Asebter amenzawi

Assekyed n 46.000 n yiccetkiyen n wid ay yemmeṛkan deg wahil n AADL

LEZZAYER TAMANEɣT – Tessekyed tesmilt n yiccetkiyen n 46.038 n yiccetkiyen sɣur wid ay yemmeṛkan ɣer wahil n tnezduɣt n tnegga n AADL. Tasmilt-a teqqen ɣer weɣlif n tnezduɣt yernu ikemmel ccɣel-a-nnes n ussekyed armi d 7 Wamber, ɣef wakken ay d-yenna ass n letniyen yiwen n welɣu n weɣlif ay d-yernan dakken tasmilt-a tuzen tiririt i 33.934 n yiccetkiyen.

« Iga weɣlif n tnezduɣt ajerred amatu n yikaramen (milaffat) n wid ay yemmeṛkan yernu ccetkan ɣer tesmilt n weɣlif. Tettunefk tririt i 33.934 n yiccetkiyen, 2.428 n yiccetkiyen la asen-d-ttheyyin tiririt, ma d 9.676 n yiccetkiyen mazal la ten-ssekyaden », ɣef wakken ay d-yerna welɣu-a.

Llan 5 n leṣnaf n uccetki. Amezwaru yerza wid yemmeṛkan maca ugin-asen ikaramen-nsen ɣef lǧal n tillin-nsen deg ufaylu aɣelnaw d wid ay yettwasfeqden tikkelt tis snat deg ufaylu aɣelnaw (4.254 n yiccetkiyen).

Ṣṣenf wis 3 yerza wid ay yettwagin imi ur xellṣen (1.342 n yiccetkiyen).

Ṣṣenf wis 3 d wid umi ugin ikaramen acku « mmeṛkan snat n tikkal (argaz d tmeṭṭut-nnes) neɣ wid ay yemmeṛkan deg snat n twilayin yemgerraden ». Ma d wid ur d-yefkin ara tansa wuɣur ara asen-d-aznen tiririt, ur asen-d-tettunefk tririt ɣef yiccetkiyen-nsen (610 n liḥalat).

Ṣṣenf wis 4 d wid yemmeṛkan maca ttwagin ɣef lǧal n tcehṛiyin-nsen (ya ttaɣen ugar n tcehṛit ay d-yettwacerḍen neɣ ddaw-as) (2.795 n yiccetkiyen).

Ṣṣenf wis 5 d wid yemmeṛkan maca ttwagin ɣef ssebbat yemgerraden (675 n yiccetkiyen). Iccetkiyen-a ur ttɛeḍḍilen ad alsen ad ttwaskeyden, ɣef wakken ay tt-id-yextem welɣu.