ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⴰⵇⴱⵓⵛⵜ ⵏ ⵓⵎⴰⴹⴰⵍ ⵏ ⵜⴽⵓⴱⴰ: ⴰⵜⵜⴻⴽⴽⵉ ⵏ 17 ⵏ ⵜⵎⵓⵔⴰ, ⴳⴰⵔ-ⴰⵙⴻⵏⵜ ⵍⴻⵣⵣⴰⵢⴻⵔ

ⴷⴰⴽⴰⵔ – 17 ⵏ ⵜⵎⵓⵔⴰ ⴰⵔⴰ ⵢⴻⵜⵜⴻⴽⴽⵉⵏ, ⴳⴰⵔ-ⴰⵙⴻⵏⵜ ⵏ ⵍⴻⵣⵣⴰⵢⴻⵔ, ⴷⴻⴳ ⵜⴻⵇⴱⵓⵛⵜ ⵏ ⵓⵎⴰⴹⴰⵍ ⵏ ⵜⴽⵓⴱⴰ ⵏ ⵢⴻⵔⴳⴰⵣⴻⵏ (ⵉⵎⴻⵏⵖⵉ ⴰⵏⵜⴻⵔⵔⴰⵙ ⵏⴻⵖ ⵙ ⵜⴻⵖⵍⴰⵎⵉⵏ) ⴰⵔⴰ ⴷ-ⵢⵉⵍⵉⵏ ⴷⴻⴳ ⴷⴰⴽⴰⵔ ⴳⴰⵔ 3 ⴷ 4 ⵡⴰⵎⴱⴻⵔ ⴰⵢ ⴷ-ⵢⴻⵜⵜⴻⴷⴷⵓⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵓⵏⴻⵎⵀⴰⵍ ⵏ ⵓⵙⴻⵇⵇⴰⵎⵓ ⵏ ⵓⵙⵙⵓⴷⴷⴻⵙ, ⵙⵧⵓⵍⴻⵢⵎⴰⵏⴻ ⴱⵧⵓⵏ ⴷⴰⵧⵓⴷⴰ ⴷⵉⵧⵒ.

ⵜⵉⵎⵓⵔⴰ-ⴰ ⴷ ⵜⴰⵕⵊⴻⵏⵜⵉⵏⵜ, ⴱⵓⵍⴳⴰⵕⵢⴰ, ⴼⵕⴰⵏⵙⴰ, ⵜⴰⴳⴻⵍⴷⴰ ⵢⴻⴷⴷⵓⴽⴽⵍⴻⵏ, ⵟⵟⴻⵔⴽ, ⵉⵡⴰⵏⴰⴽⴻⵏ ⵢⴻⴷⴷⵓⴽⴽⵍⴻⵏ, ⵊⴰⵒⵓⵏ, ⵉⵕⴰⵏ, ⴽⵓⵔⵢⴰ, ⴽⴰⵣⴰⵅⴻⵙⵜⴰⵏ, ⵟⵟⴰⵍⵢⴰⵏ, ⵀⵧⵏⴳ ⴽⵧⵏⴳ, ⵎⴰⵍⵉ, ⴱⵧⵜⵙⵡⴰⵏⴰ, ⴱⵓⵔⴽⵉⵏⴰ ⴼⴰⵙⵧ, ⵍⴻⵣⵣⴰⵢⴻⵔ ⴷ ⵙⵉⵏⵉⴳⴰⵍ (ⵜⴰⵎⵓⵔⵜ ⵜⵉⵎⵙⵓⴷⴷⴻⵙⵜ).

ⵢⴻⵏⵏⴰ-ⴷ ⵓⵙⴻⵇⵇⴰⵎⵓ ⵏ ⵓⵙⵙⵓⴷⴷⴻⵙ ⴷⴰⴽⴽⴻⵏ ⵢⴻⵣⵎⴻⵔ ⴰⴷ ⵢⴻⵔⵏⵓ ⵡⴻⵎⴹⴰⵏ-ⴰ ⵙⴻⴳ-ⴰ ⵖⴻⵔ 29 ⵜⵓⴱⴻⵕ, ⴰⵣⴻⵎⵣ (ⵜⴰⵔⵉⵅ) ⵏ ⵓⵡⴻⴽⴽⴻⴷ ⵏ ⵓⵜⵜⴻⴽⴽⵉ.

ⴷⴻⴳ ⵢⵉⵊⵉⴼⴻⵕ ⵏ ⵜⴼⵓⴳⵍⴰ ⵏ ⵓⵙⵙⴻⵏⵚⴻⴱ ⵏ ⵓⵙⴻⵇⵇⴰⵎⵓ ⵏ ⵓⵙⵙⵓⴷⴷⴻⵙ, ⵢⴻⵏⵏⴰ-ⴷ ⵎⴰⵙⵙ ⴷⴰⵧⵓⴷⴰ ⴷⵉⵧⵒ ⴷⴰⴽⴽⴻⵏ ⵙⵙⴻⴼⵔⴰⵏ ⴰⵎⴰⵔⵓⴷ (ⵎⵉⵣⴰⵏⵉⵢⵢⴰ) ⵏ 69 ⵏ ⵢⵉⵎⴻⵍⵢⵓⵏⴻⵏ ⵏ ⵢⴻⴼⵕⴰⵏⴽⴻⵏ ⵏ ⵛⴼⴰ ⴰⴽⴽⴻⵏ ⴰⴷ ⵙⵙⵓⴷⴷⵙⴻⵏ ⵜⵜⵉⵄⴰⴷ-ⴰ ⴰⴳⵔⴰⵖⵍⴰⵏ ⴰⵢⴷⴻⴳ ⴰⵔⴰ ⴷ-ⵎⵍⵉⵍⴻⵏ ⵢⵉⵏⴰⴷⴷⴰⵍⴻⵏ ⵉⵎⵅⴻⵢⵢⵔⴻⵏ ⴷⴻⴳ ⵜⴽⵓⴱⴰ.