Asebter amenzawi

Tibeskert: ugar n 80 n yemzikknen ara yettekkin deg tmeɣra n tini n Ṭulga (amasay)

TIBESKERT– 86 n yemzikknen ara yettekkin, ass n ssebt, deg tmeɣra n tini ara d-yilin deg Ṭulga (35 n yikilumitren deg utaram n Tbeskert), ɣef wakken ay aɣ-d-tenna tmehla tadigant n yimeẓla inkerrazen.

Tadyant-a n sin n wussan ad d-tili deg tzeɣɣa takkaddalt n temdint n Ṭulga, yernu ad d-tili d tallunt n wemyager d wembaddel gar 65 n yenfarasen (muntiǧin) d 10 n yemsiǧwen, 6 n teṛmisin yemmuzzgen deg temguri n tini d 5 n yisefraken n tnemsal (waracat) n tenḍi tansayant ay yeqqnen ɣer tini, ɣef wakken ay d-yenna Mass Aissa Derballi.

Tettwassuddes tedyant-a s wemyalel gar tmehla n yimeẓla inkerrazen d texxamt n tkerrazt n Tbeskert, ɣef wakken ay d-iwekked, am wakken ay d-yerna dakken ad ḥedṛen deg-s yigensasen (mulattilin) n Wammas n Unadi Ussnan d Wetwilan (tiqni) n Temnaḍin Tikiwanin (CRSTRA) d Usudu Atwilan n Wesnefli n Tkerrazt n Uneẓruf (ITDAS), d teṛmisin n usenkid d Usenduq Aɣelnaw n Tmilalt Tankerrazt (CNMA).

Iswi n ttiɛad-a d tukci n tegnit i uzzikken (ɛarḍ), ambaddel, awal d wembaddel n ttejṛibat, am wakken ara yettunefk warraz i wenfaras, imzikken (ɛariḍ) d yemsiǧew imgerrzen, ɣef wakken ay d-terna teɣbalut-a.

Seg yidis niḍen, yenna-d Mass Derballi dakken afares adigan n tini yezmer ad yaweḍ, aseggas-a, ɣer 4,4 n yimelyunen n yiqenṭaren, gar-asen 3 n yimelyunen n yiqenṭaren n tini n « deglet nuṛ ».