ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵓⵔ ⵜⴻⵜⵜⵄⴻⴹⴹⵉⵍ ⴰⴷ ⵜⴻⴱⴷⵓ ⵜⴻⵔⴳⴰ ⵏ ⵜⵍⵉⵥⵔⵉ ⵉ ⵓⵙⵙⴻⵍⵎⴻⴷ ⵙ ⵍⴱⴻⵄⴷ (ⴰⵏⴻⵖⵍⴰⴼ)

ⵜⵉⵣⵉ ⵡⴻⵣⵣⵓ– ⵢⴻⵏⵏⴰ-ⴷ ⵓⵏⴻⵖⵍⴰⴼ ⵏ ⵡⴻⵍⵎⵓⴷ ⵉⵎⵉⵏⴻⴳ, ⵜⴰⵀⴰⵔ ⵀⴰⴷⵊⴰⵔ, ⴰⵙⵙ ⵏ ⵜⵜⵍⴰⵜⴰ ⴷⴻⴳ ⵜⵉⵣⵉ ⵡⴻⵣⵣⵓ, ⴷⴰⴽⴽⴻⵏ ⵓⵔ ⵜⴻⵜⵜⵄⴻⴹⴹⵉⵍ ⴰⴷ ⴷ-ⵜⵉⵍⵉ ⵜⴻⵔⴳⴰ ⵏ ⵜⵍⵉⵥⵔⵉ ⵉ ⵡⴻⵍⵎⵓⴷ ⵙ ⵍⴱⴻⵄⴷ.

ⴷⴻⴳ ⵜⴻⵙⴷⴰⵡⵉⵜ ⵏ ⵢⵉⵃⴻⵏⵙⴰⵡⴻⵏ, ⵢⴻⵔⵥⴻⵎ ⵓⵏⴻⵖⵍⴰⴼ ⵙ ⵡⵓⴷⴻⵎ ⵓⵏⵚⵉⴱ ⵢⵉⵡⴻⵏ ⵏ ⵓⵙⴰⵔⴰⴳ ⵖⴻⴼ « ⵡⴻⵍⵎⵓⴷ ⵙ ⵍⴱⴻⵄⴷ, ⴳⴰⵔ ⵜⴻⵥⵔⵉ ⴷ ⵓⵙⵙⴻⵎⵔⴻⵙ: ⵜⴰⵔⵎⵉⵜ ⵏ ⵍⴻⵣⵣⴰⵢⴻⵔ », ⵢⴻⵔⵏⵓ ⵢⴻⵏⵏⴰ-ⴷ ⴷⴰⴽⴽⴻⵏ ⵜⴰⵖⵙⴻⵔⵜ (ⵎⴰⵃⴰⵟⵟⴰ) ⵏ ⵜⴻⵔⴳⴰ-ⴰ ⴰⴷ ⵢⵉⵍⵉ ⴷⴻⴳ ⵜⴻⵙⴷⴰⵡⵉⵜ ⵏ ⵓⵙⵙⵉⵍⴻⵖ ⵢⴻⵜⵜⴽⴻⵎⵎⵉⵍⴻⵏ.

« ⴰⵇⵍ-ⴰⵖ ⴽⴰⵏ ⵍⴰ ⵏⴻⵜⵜⵕⴰⵊⵓ ⵜⵜⴻⵙⵔⵉⵃ ⵏ ⵢⵉⴷⵓⴱⴰ ⴰⵢ ⵜⴻⵔⵣⴰ ⵜⴻⵎⵙⴰⵍⵜ ⴰⴽⴽⴻⵏ ⴰⴷ ⵏⴻⴱⴷⵓ ⴰⵙⵏⴻⵣⵡⵉ (ⴱⴰⵜⵜ) », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.

ⵜⴰⵔⴳⴰ-ⴰ ⵏ ⵜⵍⵉⵥⵔⵉ ⴰⴷ ⵜⴻⵙⵄⵓ ⴰⴽⴽ ⵜⵜⴰⵡⵉⵍⴰⵜ ⴰⵢ ⵜⴻⵃⵡⴰⵊ ⴷ ⵜⴻⵙⵏⴰⵜⵡⵉⵍⵉⵏ (ⵜⵉⴽⵏⵓⵍⵓⴵⵉⵢⵢⴰⵜ) ⵜⵉⵏⴻⴳⴳⵓⵔⴰ, ⴷⵖⴰ ⴷ ⴰⵢⴰ ⴰⵔⴰ ⵜⵜ-ⵢⴻⴵⴵⴻⵏ ⴰⴷ ⵜⵡⴻⵀⵀⵉ ⴰⵀⵉⵍⴻⵏ-ⵏⵏⴻⵙ ⵉ ⵡⴻⴳⴷⵓⴷ ⴷ ⴰⵎⴻⵇⵔⴰⵏ ⴷⴻⴳ ⵜⵎⵓⵙⵙⵏⵉⵡⵉⵏ ⵢⴻⵎⵎⵓⵣⵣⴳⴻⵏ, ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵀⴰⴷⵊⴰⵔ.

ⴷⴻⴳ ⵡⴰⵢⴻⵏ ⵢⴻⵔⵣⴰⵏ ⴰⵍⵎⵓⴷ ⵙ ⵍⴱⴻⵄⴷ ⴷⴻⴳ ⵍⴻⵣⵣⴰⵢⴻⵔ, ⵢⴻⵏⵏⴰ-ⴷ ⵓⵏⴻⵖⵍⴰⴼ ⴷⴰⴽⴽⴻⵏ ⵚⵚⴻⵏⴼ-ⴰ ⵏ ⵓⵙⵙⵉⵍⴻⵖ ⵢⴻⴼⵔⵓⵔⵉ-ⴷ ⵙⴻⴳ ⵜⵙⴻⵔⵜⵉⵜ ⵏ ⵓⵙⵙⵉⵏⴻⴹ ⴷ ⵓⵙⵙⴻⵜⵔⴻⵔ ⵏ ⵡⴻⵍⵎⵓⴷ ⵉⵎⵉⵏⴻⴳ ⴰⵢ ⵢⴻⴹⴼⴻⵔ ⵡⴻⵖⵍⵉⴼ-ⵏⵏⴻⵙ.

ⵢⴻⵙⵎⴻⴽⵜⵉ-ⴷ ⴷⴰⵖ ⴰⴱⴻⴷⴷⵓ, ⴷⴻⴳ ⵓⵙⴻⴳⴳⴰⵙ-ⴰ ⴰⵙⴷⴰⵡⴰⵏ, ⵏ ⵚⵚⴻⵏⴼ ⴰⵎⴰⵢⵏⵓ ⵏ ⵜⴻⵣⵔⴰⵡⵜ ⵜⴰⵙⴷⴰⵡⴰⵏⵜ, ⴷ ⵡⵉⵏ ⵏ ⵓⵎⴰⵙⵜⵉⵔ ⵙ ⵍⴱⴻⵄⴷ, ⵢⴻⵔⵏⵓ ⴰⴷ ⴷ-ⵜⵉⵍⵉ ⵜⴻⵔⵎⵉⵜ-ⴰ ⴷⴻⴳ 5 ⵏ ⵜⴻⵙⴷⴰⵡⴰⵏⵉⵏ (ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ 1ⵓⵜ, ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ ⵜⵉⵙ 2, ⵍⴻⴱⵍⵉⴷⴰ ⵜⵉⵙ 2, ⵇⵙⴻⵏⵟⵉⵏⴰ ⴷ ⵡⴻⵀⵕⴰⵏ), ⵢⴻⵔⵏⵓ 5000 ⵏ ⵢⵉⵏⴻⵍⵎⴰⴷⴻⵏ ⵉⵙⴷⴰⵡⴰⵏⴻⵏ ⴰⵢ ⵢⴻⵎⵎⴻⵕⴽⴰⵏ ⵢⴰⴳⵉ ⴷⴻⴳ ⵡⴰⵀⵉⵍ-ⴰ.