ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴰⴱⴻⴷⴷⵓ ⵏ ⵡⴻⵊⴱⴰⴷ ⵏ ⵜⴽⴰⵔⴹⴰ ⵜⴰⵖⴻⵍⵏⴰⵡⵜ ⴷ ⵓⵒⴰⵙⵒⵓⵕ ⴰⴱⵢⵓⵎⵉⵜⵔⵉ ⵙ ⵉⵏⵜⴻⵔⵏⴻⵜ ⵉ ⵢⵉⴷⵣⴰⵢⵔⵉⵢⴻⵏ ⵉⵣⴻⴷⵖⴻⵏ ⴷⴻⴳ ⵡⴻⵣⵖⴰⵔ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⴻⴱⴷⴰ-ⴷ ⵡⴻⵖⵍⵉⴼ ⵏ ⵢⵉⵡⴻⵥⵍⴰ ⵏ ⴷⴰⵅⴻⵍ, ⴰⵙⵙ ⵏ ⵜⵜⵍⴰⵜⴰ, ⵙ ⵓⵙⵙⴻⵎⵢⵓⴷⴷⴻⵙ ⴷ ⵡⴻⵖⵍⵉⴼ ⵏ ⵢⵉⵡⴻⵥⵍⴰ ⵏ ⵡⴻⵣⵖⴰⵔ, ⵜⴰⵎⵀⴻⵍⵜ (ⵄⴰⵎⴰⵍⵉⵢⵢⴰ) ⵏ ⵡⴻⵊⴱⴰⴷ ⵏ ⵜⴽⴰⵔⴹⴰ ⵜⴰⵖⴻⵍⵏⴰⵡⵜ ⴷ ⵓⵒⴰⵙⵒⵓⵕ ⵉⴱⵢⵓⵎⵉⵜⵔⵉⵢⴻⵏ (48 ⵏ ⵢⵉⵙⴻⴱⵜⴰⵔ) ⵙ ⵡⴻⴱⵔⵉⴷ ⵏ ⵉⵏⵜⴻⵔⵏⴻⵜ ⵉ ⵍⴼⴰⵢⴷⴰ ⵏ ⵢⵉⴷⵣⴰⵢⵔⵉⵢⴻⵏ ⴰⵢ ⵉⵣⴻⴷⵖⴻⵏ ⴷⴻⴳ ⵡⴻⵣⵖⴰⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵖⵍⵉⴼ ⴷⴻⴳ ⵢⵉⵡⴻⵏ ⵏ ⵡⴻⵍⵖⵓ.
ⴰⴱⴻⴷⴷⵓ ⵏ ⵓⵎⴻⵥⵍⵓ-ⴰ (ⵅⵉⴷⵎⴰ) ⵢⴻⵍⵍⴰ-ⴷ ⴷⴻⴳ ⵓⴽⴰⵜⴰⵔ ⵏ ⵓⵄⴻⵡⵡⴻⵍ ⵏ ⵡⴻⵖⵍⵉⴼ ⵏ ⵢⵉⵡⴻⵥⵍⴰ ⵏ ⴷⴰⵅⴻⵍ ⴰⴽⴽⴻⵏ ⴰⴷ ⵢⴻⴷⴷⴻⵎ ⵉⵃⴻⵣⵣⵉⴱⴻⵏ ⵉ ⵍⴼⴰⵢⴷⴰ ⵏ ⵢⵉⴷⵣⴰⵢⵔⵉⵢⴻⵏ ⴰⵢ ⵢⴻⴷⴷⵔⴻⵏ ⴷⴻⴳ ⴼⵕⴰⵏⵙⴰ, ⴷ ⵉⵃⴻⵣⵣⵉⴱⴻⵏ ⴰⵢ ⴰⵙⴻⵏ-ⵉⵕⴻⴳⴳⴻⵎ ⴷⴻⴳ ⵜⴻⵔⵣⵉ ⴰⵢ ⵉⴳⴰ ⵖⴻⴼ ⵒⴰⵔⵉⵙ ⵓⵙⵙⴰⵏ ⵏ 9 ⴷ 10 ⵡⴰⵎⴱⴻⵔ ⵢⴻⵣⵔⵉⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ-ⴰ.
ⴰⵎⴻⵥⵍⵓ-ⴰ ⴷ ⴰⵃⵔⵉⵛ ⵙⴻⴳ ⵢⵉⵎⴻⵥⵍⴰ ⴷ ⵢⵉⵃⴻⵣⵣⵉⴻⴱⵏ ⵏ ⵓⵙⵙⵉⴼⵙⴻⵙ ⵉ ⵍⴼⴰⵢⴷⴰ ⵏ « ⵡⴰⵔⵔⴰⵡ ⵏ ⵜⵎⵓⵔⵜ-ⵏⵏⴻⵖ ⴰⵢ ⵢⴻⴷⴷⵔⴻⵏ ⴰⵎⴰ ⴷⴰⵅⴻⵍ, ⴰⵎⴰ ⴱⴻⵕⵕⴰ ⵉ ⵜⵎⵓⵔⵜ » ⵉ ⵍⵎⴻⵏⴷ ⵏ ⵓⵙⵙⴻⵇⵔⴻⴱ ⵏ ⵜⴻⴷⴱⴻⵍⵜ ⵙⴻⴳ ⵓⵖⴻⵔⵎⴰⵏ (ⵎⵓⵡⴰⵟⵉⵏ) ⴷ ⵓⵙⵙⵉⴼⵙⴻⵙ ⵏ ⵓⵎⴻⵚⵔⵓⴼ ⴷ ⵍⵃⵉⴼ ⵏ ⵓⵙⵙⵉⴽⴻⵍ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵡⴻⵍⵖⵓ-ⴰ.
