ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵛⵛⵉⵏⵡⴰ ⵜⵀⴻⴳⴳⴰ ⵉⵎⴰⵏ-ⵉⵙ ⴰⴽⴽⴻⵏ ⴰⴷ ⵛⵉⵔ ⵜⴰⵙⴻⵏⵇⴰⴷⵜ ⵜⴰⵢⵢⵓⵔⴰⵏⵜ ⵏ ⵜⵣⵉⵔⵉ ⵛⵀⴰⵏⴳ'ⴻ-5 ⴷⴻⴳ 2017

ⵜⵉⴰⵏⵊⵉⵏ – ⵢⵉⵡⴻⵏ ⵏ ⵓⵎⴰⵙⵙⴰⵏ ⴰⵛⵉⵏⵡⵉ ⵢⴻⵏⵏⴰ-ⴷ ⴰⵙⵙ ⵍⵃⴻⴷⴷ ⴷⴰⴽⴽⴻⵏ ⵜⴰⵎⵓⵔⵜ-ⵉⵙ ⵜⵀⴻⴳⴳⴰ ⵉⵎⴰⵏ-ⵉⵙ ⴰⴽⴽⴻⵏ ⴰⴷ ⵜⵛⵉⵔ ⵜⴰⵙⴻⵏⵇⴰⴷⵜ ⵜⴰⵢⵢⵓⵔⴰⵏⵜ ⵛⵀⴰⵏⴳ'ⴻ-5 ⴷⴻⴳ ⵓⵙⴻⴳⴳⴰⵙ ⵏ 2017, ⴰⴽⴽⴻⵏ ⴰⴷ ⵜⴻⵙⵙⴻⴳⵔⴻⵡ ⵉⴱⵔⵓⵢⴻⵏ ⵏ ⵢⵉⵥⵔⴰ ⵏ ⵡⴰⵢⵢⵓⵔ ⵙⴰⴽⵉⵏ ⴰⴷ ⵜⴻⵏ-ⵉⴷ-ⵜⴰⵡⵉ ⴰⴽⴽⴻⵏ ⴰⴷ ⵏⴻⴳ ⵢⴻⵙ-ⵙⴻⵏ ⵜⵉⴳⵎⵉⵡⵉⵏ ⵜⵓⵙⵙⵏⴰⵏⵉⵏ.

ⴰⵎⴰⵙⵙⴰⵏ ⴰⵖⴻⵍⵍⴰ ⵏ ⵓⵙⴻⵏⴼⴰⵔ ⵏ ⵓⵙⵏⵉⵔⴻⵎ ⴰⵢⵢⵓⵔⴰⵏ ⴰⵛⵉⵏⵡⵉ, ⵧⵓⵢⴰⵏⴳ ⵣⵉⵢⵓⴰⵏ, ⵢⴻⵏⵏⴰ-ⴷ ⵉ ⵢⴻⵎⴷⴰⵏⴻⵏ ⵏ ⵜⴻⵍⵖⵓⵜ ⴷⴻⴳ ⵜⴻⵎⴷⵉⵏⵜ ⵏ ⵜⵉⴰⵏⵊⵉⵏ (ⴰⴳⴰⴼⴰ) ⴷⴰⴽⴽⴻⵏ ⴰⵛⵉⵔⵉ ⵏ ⵛⵀⴰⵏⴳ'ⴻ-5 ⴷ ⴰⵎⴻⵛⵡⴰⵔ ⵡⵉⵙ ⴽⵔⴰⴹ ⵏ ⵓⵙⴻⵏⴼⴰⵔ ⵏ ⵓⵙⵏⵉⵔⴻⵎ ⴰⵢⵢⵓⵔⴰⵏ ⵉ ⵜⵍⴰ ⵜⵎⵓⵔⵜ.

ⴰⵎⴻⵛⵡⴰⵔ ⴰⵎⴻⵣⵡⴰⵔⵓ ⵏ ⵓⵙⵉⴽⴻⵍ ⵖⴻⵔ ⵡⴰⵢⵢⵓⵔ ⵜⴻⴽⴼⴰ ⴷⴻⴳ ⵓⵙⴻⴳⴳⴰⵙ 2007 ⵙ ⵓⵛⵉⵔⵉ ⵏ ⵛⵀⴰⵏⴳ'ⴻ-1, ⴷ ⵢⵉⵡⴻⵏ ⵏ ⵓⴳⴻⵏⵙⴰ ⵉⵃⴻⴱⴱⵓⵏ ⵖⴻⴼ ⵜⴽⵓⵔⵜ ⵏ ⵡⴰⵢⵢⵓⵔ. ⴷⴻⴳ ⵓⵎⴻⵛⵡⴰⵔ ⵡⵉⵙ ⵙⵉⵏ, ⵛⵛⵉⵏⵡⴰ ⵜⵓⵣⴻⵏ ⵜⴰⵙⴻⵏⵇⴰⴷⵜ-ⵉⵙ ⵛⵀⴰⵏⴳ'ⴻ-3 ⵉ ⵢⴻⵔⵙⴻⵏ ⵖⴻⴼ ⵡⴰⵢⵢⵓⵔ ⴷⴻⴳ ⵓⵙⴻⴳⴳⴰⵙ ⵏ 2013.

ⵖⴻⴼ ⵡⴰⴽⴽⴻⵏ ⴷ ⵏⵏⴰⵏ ⵢⵉⵎⴰⵙⵙⴰⵏⴻⵏ, ⴰⵙⵍⴰⴹ ⵏ ⵜⴻⵎⵚⵓⴽⵜ ⴰⴽⴽⴻⴷ ⵢⵉⵙⵓⴼⴰⵔ ⵏ ⵢⵉⵥⵔⴰ ⴰⵔⴰ ⴷ-ⵜⴰⵡⵉ ⵜⵙⴻⵏⵇⴰⴷⵜ ⵛⵀⴰⵏⴳ'ⴻ-5 ⴰⴷ ⴰⵖ-ⵢⴰⵍⵍⴻⵍ ⴰⴽⴽⴻⵏ ⴰⴷ ⵏⴻⵙⵙⴻⵍⵇⵉ ⵜⴰⵣⵔⴻⵡⵜ ⵏ ⵜⴰⵍⵖⴰ ⴰⴽⴽⴻⴷ ⵓⵎⵀⴰⵣ ⵏ ⵡⴰⵢⵢⵓⵔ.

‘’Nheyya iman-nneɣ. Yal anarem iheyya’’, i d-yessegzi. ‘’akken kan ara d-awin iẓra-nni, ad nebdu dindin aslaḍ-nsen

ⴰⵛⵉⵔⵉ ⵏ ⵜⵙⴻⵏⵇⴰⴷⵜ ⵛⵀⴰⵏⴳ'ⴻ-5 ⴰⴷ ⵢⴻⵙⵙⴻⵎⵀⴻⵣ ⵜⵉⵙⵏⴰⵜⵡⵉⵍⵉⵏ ⵏ ⵜⵎⵓⵔⵜ ⵏ ⵛⵛⵉⵏⵡⴰ ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⵜⵓⵙⵙⵏⴰ ⵜⴰⵍⵍⵓⵏⴰⵏⵜ, ⵉ ⵢⴻⵔⵏⴰ ⵢⴻⵏⵏⴰ-ⴷ.

ⵎⴰⵙⵙ ⵧⵓⵢⴰⵏⴳ ⵢⴻⵜⴱⴻⵜ-ⴷ ⴰⵛⵉⵔⵉ ⵏ ⵜⵙⴻⵏⵇⴰⴷⵜ ⵏ ⵜⴰⵢⵢⵓⵔⴰⵏⵜ ⵛⵀⴰⵏⴳ'ⴻ-4, ⴷ ⵜⴰⴽⵏⴰ ⵏ ⵛⵀⴰⵏⴳ'ⴻ-3 ⴽⵉⴼⴽⵉⴼ-ⵏⵙⴻⵏⵜ. ⵜⴰ ⴰⴷ ⵜⴻⵔⵙ ⵖⴻⴼ ⵡⵓⴷⴻⵎ ⵓⴼⴼⵉⵔ ⵏ ⵡⴰⵢⵢⵓⵔ, ⴰⵢⴰ ⴷ ⴰⵎⵀⴰⵣ ⴰⵎⴻⵇⵔⴰⵏ ⴷⴻⴳ ⵓⵎⴻⵣⵔⵓⵢ ⵏ ⵜⴰⵍⵙⴰ.

ⴰⵛⵉⵔⵉ ⵏ ⵙⵏⴰⵜ ⵜⵙⴻⵏⵇⴰⴷⵉⵏ ⵏ ⵡⴰⵢⵢⵓⵔ ⵜⴻⵏⵏⴰ-ⵜ-ⵉⴷ ⵜⴻⴷⴱⴻⵍⵜ ⵏ ⵓⵡⴰⵏⴻⴽ ⵏ ⵜⵓⵙⵙⵏⵉⵡⵉⵏ, ⵜⵉⵙⵏⴰⵜⵡⵉⵍⵉⵏ ⴰⴽⴽⴻⴷ ⵜⴻⵎⴳⵓⵔⵉⵢⵉⵏ ⵉ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.