ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⵙⴼⵓⵍⵍⴻⵃ ⵏ ⵜⵉⴷⴰⵍ ⵜⵉⴽⵉⵡⴰⵏⵉⵏ ⴷⴻⴳ 290 ⵏ ⵢⵉⵇⴻⵟⵟⴰⵔⴻⵏ ⴷⴻⴳ ⵓⵎ ⵍⴻⴱⵡⴰⵇⵉ (ⴰⵎⴰⵙⴰⵢ)
ⵓⵎ ⵍⴻⴱⵡⴰⵇⵉ - ⵃⴰⵣⴻⵏ-ⴷ ⵜⴰⵊⵓⵎⵎⴰ ⵏ 290 ⵏ ⵢⵉⵇⴻⵟⵟⴰⵔⴻⵏ ⵉ ⵡⴻⵙⴼⵓⵍⵍⴻⵃ ⵏ ⵜⵉⴷⴰⵍ (ⵅⵓⴹⴰⵔ) ⵜⵉⴽⵉⵡⴰⵏⵉⵏ ⴷⴻⴳ ⵜⵡⵉⵍⴰⵢⵜ ⵏ ⵓⵎ ⵍⴻⴱⵡⴰⵇⵉ ⴷⴻⴳ ⵜⵙⴻⵎⵀⵓⵢⵜ ⵜⴰⵏⴽⴻⵔⵔⴰⵣⵜ ⵏ 2016-2017, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵍⵃⴻⴷⴷ, ⵓⵏⴻⵎⵀⴰⵍ ⴰⴷⵉⴳⴰⵏ ⵏ ⵢⵉⵎⴻⵥⵍⴰ (ⵎⴰⵚⴰⵍⵉⵃ) ⵉⵏⴽⴻⵔⵔⴰⵣⴻⵏ.
ⴷⴻⴳ ⵓⴽⴰⵜⴰⵔ ⵏ ⵓⵏⴻⵡⵡⴻⵄ ⵏ ⵍⵖⴻⵍⵍⴰ ⵏ ⵜⴽⴻⵔⵔⴰⵣⵜ ⴷ ⵓⵙⵙⴻⵊⵀⴻⴷ ⵏ ⵡⴻⵙⴼⵓⵍⵍⴻⵃ ⵏ ⵜⵉⴷⴰⵍ ⵜⵉⴽⵉⵡⴰⵏⵉⵏ, ⵍⴰⴷⵖⴰ ⵍⵃⴻⵎⵎⴻⵥ ⴷ ⵍⴻⵄⴷⴻⵙ, ⵉⵡⴻⴽⴽⴻⴷ-ⴷ ⴰⵍⵉ ⴼⴻⵏⴰⵣⵣⵉ ⴷⴰⴽⴽⴻⵏ ⵜⴰⵎⵓⵖⵍⵉ-ⴰ ⴷ ⵜⵉⵏ ⴰⵢⴷⴻⴳ ⴰⵔⴰ ⵄⴻⵔⴹⴻⵏ ⴰⴷ ⵙⵏⴻⵇⵙⴻⵏ ⴰⴽⴰⵍ ⵏ ⵍⴱⵓⵕ ⵢⴻⵔⵏⵓ ⴰⴷ ⵙⵎⵓⵇⵇⵙⴻⵏ ⴰⴽⴰⵍ, ⴷⵖⴰ ⴷ ⴰⵢⴰ ⴰⵔⴰ ⵢⴻⵙⵎⴻⵖⵔⴻⵙ ⴰⴼⴰⵔⴻⵙ (ⵉⵏⵜⴰⴵ) ⵏ ⵍⵖⴻⵍⵍⴰⵜ ⵜⵉⵙⵓⴷⴷⵙⴰⵏⵉⵏ (ⵉⵙⵜⵔⴰⵜⵉⴵⵉⵢⵢⴰ) ⴰⴽⴽⴻⵏ ⴰⴷ ⵢⴻⵏⵇⴻⵙ ⵡⴰⴵⴰⵡ-ⵏⵙⴻⵏⵜ ⵙⴻⴳ ⵜⵎⵓⵔⴰ ⵏ ⵡⴻⵣⵖⴰⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ.
ⵉ ⵡⴻⵙⵎⴻⴽⵜⵉ, ⵃⴰⵣⴻⵏ-ⴷ ⵢⵉⵎⴻⵥⵍⴰ ⵉⵏⴽⴻⵔⵔⴰⵣⴻⵏ ⵜⴰⵊⵓⵎⵎⴰ ⵏ 110 ⵏ ⵢⵉⵇⴻⵟⵟⴰⵔⴻⵏ ⵏ ⵢⵉⴽⴰⵍⴻⵏ ⴰⵢⴷⴻⴳ ⴰⵔⴰ ⵣⴻⵔⵄⴻⵏ ⵍⵃⴻⵎⵎⴻⵥ, ⵢⴻⵔⵏⵓ ⵏⵏⴰⵏ-ⴷ ⴷⴰⴽⴽⴻⵏ ⵜⴰⵊⵓⵎⵎⴰ-ⴰ ⵜⴻⴼⴽⴰ-ⴷ ⵍⵖⴻⵍⵍⴰ ⵏ 860 ⵏ ⵢⵉⵇⴻⵏⵟⴰⵔⴻⵏ ⴷⴻⴳ ⵜⵙⴻⵎⵀⵓⵢⵜ ⵢⴻⵣⵔⵉⵏ.
ⵢⴻⵏⵏⴰ-ⴷ ⴷⴰⵖ ⵓⵎⴰⵙⴰⵢ-ⴰ (ⵎⴰⵙ’ⵓⵍ) ⴷⴰⴽⴽⴻⵏ ⵓⵖⴰⵍⴻⵏ, ⴷⴻⴳ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ, ⵖⴻⵔ ⵡⴻⵙⴼⵓⵍⵍⴻⵃ ⵏ ⵜⵉⴷⴰⵍ ⵜⵉⴽⵉⵡⴰⵏⵉⵏ ⴰⵎ ⵍⴻⵄⴷⴻⵙ ⴷ ⵍⵃⴻⵎⵎⴻⵥ ⴷⴻⴳ ⵓⴽⴰⵜⴰⵔ ⵏ ⵡⴰⵀⵉⵍ ⵏ ⵡⴻⵙⵏⴻⴼⵍⵉ ⵏ ⵜⴽⴻⵔⵔⴰⵣⵜ ⴷⴻⴳ ⵜⵡⵉⵍⴰⵢⵜ-ⴰ, ⵢⴻⵔⵏⵓ ⴰⵟⴰⵙ ⵏ ⵢⵉⴽⴻⵔⵔⴰⵣⴻⵏ ⵓⵎⵉ ⵢⴻⵄⵊⴻⴱ ⵡⴰⵢⴰ.
ⴰⵙⴼⵓⵍⵍⴻⵃ-ⴰ ⴰⴷ ⵢⴻⵏⵏⴻⵔⵏⵉ ⵙⴻⴳ-ⴰ ⵖⴻⵔ ⵙⴷⴰⵜ ⵍⴰⴷⵖⴰ ⵉⵎⵉ ⴰⵢ ⵍⵍⴰⵏ ⵡⴰⵀⵉⵍⴻⵏ ⵉⵏⴽⴻⵔⵔⴰⵣⴻⵏ ⴷ ⵜⵜⴰⵡⵉⵍⴰⵜ ⴰⵢ ⵍⴰ ⴷ-ⵜⵜⴰⴽⴼⴻⵏⵜ ⵜⴻⵏⵎⵉⵔⴳⵉⵏ (ⵜⴰⵄⴰⵡⵓⵏⵉⵢⵢⴰⵜ) ⵏ ⵢⵉⵎⴻⵏⴷⵉ ⴷ ⵜⵉⴷⴰⵍ ⵜⵉⴽⵉⵡⴰⵏⵉⵏ ⵉ ⵢⵉⴽⴻⵔⵔⴰⵣⴻⵏ.
