Asebter amenzawi
Assegmi: 34 n yimukan i usselmed n tmaziɣt deg Lezzayer Tamaneɣt (Aseqqamu Unnig i Timmuzɣa)
LEZZAYER TAMANEɣT – Yenna-d umaru amatu n Useqqamu Unnig i Timmuzɣa, Si El-Hachemi Assad, ass n ttlata, dakken aɣlif n ussegmi aɣelnaw iheyya-d 34 n yimukan i usselmed n tmaziɣt deg Lezzayer Tamaneɣt, yili ilindi llan kan sin n yimukan deg twilayt-a.
Yerna-d daɣ Si El Hachemi Assad dakken « yella wussis (ǧuhd) d ameqran ay iga weɣlif n ussegmi aɣelnaw akken ad yaweḍ wemḍan n yimukan n usselmed n tmaziɣt ɣer 34 deg yiɣerbazen yemgerraden n twilayt n Lezzayer, seg leɛḍil ad yettwasmatu usselmed n tenga-a deg yiɣerbazen niḍen seg-a ɣer sdat. »
Yenna-d Mass Assad dakken tella-d tiddit ibanen ɣer sdat deg « tukci n yimukan » n usselmed n tmaziɣt, am wakken ay d-yerna dakken iɣerbazen n Lezzayer Talemmast sfaydin-d seg 18 n yimukan deg weswir amenzu d 7 n yimukan deg weswir alemmas.
Ma d timehliwin n ussegmi n utaram (ɣarb) d wegmuḍ (carq) n tmaneɣt ssadfent iselmaden ay yebdan asselmed n tmaziɣt deg weswir amenzu deg tɣiwanin n Maqareyya (tadayṛa n Ḥusin Day), Berraqi, Ɛin Lbenyan, Lezzayer Talemmast d Tqubbet.
Yenna-d umasay-a (mas’ul) dakken « ad nkemmel aheyyi i usemmi n yiselmaden deg yiɣerbazen ilemmasen d tesnawiyin, am wakken ay d-iḥettet dakken aya yezmer ad d-yili imi ay d-ffɣen yesmalen (dafaɛat) imaynuten n yiselmaden seg Uɣerbaz Aɣelnaw Unnig n Buzerriɛa anda ay mmeṛkan 60 n yiselmaden imaynuten.
Tawilayt n Lezzayer d yiwet seg 32 n twilayin aydeg la tettwasselmad tmaziɣt, yernu la tettwasselmad tutlayt-a ladɣa deg tmunaɣ n twilayin.
Deg tezwaa n useggas aɣurbiz n 2016-2017, tenna-d yiwet n tegrawt n yiselmaden n twilayt n Lezzayer dakken « tesḥassef » imi « ulama ttwasemman-d, nnan-asen yinemhalen n yiɣerbazen dakken ur ten-id-tuwiḍ akk lewṣaya sɣur tmehliwin n ussegmi akken ad bdun axeddim », d acu kan, yenna-d Mass Assad dakken yefra wugur-a, yernu yessuter Useqqamu Unnig i Timmuzɣa timlilit d yinemhalen n ussegmi i wemsefham ɣef temsalt-a akken ur d-yettuɣal wugr-a tikkelt niḍen. Nnig waya, ttwaheyyan-d, deg Lezzayer 711 n yimukan s ujemmal i usselmed n tmaziɣt yernu ad d-tili taceṛt n yimukan-a cwiṭ, cwiṭ, deg sin-a n yiseggasen ay d-yetteddun.
