Asebter amenzawi

Taqbuct n umaḍal n tkuba: attekki n 17 n tmura, gar-asent Lezzayer

DAKAR – 17 n tmura ara yettekkin, gar-asent n Lezzayer, deg Teqbuct n Umaḍal n Tkuba n Yergazen (imenɣi anterras neɣ s teɣlamin) ara d-yilin deg Dakar gar 3 d 4 Wamber ay d-yetteddun, ɣef wakken ay d-yenna unemhal n useqqamu n ussuddes, Souleymane Boun Daouda Diop.

Timura-a d Taṛjentint, Bulgaṛya, Fṛansa, Tagelda Yeddukklen, Ṭṭerk, Iwanaken Yeddukklen, Japun, Iṛan, Kurya, Kazaxestan, Ṭṭalyan, Hong Kong, Mali, Botswana, Burkina Faso, Lezzayer d Sinigal (tamurt timsuddest).

Yenna-d useqqamu n ussuddes dakken yezmer ad yernu wemḍan-a seg-a ɣer 29 Tubeṛ, azemz (tarix) n uwekked n uttekki.

Deg yijifeṛ n tfugla n ussenṣeb n useqqamu n ussuddes, yenna-d Mass Daouda Diop dakken ssefran amarud (mizaniyya) n 69 n yimelyunen n yefṛanken n CFA akken ad ssuddsen ttiɛad-a agraɣlan aydeg ara d-mlilen yinaddalen imxeyyren deg tkuba.