ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵎⴻⵃⵇⴻⵏ ⵢⵉⵖⴰⵍⵍⴻⵏ ⵉⵎⴻⵕⵕⵓⴽⵉⵢⴻⵏ ⵢⵉⵡⴻⵏ ⵏ ⵡⴻⵎⵙⴻⴳⵔⴰⵡ ⴰⵎⴻⵍⵡⵉ ⵏ ⵢⵉⵚⴻⵃⵔⴰⵡⵉⵢⴻⵏ ⴷⴻⴳ ⵙⵎⴰⵕⴰ ⵢⴻⵜⵜⵡⴰⴹⴹⴼⴻⵏ
ⵙⵎⴰⵕⴰ (ⵉⴽⴰⵍⴻⵏ ⵉⵚⴻⵃⵔⴰⵡⵉⵢⴻⵏ ⵢⴻⵜⵜⵡⴰⴹⴹⴼⴻⵏ), – ⴳⵔⴻⵏ-ⴷ ⵢⵉⵖⴰⵍⵍⴻⵏ ⵉⵎⴻⵕⵕⵓⴽⵉⵢⴻⵏ ⵉⵎⴰⵏ-ⵏⵙⴻⵏ ⵙ ⵢⵉⵖⵉⵍ ⴰⴽⴽⴻⵏ ⴰⴷ ⴼⴻⵔⵇⴻⵏ ⵉⵚⴻⵃⵔⴰⵡⵉⵢⴻⵏ ⴰⵢ ⵢⴻⵜⵜⴻⴽⴽⴰⵏ ⴷⴻⴳ ⵢⵉⵡⴻⵜ ⵏ ⵜⵖⵉⵎⵉⵜ ⵏ ⵜⵎⴻⵙⴽⴰⵏⵜ ⴰⵢ ⵜⴻⵙⵙⵓⴷⴷⴻⵙ ⵜⴻⵎⵙⵉⵙⵉⵜ ⵢⴻⴷⴷⵓⴽⴽⵍⴻⵏ ⵏ ⵢⵉⵏⴻⵔⴱⵉⵢⴻⵏ ⵉⴳⵓⵔⴷⵉⵙⴻⵏ ⴷⴻⴳ ⵜⴻⵎⴷⵉⵏⵜ ⵏ ⵙⵎⴰⵕⴰ ⵢⴻⵜⵜⵡⴰⴹⴹⴼⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⴳⴳⴰ ⵏ ⵢⵉⵙⴰⵍⴰⵏ ⵜⴰⵚⴻⵃⵔⴰⵡⵉⵜ (ⵙⵒⵙ) ⴰⵙⵙ ⵏ ⵍⵃⴻⴷⴷ.
ⴷⴻⴳ ⵜⵖⵉⵎⵉⵜ-ⵏⵏⵉ ⵏ ⵜⵎⴻⵙⴽⴰⵏⵜ, ⵏⵏⴰⵏ-ⴷ ⵢⵉⵏⴻⵔⴱⵉⵢⴻⵏ-ⵏⵏⵉ ⵉⵚⴻⵃⵔⴰⵡⵉⵢⴻⵏ ⵉⴱⴻⵔⵔⵉⵃⴻⵏ ⴰⵢ ⴷ-ⵉⵡⵜⴻⵏ ⴷⴻⴳ ⵜⵓⴽⴻⵔⴹⴰ ⴰⵢ ⵍⴰ ⵜⵜⴰⴽⵔⴻⵏ ⵢⵉⴷⵓⴱⴰ ⵉⵎⴻⵕⵕⵓⴽⵉⵢⴻⵏ ⵜⵉⵖⴱⵓⵍⴰ (ⵎⴰⵡⴰⵔⵉⴷ) ⵜⵉⴳⴰⵎⴰⵏⵉⵏ ⵏ ⵓⵏⴻⵥⵔⵓⴼ ⵓⵜⵔⵉⵎ, ⵢⴻⵔⵏⵓ ⵙⵙⵓⵜⵔⴻⵏ-ⴷ ⵉⵣⴻⵔⴼⴰⵏ ⵏ ⵓⵅⴻⴷⴷⵉⵎ ⴷ ⵡⴻⵣⵔⴻⴼ ⵏ ⵡⴻⵙⴼⴰⵢⴷⵉ ⵙⴻⴳ ⵜⴻⵖⴱⵓⵍⴰ ⵜⵉⴳⴰⵎⴰⵏⵉⵏ ⵏ ⵜⵎⵓⵔⵜ-ⵏⵙⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ ⵜⵏⴻⴳⴳⴰ-ⴰ.
ⵜⴰⴳⴻⵔⵎⴰⵏⵜ ⵏ ⵢⵉⵖⴰⵍⵍⴻⵏ ⵉⵎⴻⵕⵕⵓⴽⵉⵢⴻⵏ ⵜⴻⵙⵙⴻⴳⴳⵔⴰ-ⴷ ⴰⵛⵃⴰⵍ ⵏ ⵢⵉⵎⴻⵊⵔⴰⵃ ⴳⴰⵔ ⵢⵉⵏⴻⵔⴱⵉⵢⴻⵏ ⵉⵚⴻⵃⵔⴰⵡⵉⵢⴻⵏ ⵢⴻⵔⵏⵓ ⵓⵡⵢⴻⵏ ⵉⵎⴻⵊⵔⴰⵃ-ⴰ ⵖⴻⵔ ⵡⴻⵙⴱⵉⵟⴰⵔ ⵏ ⵜⴻⵎⴷⵉⵏⵜ ⵏ ⵙⵎⴰⵕⴰ.
ⵉ ⵡⴻⵙⵎⴻⴽⵜⵉ, ⵜⴰⵎⵙⵉⵙⵉⵜ ⵢⴻⴷⴷⵓⴽⴽⵍⴻⵏ ⵏ ⵢⵉⵏⴻⵔⴱⵉⵢⴻⵏ (ⴱⴰⵟⵟⴰⵍⵉⵏ) ⵉⴳⵓⵔⴷⵉⵙⴻⵏ ⵉⵚⴻⵃⵔⴰⵡⵉⵢⴻⵏ ⵖⴻⵔ-ⵙ ⴰⵛⵃⴰⵍ ⵏ ⵢⵉⵙⴻⴳⴳⴰⵙⴻⵏ ⴰⵢⴰ ⵙⴻⴳ ⵡⴰⵙⵎⵉ ⴰⵢ ⵍⴰ ⵜⴻⵜⵜⵏⴰⵖ ⵎⴳⴰⵍ ⵓⵏⴻⵡⴷⴰⴳ (ⵎⵓⵃⵜⴰⵍ) ⴰⵎⴻⵕⵕⵓⴽⵉ ⵢⴻⵔⵏⵓ ⵜⴻⵙⵙⵓⵜⵓⵔ-ⴷ ⵉⵣⴻⵔⴼⴰⵏ ⵏ ⵢⵉⵚⴻⵃⵔⴰⵡⵉⵢⴻⵏ ⴰⴽⴽⴻⵏ ⴰⴷ ⴷ-ⵙⴼⴰⵢⴷⵉⵏ ⵙⴻⴳ ⵜⴱⵓⵖⴰⵔ ⵏ ⵜⵎⵓⵔⵜ-ⵏⵙⴻⵏ, ⴰⵏⴻⵥⵔⵓⴼ ⵓⵜⵔⵉⵎ.
