ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵜⵉⴱⴻⵙⴽⴻⵔⵜ: ⵓⴳⴰⵔ ⵏ 80 ⵏ ⵢⴻⵎⵣⵉⴽⴽⵏⴻⵏ ⴰⵔⴰ ⵢⴻⵜⵜⴻⴽⴽⵉⵏ ⴷⴻⴳ ⵜⵎⴻⵖⵔⴰ ⵏ ⵜⵉⵏⵉ ⵏ ⵟⵓⵍⴳⴰ (ⴰⵎⴰⵙⴰⵢ)

ⵜⵉⴱⴻⵙⴽⴻⵔⵜ– 86 ⵏ ⵢⴻⵎⵣⵉⴽⴽⵏⴻⵏ ⴰⵔⴰ ⵢⴻⵜⵜⴻⴽⴽⵉⵏ, ⴰⵙⵙ ⵏ ⵙⵙⴻⴱⵜ, ⴷⴻⴳ ⵜⵎⴻⵖⵔⴰ ⵏ ⵜⵉⵏⵉ ⴰⵔⴰ ⴷ-ⵢⵉⵍⵉⵏ ⴷⴻⴳ ⵟⵓⵍⴳⴰ (35 ⵏ ⵢⵉⴽⵉⵍⵓⵎⵉⵜⵔⴻⵏ ⴷⴻⴳ ⵓⵜⴰⵔⴰⵎ ⵏ ⵜⴱⴻⵙⴽⴻⵔⵜ), ⵖⴻⴼ ⵡⴰⴽⴽⴻⵏ ⴰⵢ ⴰⵖ-ⴷ-ⵜⴻⵏⵏⴰ ⵜⵎⴻⵀⵍⴰ ⵜⴰⴷⵉⴳⴰⵏⵜ ⵏ ⵢⵉⵎⴻⵥⵍⴰ ⵉⵏⴽⴻⵔⵔⴰⵣⴻⵏ.

ⵜⴰⴷⵢⴰⵏⵜ-ⴰ ⵏ ⵙⵉⵏ ⵏ ⵡⵓⵙⵙⴰⵏ ⴰⴷ ⴷ-ⵜⵉⵍⵉ ⴷⴻⴳ ⵜⵣⴻⵖⵖⴰ ⵜⴰⴽⴽⴰⴷⴷⴰⵍⵜ ⵏ ⵜⴻⵎⴷⵉⵏⵜ ⵏ ⵟⵓⵍⴳⴰ, ⵢⴻⵔⵏⵓ ⴰⴷ ⴷ-ⵜⵉⵍⵉ ⴷ ⵜⴰⵍⵍⵓⵏⵜ ⵏ ⵡⴻⵎⵢⴰⴳⴻⵔ ⴷ ⵡⴻⵎⴱⴰⴷⴷⴻⵍ ⴳⴰⵔ 65 ⵏ ⵢⴻⵏⴼⴰⵔⴰⵙⴻⵏ (ⵎⵓⵏⵜⵉⴵⵉⵏ) ⴷ 10 ⵏ ⵢⴻⵎⵙⵉⴵⵡⴻⵏ, 6 ⵏ ⵜⴻⵕⵎⵉⵙⵉⵏ ⵢⴻⵎⵎⵓⵣⵣⴳⴻⵏ ⴷⴻⴳ ⵜⴻⵎⴳⵓⵔⵉ ⵏ ⵜⵉⵏⵉ ⴷ 5 ⵏ ⵢⵉⵙⴻⴼⵔⴰⴽⴻⵏ ⵏ ⵜⵏⴻⵎⵙⴰⵍ (ⵡⴰⵔⴰⵛⴰⵜ) ⵏ ⵜⴻⵏⴹⵉ ⵜⴰⵏⵙⴰⵢⴰⵏⵜ ⴰⵢ ⵢⴻⵇⵇⵏⴻⵏ ⵖⴻⵔ ⵜⵉⵏⵉ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⴰⵉⵙⵙⴰ ⴷⴻⵔⴱⴰⵍⵍⵉ.

ⵜⴻⵜⵜⵡⴰⵙⵙⵓⴷⴷⴻⵙ ⵜⴻⴷⵢⴰⵏⵜ-ⴰ ⵙ ⵡⴻⵎⵢⴰⵍⴻⵍ ⴳⴰⵔ ⵜⵎⴻⵀⵍⴰ ⵏ ⵢⵉⵎⴻⵥⵍⴰ ⵉⵏⴽⴻⵔⵔⴰⵣⴻⵏ ⴷ ⵜⴻⵅⵅⴰⵎⵜ ⵏ ⵜⴽⴻⵔⵔⴰⵣⵜ ⵏ ⵜⴱⴻⵙⴽⴻⵔⵜ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵉⵡⴻⴽⴽⴻⴷ, ⴰⵎ ⵡⴰⴽⴽⴻⵏ ⴰⵢ ⴷ-ⵢⴻⵔⵏⴰ ⴷⴰⴽⴽⴻⵏ ⴰⴷ ⵃⴻⴷⵕⴻⵏ ⴷⴻⴳ-ⵙ ⵢⵉⴳⴻⵏⵙⴰⵙⴻⵏ (ⵎⵓⵍⴰⵜⵜⵉⵍⵉⵏ) ⵏ ⵡⴰⵎⵎⴰⵙ ⵏ ⵓⵏⴰⴷⵉ ⵓⵙⵙⵏⴰⵏ ⴷ ⵡⴻⵜⵡⵉⵍⴰⵏ (ⵜⵉⵇⵏⵉ) ⵏ ⵜⴻⵎⵏⴰⴹⵉⵏ ⵜⵉⴽⵉⵡⴰⵏⵉⵏ (ⵛⵔⵙⵜⵔⴰ) ⴷ ⵓⵙⵓⴷⵓ ⴰⵜⵡⵉⵍⴰⵏ ⵏ ⵡⴻⵙⵏⴻⴼⵍⵉ ⵏ ⵜⴽⴻⵔⵔⴰⵣⵜ ⵏ ⵓⵏⴻⵥⵔⵓⴼ (ⵉⵜⴷⴰⵙ), ⴷ ⵜⴻⵕⵎⵉⵙⵉⵏ ⵏ ⵓⵙⴻⵏⴽⵉⴷ ⴷ ⵓⵙⴻⵏⴷⵓⵇ ⴰⵖⴻⵍⵏⴰⵡ ⵏ ⵜⵎⵉⵍⴰⵍⵜ ⵜⴰⵏⴽⴻⵔⵔⴰⵣⵜ (ⵛⵏⵎⴰ).

ⵉⵙⵡⵉ ⵏ ⵜⵜⵉⵄⴰⴷ-ⴰ ⴷ ⵜⵓⴽⵛⵉ ⵏ ⵜⴻⴳⵏⵉⵜ ⵉ ⵓⵣⵣⵉⴽⴽⴻⵏ (ⵄⴰⵔⴹ), ⴰⵎⴱⴰⴷⴷⴻⵍ, ⴰⵡⴰⵍ ⴷ ⵡⴻⵎⴱⴰⴷⴷⴻⵍ ⵏ ⵜⵜⴻⵊⵕⵉⴱⴰⵜ, ⴰⵎ ⵡⴰⴽⴽⴻⵏ ⴰⵔⴰ ⵢⴻⵜⵜⵓⵏⴻⴼⴽ ⵡⴰⵔⵔⴰⵣ ⵉ ⵡⴻⵏⴼⴰⵔⴰⵙ, ⵉⵎⵣⵉⴽⴽⴻⵏ (ⵄⴰⵔⵉⴹ) ⴷ ⵢⴻⵎⵙⵉⴵⴻⵡ ⵉⵎⴳⴻⵔⵔⵣⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵜⴻⵔⵏⴰ ⵜⴻⵖⴱⴰⵍⵓⵜ-ⴰ.

ⵙⴻⴳ ⵢⵉⴷⵉⵙ ⵏⵉⴹⴻⵏ, ⵢⴻⵏⵏⴰ-ⴷ ⵎⴰⵙⵙ ⴷⴻⵔⴱⴰⵍⵍⵉ ⴷⴰⴽⴽⴻⵏ ⴰⴼⴰⵔⴻⵙ ⴰⴷⵉⴳⴰⵏ ⵏ ⵜⵉⵏⵉ ⵢⴻⵣⵎⴻⵔ ⴰⴷ ⵢⴰⵡⴻⴹ, ⴰⵙⴻⴳⴳⴰⵙ-ⴰ, ⵖⴻⵔ 4,4 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵇⴻⵏⵟⴰⵔⴻⵏ, ⴳⴰⵔ-ⴰⵙⴻⵏ 3 ⵏ ⵢⵉⵎⴻⵍⵢⵓⵏⴻⵏ ⵏ ⵢⵉⵇⴻⵏⵟⴰⵔⴻⵏ ⵏ ⵜⵉⵏⵉ ⵏ « ⴷⴻⴳⵍⴻⵜ ⵏⵓⵕ ».