Asebter amenzawi

Meḥqen yiɣallen imeṛṛukiyen yiwen n wemsegraw amelwi n Yiṣeḥrawiyen deg Smaṛa yettwaḍḍfen

SMAṚA (ikalen iṣeḥrawiyen yettwaḍḍfen), – Gren-d yiɣallen imeṛṛukiyen iman-nsen s yiɣil akken ad ferqen Iṣeḥrawiyen ay yettekkan deg yiwet n tɣimit n tmeskant ay tessuddes Temsisit Yeddukklen n Yinerbiyen Igurdisen deg temdint n Smaṛa yettwaḍḍfen, ɣef wakken ay d-tenna Tnegga n Yisalan Taṣeḥrawit (SPS) ass n lḥedd.

Deg tɣimit-nni n tmeskant, nnan-d yinerbiyen-nni iṣeḥrawiyen iberriḥen ay d-iwten deg tukerḍa ay la ttakren yiduba imeṛṛukiyen tiɣbula (mawarid) tigamanin n Uneẓruf Utrim, yernu ssutren-d izerfan n uxeddim d wezref n wesfaydi seg teɣbula tigamanin n tmurt-nsen, ɣef wakken ay d-tenna tnegga-a.

Tagermant n yiɣallen imeṛṛukiyen tesseggra-d acḥal n yimejraḥ gar yinerbiyen iṣeḥrawiyen yernu uwyen imejraḥ-a ɣer wesbiṭar n temdint n Smaṛa.

I wesmekti, Tamsisit Yeddukklen n Yinerbiyen (baṭṭalin) Igurdisen Iṣeḥrawiyen ɣer-s acḥal n yiseggasen aya seg wasmi ay la tettnaɣ mgal unewdag (muḥtal) ameṛṛuki yernu tessutur-d izerfan n Yiṣeḥrawiyen akken ad d-sfaydin seg tbuɣar n tmurt-nsen, Aneẓruf Utrim.