Asebter amenzawi

Ṭṭaref: ahil d ameqran i ussetrer n yebriden (amasay)

ṬṬAREF – La d-yettili usseḍru (inǧaz) n yiwen n wahil n uṣeggem d ussetrer n uẓeḍḍa n yebriden deg tɣiwanin yemgerraden n Ṭṭaref, ɣef wakken ay aɣ-d-tenna, ass n ttlata, tmehla tadigant n yimahilen (acɣal) inagduden.

Deg ukatar n wahil asmadan (mutammim) ayseg ay d-tesfaydi twilayt-a (yernu yebda-d deg 2015), aṣeggem n yebriden d win ara d-yelhun s 3 n yebriden inɣiwanen (baladiyya) deg tɣiwant n Bugus (s teɣzef n 9 n yikilumitren), ɣef wakken ay d-yenna Mass Rabah Sari ay d-yernan dakken ifuk uṣeggem n weḥric seg yebriden-a yernu mazal la yettkemmil uṣeggem n weḥric wis sin. Aṣeggem-a ad d-yesqam 400 n yimelyunen n yidinaṛen.

Yenna-d umasay (mas’ul) n tmehla-a dakken acanṭi n uṣeggem n webrid n twilayt wis 118 (s teɣzef n 10 n yikilumitren) gar Cefya d Ɛin Keṛma, yebda-d yernu asmi ara ifak, ad iserreḥ tiddit n tkeṛṛusin.

Yenna-d unemhal n yimahilen inagduden dapq dakken icanḍiyen n uṣeggem n webrid n temdinin n Leɛyun d Um Ṭṭbul (ɣef tlisa n Tunes) bdan yernu ad d-lhun s uṣeggem n 4 n yikilumitren seg-s.

Ahil asmadan ayseg ay d-tesfaydi twilayt n Ṭṭaref deg weḥric n yimahilen inagduden yerza daɣ assejhed n webrid aɣelnaw wis 82 s teɣzef n 18 n yikilumitren, yernu yettwabḍa ucanṭi-a ɣef sin n yeḥricen, yiwen d win n webrid seg Ṭṭaref ɣer temdint n Zzituna (ɣef tlisa n Tunes), ma d wayeḍ d win yetteddun seg Ɛin Keṛma ɣer Buḥǧeṛ.