Asebter amenzawi

Ccinwa thegga iman-is akken ad cir tasenqadt tayyurant n tziri Chang'e-5 deg 2017

TIANJIN – Yiwen n umassan acinwi yenna-d ass lḥedd dakken tamurt-is thegga iman-is akken ad tcir tasenqadt tayyurant Chang'e-5 deg useggas n 2017, akken ad tessegrew ibruyen n yiẓra n wayyur sakin ad ten-id-tawi akken ad neg yes-sen tigmiwin tussnanin.

Amassan aɣella n Usenfar n usnirem ayyuran acinwi, Ouyang Ziyuan, yenna-d i yemdanen n telɣut deg temdint n Tianjin (agafa) dakken aciri n Chang'e-5 d amecwar wis kraḍ n usenfar n usnirem ayyuran i tla tmurt.

Amecwar amezwaru n usikel ɣer wayyur tekfa deg useggas 2007 s uciri n Chang'e-1, d yiwen n ugensa iḥebbun ɣef tkurt n wayyur. Deg umecwar wis sin, Ccinwa tuzen tasenqadt-is Chang'e-3 i yersen ɣef wayyur deg useggas n 2013.

ɣef wakken d nnan yimassanen, aslaḍ n temṣukt akked yisufar n yiẓra ara d-tawi tsenqadt Chang'e-5 ad aɣ-yallel akken ad nesselqi tazrewt n talɣa akked umhaz n Wayyur.

Nheyya iman-nneɣ. Yal anarem iheyya’’, i d-yessegzi. ‘’akken kan ara d-awin iẓra-nni, ad nebdu dindin aslaḍ-nsen

Aciri n tsenqadt Chang'e-5 ad yessemhez tisnatwilin n tmurt n Ccinwa deg wayen yerzan tussna tallunant, i yerna yenna-d.

Mass Ouyang yetbet-d aciri n tsenqadt n tayyurant Chang'e-4, d takna n Chang'e-3 kifkif-nsent. Ta ad ters ɣef wudem uffir n wayyur, aya d amhaz ameqran deg umezruy n talsa.

Aciri n snat tsenqadin n wayyur tenna-t-id Tedbelt n Uwanek n tussniwin, tisnatwilin akked temguriyin i temḥaddit taɣelnawt.