ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵉⴱⴰⵏ-ⴷ « ⵡⴰⵢⵢⵓⵔ ⴰⵎⴻⵇⵔⴰⵏ » ⴷⴻⴳ ⵜⵎⵓⵔⴰ ⵏ ⴰⵙⵢⴰ ⴷ ⵓⴳⴰⵔⴰⵡ ⵉⵎⴻⵍⵡⵉ

ⵊⴰⴽⴰⵔⵜⴰ– ⴰⴱⴰⵏⵉ ⵏ « ⵡⴰⵢⵢⵓⵔ ⴰⵎⴻⵇⵔⴰⵏ » ⴷⴻⴳ ⵢⵉⴹ ⵏ ⵡⴰⵙⵙ ⵏ ⵍⴻⵜⵏⵉⵢⴻ ⴷⴻⴳ ⵓⵙⵜⵕⴰⵍⵢⴰ ⵢⴻⵍⵍⴰ-ⴷ ⴷ ⴰⵀⴰⵏⴰⵢ (ⵄⴰⵔⴹ) ⵓⵔ ⵢⴻⵙⵄⵉⵏ ⵜⴰⵎⵜⵉⵍⵜ ⴷⴻⴳ 70 ⵏ ⵢⵉⵙⴻⴳⴳⴰⵙⴻⵏ-ⴰ ⵉⵏⴻⴳⴳⵓⵔⴰ ⵢⴻⵔⵏⵓ ⵡⴰⵍⴰⵏ-ⵜ ⵎⴻⴷⴷⴻⵏ ⴷⴻⴳ ⵡⴰⵟⴰⵙ ⵏ ⵜⴻⵎⵏⴰⴹⵉⵏ ⵏⵉⴹⴻⵏ ⵏ ⵓⵎⴰⴹⴰⵍ, ⵖⴻⴼ ⵍⴻⵃⵙⴰⴱ ⵏ ⵜⵏⴻⴳⴳⴰ ⵏ ⵏⴰⵙⴰ.

ⴰⴱⴰⵏⵉ ⵏ «ⵡⴰⵢⵢⵓⵔ ⴰⵎⴻⵇⵔⴰⵏ » ⵢⴻⵜⵜⵉⵍⵉ-ⴷ ⵎⵉ ⴰⵔⴰ ⴷⴷⵓⴽⴽⵍⴻⵏⵜ ⵙⵏⴰⵜ ⵏ ⵜⵖⴰⵡⵙⵉⵡⵉⵏ: ⴰⵢⵢⵓⵔ ⵓⵎⵎⵉⴷ ⴰⴷ ⴷ-ⵢⴻⵖⵍⵉ ⵙⵡⴰⵙⵡⴰ ⴷⴻⴳ ⵡⴰⴽⵓⴷ ⴰⵢⴷⴻⴳ ⴰⵢⵢⵓⵔ ⵢⴻⵜⵜⵇⴻⵔⵔⵉⴱ-ⴷ ⴰⵟⴰⵙ ⴰⴽⴽ ⵖⴻⵔ ⵡⴰⴽⴰⵍ, ⴷⵖⴰ ⴷ ⴰⵢⴰ ⴰⵔⴰ ⵢⴻⴵⴵⴻⵏ ⴰⵢⵢⵓⵔ ⴰⴷ ⴷ-ⵉⴱⴰⵏ ⵢⴻⵜⵜⵉⵔⵔⵉⵇ ⵢⴻⵔⵏⵓ ⵎⴻⵖⵖⴻⵔ ⵙ ⵡⴰⵣⴰⵍ ⵏ 14% ⵖⴻⴼ ⵡⴰⴽⴽⴻⵏ ⴰⵢ ⵢⴻⵏⵏⵓⵎ ⵢⴻⵜⵜⴱⴰⵏ-ⴷ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵙⵙⴻⴼⵀⴻⵎ ⵏⴰⵙⴰ.

ⵢⵓⵡⴻⴹ ⵡⴰⵢⵢⵓⵔ ⵖⴻⵔ ⵜⴻⵏⵇⵉⴹⵜ ⵜⵓⵇⵔⵉⴱⵜ ⴰⴽⴽ ⵖⴻⵔ ⵡⴰⴽⴰⵍ ⵖⴻⴼ ⵜⵉⵙ 11:22 ⵏ ⵜⵚⴻⴱⵃⵉⵜ (ⵙ ⵡⴰⴽⵓⴷ ⵏ ⴳⵔⴻⴻⵏⵡⵉⵛⵀ) ⵢⴻⵔⵏⵓ ⵢⵓⵖⴰⵍ ⴷ ⵓⵎⵎⵉⴷ ⵖⴻⴼ 1ⵓⵜ52 ⵏ ⵜⵎⴻⴷⴷⵉⵜ (ⵙ ⵡⴰⴽⵓⴷ ⵏ ⴳⵔⴻⴻⵏⵡⵉⵛⵀ), ⵢⴻⵔⵏⵓ ⴷⴻⴳ ⵡⴰⴽⴽ ⵉⵎⵓⴽⴰⵏ ⴰⵢⴷⴻⴳ ⴷ-ⵢⴻⵖⵍⵉ ⵢⵉⴹ ⴷⴻⴳ ⵡⴰⴽⵓⴷ-ⵏⵏⵉ, ⵍⵍⴰⵏ ⵣⴻⵎⵔⴻⵏ ⵎⴻⴷⴷⴻⵏ ⴰⴷ ⵜ-ⵥⵔⴻⵏ ⵎⴰ ⵢⴻⵚⴼⴰ ⵍⵃⴰⵍ.

ⴷⴻⴳ ⵙⵢⴷⵏⴻⵢ, ⴷ ⵉⴳⵉⵎⴰⵏ (ⴰⵍⴰⴼ) ⵏ ⵎⴻⴷⴷⴻⵏ ⴰⵢ ⴷ-ⵢⵓⵙⴰⵏ ⵖⴻⵔ ⵢⵉⵡⴻⵜ ⵏ ⵜⴻⴼⵜⵉⵙⵜ (ⵛⴰⵟⵉ’) ⴷⴻⴳ ⵡⴻⴳⵎⵓⴹ ⵏ ⵜⴻⵎⴷⵉⵏⵜ-ⴰ (ⵜⴻⵇⵔⴻⴱ ⵖⴻⵔ ⴱⵧⵏⴷⵉ ⴱⴻⴰⵛⵀ) ⴰⴽⴽⴻⵏ ⴰⴷ ⵡⴰⵍⵉⵏ « ⴰⵢⵢⵓⵔ ⴰⵎⴻⵇⵔⴰⵏ », ⵓⵍⴰ ⵎⴰ ⵢⴻⵍⵍⴰ ⵓⵙⵉⴳⵏⴰ ⵢⴻⵔⵏⵓ ⵢⴻⵍⵍⴰ ⵢⴻⴽⴽⴰⵜ ⵡⴻⵏⵥⴰⵔ.

ⵢⴰⵍ ⵜⵉⴽⴽⴻⵍⵜ ⴰⵢⴷⴻⴳ ⴰⵔⴰ ⴷ-ⵉⴱⴰⵏ ⵛⵡⵉⵟ ⵡⴰⵢⵢⵓⵔ, ⴰⴷ ⴷ-ⵙⴻⴼⴼⵇⴻⵏ ⵎⴻⴷⴷⴻⵏ, ⵓⵇⴱⴻⵍ ⵎⴰ ⵢⵓⵍⴻⵙ ⵉⴷⴻⵍ-ⵉⵜ ⵓⵙⵉⴳⵏⴰ.

« ⴰⵢⴰ ⵉⴳⴻⵔⵔⴻⵣ ⵙ ⵜⵉⴷⴻⵜ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵉⴷⴰⵏ ⵎⵉⵍⵍⴰⵔ-ⵒⵧⵡⴻⵍⵍ ⵉ ⵜⵏⴻⴳⴳⴰ ⵏ ⴰⴼⵒ, ⴷⴻⴳ ⵜⵍⴻⵎⵎⴰⵙⵜ ⵏ ⵍⵖⴰⵛⵉ ⵢⵓⵎⴰⵔⴻⵏ ⴷⴻⴳ ⵜⴻⴼⵜⵉⵙⵜ-ⴰ. ⴰⵣⴰⵍ ⵏ 18.000 ⵏ ⵢⵉⵎⴰⵔⴰⵢⴻⵏ ⵏ ⵜⴻⵙⵏⴰⵍⵍⵓⵏⵜ ⴰⵢ ⴷ-ⵢⴻⵏⵏⴰⵏ, ⴷⴻⴳ ⵓⵙⴻⵜⴻⵔ ⵏ ⴼⴰⵛⴻⴱⵧⵧⴽ ⵏ ⴳⴰⵠⵉⵏ ⵎⵛⵛⵧⵔⵎⴰⵛⴽ, ⴷⴰⴽⴽⴻⵏ ⴰⴷ ⴷ-ⴰⵙⴻⵏ ⴰⴷ ⵃⴻⴷⵕⴻⵏ ⴷⴻⴳ ⵜⴻⴷⵢⴰⵏⵜ-ⴰ.

«ⵖⵙⴻⵏ ⴰⴷ ⵡⴰⵍⵉⵏ ⵎⴻⴷⴷⴻⵏ ⵜⴰⴷⵢⴰⵏⵜ-ⴰ ⴰⵛⴽⵓ ⵜⴹⴻⵔⵔⵓ-ⴷ ⵜⵉⴽⴽⴻⵍⵜ ⴽⴰⵏ ⵉ 100 ⵏ ⵢⵉⵙⴻⴳⴳⴰⵙⴻⵏ. ⵓⵔ ⵖⵙⴻⵏ ⴰⴷ ⵎⵎⵜⴻⵏ ⵡⴰⵔ ⵎⴰ ⵏⵏⴰⵏ-ⴷ ‘ⵏⵡⴰⵍⴰ ⴰⵢⵢⵓⵔ ⴰⵎⴻⵇⵔⴰⵏ’ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵉⴷⴰⵏ.