Asebter amenzawi

Lezzayer-Tagelda Tasaɛudit: astenyi n tesmektayt n wemsefham deg wemyalel amsenzi

RIYAḌ– Stenyant Lezzayer d Tgelda Tasaɛudit, ass n ttlata deg Riyaḍ, tasmektayt n wemsefham deg wemyalel amsenzi deg ukatar n terzi tunṣibt ay iga uneɣlaf amenzu, Abdelmalek Sellal, ɣef Tgelda Tasaɛudit.

Seg yidis adzayri, d aneɣlaf n tɣawsiwin n Lmeɣreb, Tadukli Tafriqit d Temɣunt Taɛṛabt, Abdelkader Messahel, ay yestenyan tasmektayt-a, ma seg yidis asaɛudi, d aneɣlaf n tnezzut d ussefti, Majed Al-Qasabi, ay tt-yestenyan.

Amtawa-a yerza ladɣa aḥuddu n yemsuder d ussefqed n tɣara n sselɛa d yimeẓla (xadamat) deg ukatar n wembaddel amsenzi gar snat-a n tmura.

Ambaddel amsenzi gar snat-a n tmura yuweḍ ɣer 619 n yimelyunen n yidulaṛen deg 2015. Aǧawen idzayriyen kkan i 612 n yimelyunen n yidulaṛen, ma d issiǧwen idzayriyen ɣer tmurt-a ur kkin i 7 n yimelyunen n yidulaṛen.

Awal gar snat-a n tmagliwin (wufuq) d win ay d-iḥuzan aqeyyem n wemyalel asindis d unadi ɣef yebriden ay izemren ad sneflin amyalel-a deg yinurar yemgerraden.

Ad yettekki uneɣlaf amenzu, ass n laṛebɛa, deg yiwen n Wenmager adamsan ara d-yilin i lmend n ussebɣes n teṛmisin tidamsanin n snat-a n tmura akken ad sneflint assefti araray d ussugget n yezwuren n ticcurka.