ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵎⵓⵍⵓⴷⴻⵢⵢⴰ ⵏ ⴱⴳⴰⵢⴻⵜ ⵎⴳⴰⵍ ⵎⵓⵍⵓⴷⴻⵢⵢⴰ ⵏ ⵍⴻⵣⵣⴰⵢⴻⵔ ⴰⵙⵙ ⵏ 5 ⴷⵓⵊⴻⵎⴱⴻⵕ ⵖⴻⴼ ⵜⵉⵙ 4:00 ⵏ ⵜⵎⴻⴷⴷⵉⵜ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⵉⵎⵍⵉⵍⵉⵜ ⵢⴻⵜⵜⵡⴰⵍⴰⵙⴻⵏ ⵏ ⵡⴰⵙⵙ ⵡⵉⵙ 8 ⵏ ⵜⴻⵍⵖⵓⵖⴰ ⵏ ⵜⴻⵎⵖⵓⵏⵜ 1ⵓⵜ ⵏ ⵎⵧⴱⵉⵍⵉⵙ ⴳⴰⵔ ⵎⵓⵍⵓⴷⴻⵢⵢⴰ ⵏ ⴱⴳⴰⵢⴻⵜ ⴷ ⵎⵓⵍⵓⴷⴻⵢⵢⴰ ⵏ ⵍⴻⵣⵣⴰⵢⴻⵔ ⴰⴷ ⴷ-ⵜⵉⵍⵉ ⴰⵙⵙ ⵏ ⵍⴻⵜⵏⵉⵢⴻⵏ 5 ⴷⵓⵊⴻⵎⴱⴻⵕ ⵖⴻⴼ ⵜⵉⵙ 4:00 ⵏ ⵜⵎⴻⴷⴷⵉⵜ ⴷⴻⴳ ⵓⵙⴰⵔⵉⵔ ⵏ ⵜⴷⵓⴽⵍⵉ ⵜⴰⵎⵖⴰⵔⴱⵉⵜ ⴷⴻⴳ ⴱⴳⴰⵢⴻⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵏⵏⴰ, ⴰⵙⵙ ⵏ ⵍⴻⵜⵏⵉⵢⴻⵏ, ⵜⴻⵎⵖⵓⵏⵜ ⵏ ⵜⵛⵉⵔⴹⴰⵔⵜ ⵜⴰⵙⴰⴷⵓⵔⴰⵏⵜ.

ⵜⴻⵜⵜⵡⴰⵡⴻⵅⵅⴻⵔ ⵜⴻⵎⵍⵉⵍⵉⵜ-ⴰ ⴰⴽⴽⴻⵏ ⴰⴷ ⵜⴻⵙⵙⴻⵡⵊⴻⴷ ⵎⵓⵍⵓⴷⴻⵢⵢⴰ ⵏ ⴱⴳⴰⵢⴻⵜ ⵉⵎⴰⵏ-ⵏⵏⴻⵙ ⵉ ⵜⵏⴻⴳⴳⴰⵔⵓⵜ ⵏ ⵜⴻⵇⴱⵓⵛⵜ ⵏ ⵜⴽⵓⵏⴼⵉⴷⵉⵕⴰⵍⵉⵜ ⵎⴳⴰⵍ ⵜⵒ ⵎⴰⵣⴻⵎⴱⴻ (ⵜⴰⴳⴷⵓⴷⴰ ⵜⴰⵎⴻⴳⴷⴰⵢⵜ ⵏ ⴽⵓⵏⴳⵓ) ⴰⵢ ⵜⴻⵅⵚⴻⵔ ⵙ 1-1 ⴷⴻⴳ ⵜⵡⴰⴷⴷⴰ, ⴷ 4 ⵖⴻⵔ 1 ⴷⴻⴳ ⵡⵓⵖⴰⵍ.

ⵎⵓⵍⵓⴷⴻⵢⵢⴰ ⵏ ⵍⴻⵣⵣⴰⵢⴻⵔ ⴷ ⵜⴰⵎⴻⵣⵡⴰⵔⵓⵜ ⴷⴻⴳ ⵓⵙⴻⵜⵜⴻⴼ ⵏ ⵜⴻⵍⵖⵓⵖⴰ ⵏ ⵜⴻⵎⵖⵓⵏⵜ 1ⵓⵜ ⵖⴻⵔ ⵢⵉⴷⵉⵙ ⵏ ⵓⵙⵎ ⵍⴻⵣⵣⴰⵢⴻⵔ ⴷ ⵎⵓⵍⵓⴷⴻⵢⵢⴰ ⵏ ⵡⴻⵀⵕⴰⵏ ⵙ 20 ⵏ ⵜⴻⵏⵇⵉⴹⵉⵏ ⵉ ⵢⵉⵡⴻⵜ, ⵎⴰⵛⴰ ⵎⵓⵍⵓⴷⴻⵢⵢⴰ ⵏ ⵍⴻⵣⵣⴰⵢⴻⵔ ⵜⴻⵜⵜⴽⴻⵍ ⴰⴷ ⵜⴻⵔⵏⵓ ⵜⵉⵏⵇⵉⴹⵉⵏ-ⵏⵏⴻⵙ ⴷⴻⴳ ⵜⴻⵎⵍⵉⵍⵉⵜ ⴰⵔⴰ ⵜⵓⵔⴰⵔ ⵎⴳⴰⵍ ⵜⴻⵅⵚⵉⵎⵜ-ⵏⵏⴻⵙ ⴱⴳⴰⵢⴻⵜ.

ⴷⴻⴳ ⵜⴳⴰⵔⴰ ⵏ ⵡⴰⵙⵙ ⵡⵉⵙ 11 ⵏ ⵜⴻⵍⵖⵓⵖⴰ ⵏ ⵜⴻⵎⵖⵓⵏⵜ 1ⵓⵜ ⵏ ⵎⵧⴱⵉⵍⵉⵙ, ⵜⴻⴹⴹⴻⴼ ⵎⵓⵍⵓⴷⴻⵢⵢⴰ ⵏ ⴱⴳⴰⵢⴻⵜ ⴰⵎⴽⴰⵏ ⵡⵉⵙ 16 ⵙ 6 ⵏ ⵜⴻⵏⵇⵉⴹⵉⵏ ⴷ 4 ⵏ ⵜⴻⵎⵍⵉⵍⵉⵢⵉⵏ ⵢⴻⵜⵜⵡⴰⵍⴰⵙⴻⵏ.

ⵜⴰⵎⵖⵓⵏⵜ ⵏ ⵜⵛⵉⵔⴹⴰⵔⵜ ⵜⴰⵙⴰⴷⵓⵔⴰⵏⵜ ⵜⴻⵙⵙⴻⴼⵔⴰ-ⴷ ⴷⴰⵖ ⵉⵣⴻⵎⵣⴻⵏ (ⵜⴰⵡⴰⵔⵉⵅ) ⵏ 3-ⵏⵏⵉ ⵏ ⵜⴻⵎⵍⵉⵍⵉⵢⵉⵏ ⵏⵉⴹⴻⵏ ⴰⵢ ⵜⴻⵜⵜⵡⴰⵍⴰⵙ ⵎⵓⵍⵓⴷⴻⵢⵢⴰ ⵏ ⴱⴳⴰⵢⴻⵜ.

ⵜⵉⵎⵍⵉⵍⵉⵜ ⵎⴳⴰⵍ ⵓⵍⵉⵎⵒⵉ ⵏ ⵍⴻⵎⴷⴻⵢⵢⴰ ⵏ ⵡⴰⵙⵙ ⵡⵉⵙ 5 ⵏ ⵜⴻⵍⵖⵓⵖⴰ ⴰⴷ ⴷ-ⵜⵉⵍⵉ ⴰⵙⵙ ⵏ ⵍⴻⵜⵏⵉⵢⴻⵏ 21 ⵡⴰⵎⴱⴻⵔ ⵖⴻⴼ ⵜⵉⵙ 3:00 ⵏ ⵜⵎⴻⴷⴷⵉⵜ ⴷⴻⴳ ⵓⵙⴰⵔⵉⵔ ⵏ ⵍⵉⵎⴰⵎ ⵍⵢⴻⵙ ⴷⴻⴳ ⵍⴻⵎⴷⴻⵢⵢⴰ. ⵜⵉⵎⵍⵉⵍⵉⵜ ⵏ ⵡⴰⵙⵙ ⵡⵉⵙ 9 ⴳⴰⵔ ⴱⴳⴰⵢⴻⵜ ⴷ ⵍⵃⴻⵕⵕⴰⵛ ⴰⴷ ⴷ-ⵜⵉⵍⵉ ⴰⵙⵙ ⵏ 12 ⴷⵓⵊⴻⵎⴱⴻⵕ ⵖⴻⴼ ⵜⵉⵙ 3:00 ⵏ ⵜⵎⴻⴷⴷⵉⵜ ⴷⴻⴳ ⵓⵙⴰⵔⵉⵔ ⵏ ⵓⵎⴻⵏⵣⵓ ⵏ ⵡⴰⵎⴱⴻⵔ (ⴷⴻⴳ ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ). ⵎⴰ ⴷ ⵜⵉⵎⵍⵉⵍⵉⵜ ⵏ ⵎⵓⵍⵓⴷⴻⵢⵢⴰ ⵏ ⴱⴳⴰⵢⴻⵜ ⵎⴳⴰⵍ ⵛⴰ ⵜⴰⴱⴰⵜⴻⵏⵜ ⴷⴻⴳ ⵓⴽⴰⵜⴰⵔ ⵏ ⵡⴰⵙⵙ ⵡⵉⵙ 10 ⵏ ⵜⴻⵍⵖⵓⵖⴰ ⴰⴷ ⴷ-ⵜⵉⵍⵉ ⴰⵙⵙ ⵏ ⵍⴻⵜⵏⵉⵢⴻⵏ 19 ⴷⵓⵊⴻⵎⴱⴻⵕ ⵖⴻⴼ ⵜⵉⵙ 4:00 ⵏ ⵜⵎⴻⴷⴷⵉⵜ ⴷⴻⴳ ⵓⵙⴰⵔⵉⵔ ⵏ ⵜⴷⵓⴽⵍⵉ ⵜⴰⵎⵖⴰⵔⴱⵉⵜ ⴷⴻⴳ ⴱⴳⴰⵢⴻⵜ.