ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵄⵔⴰⴹ ⵏ ⵓⵙⴻⵏⴼⴰⵔ ⵏ ⵡⴻⵙⴼⴰⵡ ⵙ ⵜⴻⵥⵡⴻⵔⵜ ⵜⴰⴼⵓⴽⴰⵏⵜ ⴷⴻⴳ ⵜⴱⴰⵜⴻⵏⵜ

ⵜⴰⴱⴰⵜⴻⵏⵜ– ⴱⴷⴰⵏ ⵍⴰ ⵄⴻⵔⵔⴹⴻⵏ ⴰⵙⴻⵏⴼⴰⵔ ⵏ ⵓⵙⵙⴻⵇⴷⴻⵛ ⵏ ⵜⴻⵥⵡⴻⵔⵜ (ⵟⴰⵇⴰ) ⵜⴰⴼⵓⴽⴰⵏⵜ ⵉ ⵡⴻⵙⴼⴰⵡ (ⵉⵏⴰⵔⴰ) ⵏ ⵢⵉⵣⴻⵏⵇⴰⵏ ⵏ ⵜⵖⵉⵡⴰⵏⵜ ⵏ ⵜⴱⴰⵜⴻⵏⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ, ⴰⵙⵙ ⵏ ⵍⵃⴻⴷⴷ, ⵡⴻⵏⵎⴰⵣⵓⵍ ⵏ ⵓⵙⴻⵍⵡⴰⵢ ⵏ ⵜⵖⵉⵡⴰⵏⵜ-ⴰ, ⵎⵧⵀⴰⵎⴻⴷ ⴻⵍ ⵀⴰⵏⵏⵉ.

ⵙⵙⴻⵔⵙⴻⵏ 6 ⵏ ⵢⵉⴱⵓⴷⵉⴷⴻⵏ ⵏ ⵡⴻⵙⴼⴰⵡ ⴰⵢ ⵢⴻⵜⵜⴻⴷⴷⵓⵏ ⵙ ⵜⴻⵥⵡⴻⵔⵜ ⵜⴰⴼⵓⴽⴰⵏⵜ ⴷⴻⴳ ⵜⵏⴻⵣⵣⵉⵜ ⵏ ⵡⴻⵎⵕⴰⵃ ⵏ ⵜⵍⴻⵍⵍⵉ, ⴷⴻⴳ ⵜⵍⴻⵎⵎⴰⵙⵜ ⵏ ⵜⴻⵎⴷⵉⵏⵜ. ⵉⴱⵓⴷⵉⴷⴻⵏ-ⴰ ⵏ ⵢⵉⵡⴻⵜ ⵏ ⵜⴻⵕⵎⵉⵙⵜ (ⵛⴰⵔⵉⴽⴰ) ⵜⵓⵙⵍⵉⴳⵜ ⵢⴻⵔⵏⵓ ⵢⴻⵍⵍⴰ-ⴷ ⵡⴰⵢⴰ ⴷⴻⴳ ⵓⴽⴰⵜⴰⵔ ⵏ ⵢⵉⵡⴻⵏ ⵏ ⵓⵙⴻⵏⴼⴰⵔ ⴰⵢ ⴷ-ⵢⴻⵍⵍⴰⵏ ⵙ ⵜⴰⵍⵍⴰⵍⵜ ⵏ ⵜⴷⵓⴽⵍⵉ ⵜⵓⵕⵓⴼⵉⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴻⵍ ⵀⴰⵏⵏⵉ.

ⴰⴷ ⵢⴻⵜⵜⵡⴰⵙⵜⴻⵏⵢⵉ ⵡⴰⵍⵓⴳ (ⴷⴰⴼⵜⴰⵔ) ⵏ ⵛⵛⵓⵔⵓⴹ ⴷ ⵜⴻⵕⵎⵉⵙⵜ-ⴰ ⴰⴽⴽⴻⵏ ⴰⴷ ⵜⴻⵔⵏⵓ ⴰⴷ ⵜⴻⵙⵙⴻⵔⵙ ⵉⴱⵓⴷⵉⴷⴻⵏ, ⵙⴻⴳ-ⴰ ⵖⴻⵔ ⵜⴳⴰⵔⴰ ⵏ ⵡⴰⵎⴱⴻⵔ, ⵉ ⵡⴻⵙⴼⴰⵡ ⵏ ⵢⵉⵡⴻⵏ ⵏ ⵡⵓⵔⵜⵉ ⴰⵏⴰⴳⴷⵓⴷ, ⵢⵉⵡⴻⵏ ⵏ ⵓⵖⴻⵔⴱⴰⵣ, ⵢⵉⵡⴻⵜ ⵏ ⵜⵎⴻⵙⴳⵉⴷⴰ ⴷ ⴽⵔⴰ ⵏ ⵢⵉⵣⴻⵏⵇⴰⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴻⵍ ⵀⴰⵏⵏⵉ.

ⵖⴻⴼ ⵍⴻⵃⵙⴰⴱ ⵏ ⵡⴻⵏⵎⴰⵣⵓⵍ ⵏ ⵓⵙⴻⵍⵡⴰⵢ ⵏ ⵜⵖⵉⵡⴰⵏⵜ, ⵜⴰⴱⴰⵜⴻⵏⵜ ⴷ ⵢⵉⵡⴻⵜ ⵙⴻⴳ 3 ⵏ ⵜⵖⵉⵡⴰⵏⵉⵏ (ⵖⴻⵔ ⵢⵉⴷⵉⵙ ⵏ ⵙⵉⴷⵉ ⴱⴻⵍⵄⴻⴱⴱⴰⵙ ⴷ ⴱⵓⵎⴻⵔⴷⴰⵙ, ⴰⵢ ⵢⴻⵙⵜⴻⵏⵢⴰⵏ ⵍⴻⵄⵇⵓⴷⴰⵜ ⵏ ⵓⵙⵙⴻⵇⴷⴻⵛ ⵓⵕⵛⵉⴷ ⵏ ⵜⴻⵥⵡⴻⵔⵜ ⴷ ⵜⴷⵓⴽⵍⵉ ⵜⵓⵕⵓⴼⵉⵜ.

ⴷⴻⴳ 2014, ⴳⴰⵏ-ⴷ ⵢⵉⵎⴰⵣⵣⴰⵢⴻⵏ (ⵅⵓⴱⴰⵔⴰ’) ⵓⵕⵓⴼⵉⵢⴻⵏ ⴰⵛⵃⴰⵍ ⵏ ⵜⴻⵔⵣⴰ ⵖⴻⴼ ⵜⴱⴰⵜⴻⵏⵜ ⴰⴽⴽⴻⵏ ⴰⴷ ⴰⵍⵍⴻⵏ ⵜⴰⵖⵉⵡⴰⵏⵜ-ⴰ ⴰⴷ ⴷ-ⵜⵀⴻⵢⵢⵉ ⴰⵖⴰⵡⴰⵙ (ⵎⵓⵅⴰⵟⵟⴰⵟ) ⵉ ⵓⵖⴻⵍⵍⴻⵜ ⵏ ⵜⴻⵥⵡⴻⵔⵜ ⵜⴰⴼⵓⴽⴰⵏⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵅⴻⴱⴱⴻⵔ ⴻⵍ ⵀⴰⵏⵏⵉ.