵢⴻⵔⵏⴰ-ⴷ ⵎⴰⵙⵙ ⴱⴻⴷⵧⵓⵉ ⴷⴰⴽⴽⴻⵏ « ⵜⵉⵡⵡⵓⵔⴰ ⵏ ⵡⴻⵖⵍⵉⴼ ⵜⵜⵖⵉⵎⵉⵏⵜ-ⴷ ⵔⴻⵥⵎⴻⵏⵜ ⵉ ⵡⴻⵎⵛⵉⵡⴻⵕ ⴷ ⵓⴷⵉⵡⴻⵏⵏⵉ (ⵃⵉⵡⴰⵔ) ⴰⵢ ⴷ-ⵢⴻⵜⵜⵖⵉⵎⵉⵏ ⴷ ⴰⴱⵔⵉⴷ ⵉⵎⵅⴻⵢⵢⴻⵔ » ⵉ ⵓⴼⴻⵔⵔⵓ ⵏ ⵡⴰⴽⴽ ⵓⴳⵓⵔⴻⵏ.
ⵏⵏⵉⴳ ⵡⴰⵢⴰ, ⵢⴻⴼⴽⴰ-ⴷ ⵓⵏⴻⵖⵍⴰⴼ « ⵍⴻⵡⵚⴰⵢⴰⵜ ⴷ ⵜⵓⵖⵜⵉⵙⵉⵏ » ⵉ ⵢⵉⴽⴰⵜⴰⵔⴻⵏ ⵉⵍⴻⵎⵎⴰⵙⴻⵏ ⴰⵢ ⴷ-ⵢⴻⵍⵀⴰⵏ ⵙ ⵡⴻⴹⴼⴰⵔ ⵏ ⵓⴽⴰⵔⴰⵎ-ⴰ ⴰⴽⴽⴻⵏ « ⴰⴷ ⴷⴷⵎⴻⵏ ⴰⴽⴽ ⵉⵃⴻⵣⵣⵉⴱⴻⵏ ⵉ ⵓⴼⴻⵔⵔⵓ ⵏ ⵜⴻⵎⵙⴰⵍ ⴰⵢ ⴷ-ⵢⴻⵇⵇⵉⵎⴻⵏ ⴷ ⵓⵙⵙⴻⴼⵄⴻⵍ ⵏ ⵜⵜⴰⵡⵉⵍⴰⵜ ⴰⵢ ⵢⴻⵙⵙⴻⴼⴽⴻⵏ ⴰⴽⴽⴻⵏ ⴰⴷ ⴷ-ⵍⵀⵓⵏ ⴷ ⵢⵉⵖⴻⴱⵍⴰⵏ » ⵏ ⵢⵉⵄⴻⵙⵙⴰⵙⴻⵏ ⵏ ⵜⵖⵉⵡⴰⵏⵉⵏ.
