Asebter amenzawi

Asfulleḥ n tidal tikiwanin deg 290 n yiqeṭṭaren deg Um Lebwaqi (amasay)

UM LEBWAQI - Ḥazen-d tajumma n 290 n yiqeṭṭaren i wesfulleḥ n tidal (xuḍar) tikiwanin deg twilayt n Um Lebwaqi deg tsemhuyt tankerrazt n 2016-2017, ɣef wakken ay d-yenna, ass n lḥedd, unemhal adigan n yimeẓla (maṣaliḥ) inkerrazen.

Deg ukatar n unewweɛ n lɣella n tkerrazt d ussejhed n wesfulleḥ n tidal tikiwanin, ladɣa lḥemmeẓ d leɛdes, iwekked-d Ali Fenazzi dakken tamuɣli-a d tin aydeg ara ɛerḍen ad sneqsen akal n lbuṛ yernu ad smuqqsen akal, dɣa d aya ara yesmeɣres afares (intaǧ) n lɣellat tisuddsanin (istratiǧiyya) akken ad yenqes waǧaw-nsent seg tmura n wezɣar, ɣef wakken ay d-yerna.

I wesmekti, ḥazen-d yimeẓla inkerrazen tajumma n 110 n yiqeṭṭaren n yikalen aydeg ara zerɛen lḥemmeẓ, yernu nnan-d dakken tajumma-a tefka-d lɣella n 860 n yiqenṭaren deg tsemhuyt yezrin.

Yenna-d daɣ umasay-a (mas’ul) dakken uɣalen, deg yiseggasen-a ineggura, ɣer wesfulleḥ n tidal tikiwanin am leɛdes d lḥemmeẓ deg ukatar n wahil n wesnefli n tkerrazt deg twilayt-a, yernu aṭas n yikerrazen umi yeɛjeb waya.

Asfulleḥ-a ad yennerni seg-a ɣer sdat ladɣa imi ay llan wahilen inkerrazen d ttawilat ay la d-ttakfent tenmirgin (taɛawuniyyat) n yimendi d tidal tikiwanin i yikerrazen.