ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⴱⴻⴷⵧⵓⵉ : ⵉⴽⴰⵖⴹⴻⵏ ⵏ ⵡⴰⴷⴷⴰⴷ ⴰⵖⴰⵔⵉⵎ ⴰⴷ ⵓⵖⴰⵍⴻⵏ ⴰⴷ ⵜⵜⵡⴰⴷⴷⵎⴻⵏ ⵙⴻⴳ ⵉⵏⵜⴻⵔⵏⴻⵜ ⵙⴻⴳ ⴰⵔⴰ ⴷ-ⵢⴻⵜⵜⵡⴰⵣⵔⴻⴳ ⵓⵙⴰⴹⵓⴼ ⵖⴻⴼ ⵓⵙⴻⵏⵢⵉ ⴰⵍⵉⴽⵜⵔⵓⵏⴰⵏ
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⴰⵏⴻⵖⵍⴰⴼ ⵏ ⵓⴳⴻⵏⵙⵓ ⴰⴽⴽⴻⴷ ⵜⵏⴻⴱⴱⴰⵣⵉⵏ ⵜⵉⴷⵉⴳⴰⵏⵉⵏ ⵏⵧⵓⵔⴻⴷⴷⵉⵏⴻ ⴱⴻⴷⵧⵓⵉ ⵢⴻⵏⵏⴰ-ⴷ ⴰⵙⵙ ⵏ ⵍⴻⵅⵎⵉⵙ ⴷⴻⴳ ⵜⴻⵎⴷⵉⵏⵜ ⵏ ⵍⴻⵣⵣⵢⴻⵔ, ⴰⴷ ⵓⵖⴰⵍⴻⵏ ⴰⴷ ⵜⵜⴰⴼⴽⴻⵏ ⵉⴽⴰⵖⴹⴻⵏ ⵏ ⵡⴰⴷⴷⴰⴷ ⴰⵖⴰⵔⵉⵎ ⵙⴻⴳ ⵉⵏⵜⴻⵔⵏⴻⵜ ⵙⴻⴳ ⴰⵔⴰ ⴷ-ⵢⴻⵜⵜⵡⴰⵣⵔⴻⴳ ⵓⵙⴰⴹⵓⴼ ⵖⴻⴼ ⵓⵙⴻⵏⵢⵉ ⴰⵍⵉⴽⵜⵔⵓⵏⴰⵏ.
‘’ⴰⵣⴳⴰⵔ ⵖⴻⵔ ⵜⴻⴷⴱⴻⵍⵜ ⵜⴰⵍⵉⴽⵜⵔⵓⵏⴰⵏⵜ ⴷ ⵜⴰⵖⴰⵡⵙⴰ ⵢⴻⵜⵜⵡⴰⵃⴻⵜⵜⵎⴻⵏ ⴼⴻⵍⵍ-ⴰⵖ ⵓⵔ ⵏⴻⵣⵎⵉⵔ ⴰⵔⴰ ⴰⴷ ⴰⵙ-ⵏⴻⵙⵙⵉⵏⴻⴼ ⴰⴽⴽⴻⵏ ⴰⴷ ⵏⵚⴻⴳⴳⴻⵎ ⴰⵎⴻⵥⵍⵓ ⴰⵏⴰⴳⴷⵓⴷ, ⴰⴷ ⵢⴻⵣⵎⴻⵔ ⵓⵖⴻⵔⵎⴰⵏ ⴰⴷ ⵢⴻⴷⴷⴻⵎ ⵙⴻⴳ ⵉⵏⵜⴻⵔⵏⴻⵜ ⵜⵉⵣⵎⴰⵎⵉⵏ ⵏ ⵡⴰⴷⴷⴰⴷ ⴰⵖⴰⵔⵉⵎ ⵙⴻⴳ ⴰⵔⴰ ⴷ-ⵢⴻⵣⵔⴻⴳ ⵓⵙⴰⴹⵓⴼ ⵖⴻⴼ ⵓⵙⴻⵏⵢⵉ ⴰⵍⵉⵜⵔⵓⵏⴰⵏ’’, ⵉ ⴷ-ⵢⴻⵏⵏⴰ ⵓⵏⴻⵖⵍⴰⴼ ⵉ ⴷ-ⵢⴻⵔⵔⴰⵏ ⵉ ⵓⵛⵖⴰⴱ ⵏ ⵢⵉⵡⴻⵏ ⵏ ⵓⵡⴰⵎⵏⵉ, ⴷⴻⴳ ⵢⵉⵡⴻⵜ ⵏ ⵜⵖⵉⵎⵉⵜ ⵏ ⵓⴳⵔⴰⵡ ⴰⵖⴻⵔⴼⴰⵏ ⴰⵖⴻⵍⵏⴰⵡ ⵉ ⵔⵣⴰⵏ ⵉ ⵜⵓⵜⵜⵔⵉⵡⵉⵏ ⵜⵉⵏⵉⵎⵉⵢⵉⵏ, ⵖⴻⴼ ⵍⴻⵅⵚⴰⵙ ⵏ ⵢⵉⵅⴻⴷⴷⴰⵎⴻⵏ ⴷⴻⴳ ⵡⴰⵎⵎⴰⵙⴻⵏ ⵏ ⵡⴰⵔⵔⴰⵜⴻⵏ ⵉⴱⵢⵓⵎⵉⵜⵔⵉⵢⴻⵏ.
ⵢⴻⵙⵎⴻⴽⵜⴰ-ⴷ ⴷⴰⴽⴽⴻⵏ ⴰⵖⵍⵉⴼ-ⵉⵙ ⵉⵙⴻⵔⵙ ⴷⴷⴻⵇⵙ ⵏ ⵡⴰⵍⵍⴰⵍⴻⵏ ⴰⴽⴽⴻⵏ ⴰⴷ ⵜⵏⴻⴼⵍⵉⵜ ⵏ ⵜⴻⴷⴱⴻⵍⵜ ⵜⴰⵍⵉⴽⵜⵔⵓⵏⴰⵏⵜ ⴰⵎⴻⴷⵢⴰ ⵏ ⵜⴻⵣⵎⴰⵎⵜ ⵏ ⵡⴰⴷⴷⴰⴷ ⴰⵖⴰⵔⵉⵎ ⴰⵙⴻⵏⵙⴻⵍⴽⵉⵎⴰⵏ, ⴰⵔⴰ ⵢⴻⵙⵙⵉⵡⴹⴻⵏ ⵖⴻⵔ ⵜⵉⴼⴽⵉ ⵏ ⵡⴰⵔⵔⴰⵜⴻⵏ ⵏ ⵜⵍⴰⵍⵉⵜ, ⵏ ⵜⵎⴻⵜⵜⴰⵏⵜ ⴰⴽⴽⴻⴷ ⵡⵉⴷ ⵏ ⵜⵉⵙⵙⵓⵍⵢⴰ ⴷⴻⴳ ⵜⵖⵉⵡⴰⵏⵜ ⵉⵖⴻⵔ ⵉⵔⵓⵃ ⵓⵖⴻⵔⵎⴰⵏ.
