ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⴰⵙⵙⴻⴽⵢⴻⴷ ⵏ 46.000 ⵏ ⵢⵉⵛⵛⴻⵜⴽⵉⵢⴻⵏ ⵏ ⵡⵉⴷ ⴰⵢ ⵢⴻⵎⵎⴻⵕⴽⴰⵏ ⴷⴻⴳ ⵡⴰⵀⵉⵍ ⵏ ⴰⴰⴷⵍ

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⴻⵙⵙⴻⴽⵢⴻⴷ ⵜⴻⵙⵎⵉⵍⵜ ⵏ ⵢⵉⵛⵛⴻⵜⴽⵉⵢⴻⵏ ⵏ 46.038 ⵏ ⵢⵉⵛⵛⴻⵜⴽⵉⵢⴻⵏ ⵙⵖⵓⵔ ⵡⵉⴷ ⴰⵢ ⵢⴻⵎⵎⴻⵕⴽⴰⵏ ⵖⴻⵔ ⵡⴰⵀⵉⵍ ⵏ ⵜⵏⴻⵣⴷⵓⵖⵜ ⵏ ⵜⵏⴻⴳⴳⴰ ⵏ ⴰⴰⴷⵍ. ⵜⴰⵙⵎⵉⵍⵜ-ⴰ ⵜⴻⵇⵇⴻⵏ ⵖⴻⵔ ⵡⴻⵖⵍⵉⴼ ⵏ ⵜⵏⴻⵣⴷⵓⵖⵜ ⵢⴻⵔⵏⵓ ⵉⴽⴻⵎⵎⴻⵍ ⵛⵛⵖⴻⵍ-ⴰ-ⵏⵏⴻⵙ ⵏ ⵓⵙⵙⴻⴽⵢⴻⴷ ⴰⵔⵎⵉ ⴷ 7 ⵡⴰⵎⴱⴻⵔ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⴰⵙⵙ ⵏ ⵍⴻⵜⵏⵉⵢⴻⵏ ⵢⵉⵡⴻⵏ ⵏ ⵡⴻⵍⵖⵓ ⵏ ⵡⴻⵖⵍⵉⴼ ⴰⵢ ⴷ-ⵢⴻⵔⵏⴰⵏ ⴷⴰⴽⴽⴻⵏ ⵜⴰⵙⵎⵉⵍⵜ-ⴰ ⵜⵓⵣⴻⵏ ⵜⵉⵔⵉⵔⵉⵜ ⵉ 33.934 ⵏ ⵢⵉⵛⵛⴻⵜⴽⵉⵢⴻⵏ.

« ⵉⴳⴰ ⵡⴻⵖⵍⵉⴼ ⵏ ⵜⵏⴻⵣⴷⵓⵖⵜ ⴰⵊⴻⵔⵔⴻⴷ ⴰⵎⴰⵜⵓ ⵏ ⵢⵉⴽⴰⵔⴰⵎⴻⵏ (ⵎⵉⵍⴰⴼⴼⴰⵜ) ⵏ ⵡⵉⴷ ⴰⵢ ⵢⴻⵎⵎⴻⵕⴽⴰⵏ ⵢⴻⵔⵏⵓ ⵛⵛⴻⵜⴽⴰⵏ ⵖⴻⵔ ⵜⴻⵙⵎⵉⵍⵜ ⵏ ⵡⴻⵖⵍⵉⴼ. ⵜⴻⵜⵜⵓⵏⴻⴼⴽ ⵜⵔⵉⵔⵉⵜ ⵉ 33.934 ⵏ ⵢⵉⵛⵛⴻⵜⴽⵉⵢⴻⵏ, 2.428 ⵏ ⵢⵉⵛⵛⴻⵜⴽⵉⵢⴻⵏ ⵍⴰ ⴰⵙⴻⵏ-ⴷ-ⵜⵜⵀⴻⵢⵢⵉⵏ ⵜⵉⵔⵉⵔⵉⵜ, ⵎⴰ ⴷ 9.676 ⵏ ⵢⵉⵛⵛⴻⵜⴽⵉⵢⴻⵏ ⵎⴰⵣⴰⵍ ⵍⴰ ⵜⴻⵏ-ⵙⵙⴻⴽⵢⴰⴷⴻⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⵡⴻⵍⵖⵓ-ⴰ.

ⵍⵍⴰⵏ 5 ⵏ ⵍⴻⵚⵏⴰⴼ ⵏ ⵓⵛⵛⴻⵜⴽⵉ. ⴰⵎⴻⵣⵡⴰⵔⵓ ⵢⴻⵔⵣⴰ ⵡⵉⴷ ⵢⴻⵎⵎⴻⵕⴽⴰⵏ ⵎⴰⵛⴰ ⵓⴳⵉⵏ-ⴰⵙⴻⵏ ⵉⴽⴰⵔⴰⵎⴻⵏ-ⵏⵙⴻⵏ ⵖⴻⴼ ⵍⴵⴰⵍ ⵏ ⵜⵉⵍⵍⵉⵏ-ⵏⵙⴻⵏ ⴷⴻⴳ ⵓⴼⴰⵢⵍⵓ ⴰⵖⴻⵍⵏⴰⵡ ⴷ ⵡⵉⴷ ⴰⵢ ⵢⴻⵜⵜⵡⴰⵙⴼⴻⵇⴷⴻⵏ ⵜⵉⴽⴽⴻⵍⵜ ⵜⵉⵙ ⵙⵏⴰⵜ ⴷⴻⴳ ⵓⴼⴰⵢⵍⵓ ⴰⵖⴻⵍⵏⴰⵡ (4.254 ⵏ ⵢⵉⵛⵛⴻⵜⴽⵉⵢⴻⵏ).

ⵚⵚⴻⵏⴼ ⵡⵉⵙ 3 ⵢⴻⵔⵣⴰ ⵡⵉⴷ ⴰⵢ ⵢⴻⵜⵜⵡⴰⴳⵉⵏ ⵉⵎⵉ ⵓⵔ ⵅⴻⵍⵍⵚⴻⵏ (1.342 ⵏ ⵢⵉⵛⵛⴻⵜⴽⵉⵢⴻⵏ).

ⵚⵚⴻⵏⴼ ⵡⵉⵙ 3 ⴷ ⵡⵉⴷ ⵓⵎⵉ ⵓⴳⵉⵏ ⵉⴽⴰⵔⴰⵎⴻⵏ ⴰⵛⴽⵓ « ⵎⵎⴻⵕⴽⴰⵏ ⵙⵏⴰⵜ ⵏ ⵜⵉⴽⴽⴰⵍ (ⴰⵔⴳⴰⵣ ⴷ ⵜⵎⴻⵟⵟⵓⵜ-ⵏⵏⴻⵙ) ⵏⴻⵖ ⵡⵉⴷ ⴰⵢ ⵢⴻⵎⵎⴻⵕⴽⴰⵏ ⴷⴻⴳ ⵙⵏⴰⵜ ⵏ ⵜⵡⵉⵍⴰⵢⵉⵏ ⵢⴻⵎⴳⴻⵔⵔⴰⴷⴻⵏ ». ⵎⴰ ⴷ ⵡⵉⴷ ⵓⵔ ⴷ-ⵢⴻⴼⴽⵉⵏ ⴰⵔⴰ ⵜⴰⵏⵙⴰ ⵡⵓⵖⵓⵔ ⴰⵔⴰ ⴰⵙⴻⵏ-ⴷ-ⴰⵣⵏⴻⵏ ⵜⵉⵔⵉⵔⵉⵜ, ⵓⵔ ⴰⵙⴻⵏ-ⴷ-ⵜⴻⵜⵜⵓⵏⴻⴼⴽ ⵜⵔⵉⵔⵉⵜ ⵖⴻⴼ ⵢⵉⵛⵛⴻⵜⴽⵉⵢⴻⵏ-ⵏⵙⴻⵏ (610 ⵏ ⵍⵉⵃⴰⵍⴰⵜ).

ⵚⵚⴻⵏⴼ ⵡⵉⵙ 4 ⴷ ⵡⵉⴷ ⵢⴻⵎⵎⴻⵕⴽⴰⵏ ⵎⴰⵛⴰ ⵜⵜⵡⴰⴳⵉⵏ ⵖⴻⴼ ⵍⴵⴰⵍ ⵏ ⵜⵛⴻⵀⵕⵉⵢⵉⵏ-ⵏⵙⴻⵏ (ⵢⴰ ⵜⵜⴰⵖⴻⵏ ⵓⴳⴰⵔ ⵏ ⵜⵛⴻⵀⵕⵉⵜ ⴰⵢ ⴷ-ⵢⴻⵜⵜⵡⴰⵛⴻⵔⴹⴻⵏ ⵏⴻⵖ ⴷⴷⴰⵡ-ⴰⵙ) (2.795 ⵏ ⵢⵉⵛⵛⴻⵜⴽⵉⵢⴻⵏ).

ⵚⵚⴻⵏⴼ ⵡⵉⵙ 5 ⴷ ⵡⵉⴷ ⵢⴻⵎⵎⴻⵕⴽⴰⵏ ⵎⴰⵛⴰ ⵜⵜⵡⴰⴳⵉⵏ ⵖⴻⴼ ⵙⵙⴻⴱⴱⴰⵜ ⵢⴻⵎⴳⴻⵔⵔⴰⴷⴻⵏ (675 ⵏ ⵢⵉⵛⵛⴻⵜⴽⵉⵢⴻⵏ). ⵉⵛⵛⴻⵜⴽⵉⵢⴻⵏ-ⴰ ⵓⵔ ⵜⵜⵄⴻⴹⴹⵉⵍⴻⵏ ⴰⴷ ⴰⵍⵙⴻⵏ ⴰⴷ ⵜⵜⵡⴰⵙⴽⴻⵢⴷⴻⵏ, ⵖⴻⴼ ⵡⴰⴽⴽⴻⵏ ⴰⵢ ⵜⵜ-ⵉⴷ-ⵢⴻⵅⵜⴻⵎ ⵡⴻⵍⵖⵓ.