ⴰⵙⴻⴱⵜⴻⵔ ⴰⵎⴻⵏⵣⴰⵡⵉ
ⵜⴻⴱⵖⴰ ⴰⴷ ⵜⴼⴰⵔⴻⵚ ⵎⴰⵍⵉ ⵙⴻⴳ « ⵜⴻⵔⵎⵉⵜ ⵎⴻⵖⵖⵔⴻⵏ » ⵏ ⵍⴻⵣⵣⴰⵢⴻⵔ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵜⵔⴻⵎⵎⵉⵖⵜ (ⵜⵔⴰⵧⵔⴻ)
ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵢⵓⵍⴻⵙ ⵉⵡⴻⴽⴽⴻⴷ-ⴷ ⵓⵏⴻⵖⵍⴰⴼ ⴰⵎⴰⵍⵉ ⵏ ⵜⵖⴻⵍⵍⵉⵙⵜ ⴷ ⵓⵃⵓⴷⴷⵓ ⴰⵖⴰⵔⵉⵎ, ⵙⴰⵍⵉⴼ ⵜⵔⴰⵧⵔⴻ, ⴰⵙⵙ ⵏ ⵍⴻⵜⵏⵉⵢⴻⵏ ⴷⴻⴳ ⵍⴻⵣⵣⴰⵢⴻⵔ, ⴷⴰⴽⴽⴻⵏ ⵜⴰⵎⵓⵔⵜ-ⵏⵏⴻⵙ ⵜⴻⴱⵖⴰ ⴰⴷ ⵜⴻⵙⵎⴻⵍ ⵜⵉⵛⵛⵓⵔⴽⴰ ⵜⴰⵖⴻⵍⵍⵉⵙⴰⵏⵜ ⴷ ⵍⴻⵣⵣⴰⵢⴻⵔ ⵢⴻⵔⵏⵓ ⴰⴷ ⵜⴼⴰⵔⴻⵚ ⵙⴻⴳ « ⵜⴻⵔⵎⵉⵜ ⵎⴻⵖⵖⵔⴻⵏ » ⵏ ⵍⴻⵣⵣⴰⵢⴻⵔ ⴷⴻⴳ ⵢⵉⵎⴻⵏⵖⵉ ⵎⴳⴰⵍ ⵜⵔⴻⵎⵎⵉⵖⵜ.
« ⵏⴻⵙⵄⴰ ⴰⵛⴻⵏⴳⵓ ⴷ ⵓⵛⵔⵉⴽ ⵉⵙⴻⵎ-ⵏⵏⴻⵙ ⵜⴰⵔⴻⵎⵎⵉⵖⵜ (ⵉⵔⵀⴰⴱ). ⵍⴻⵣⵣⴰⵢⴻⵔ ⵜⴻⵙⵄⴰ ⵜⴰⵔⵎⵉⵜ ⵎⴻⵖⵖⵔⴻⵏ ⴷⴻⴳ ⵡⴻⵏⵔⴰⵔ-ⴰ. Ɣⴻⴼ ⵡⴰⵢⴰ, ⵙⵙⴻⴱⴱⴰ ⵜⴰⴳⴻⵊⴷⴰⵏⵜ ⵏ ⵜⴻⵔⵣⵉ-ⵉⵏⵓ (…) ⴷ ⵜⴰⵎⵓⵙⵙⵏⵉ ⵏ ⵡⴰⵏⴷⴰ ⴰⵢ ⵏⴻⵣⵎⴻⵔ ⴰⴷ ⵏⴰⵡⴻⴹ ⴷⴻⴳ ⵓⵙⵙⴻⵎⵖⴻⵔ ⵏ ⵡⴻⵎⵢⴰⵍⴻⵍ ⴰⵖⴻⵍⵍⵉⵙⴰⵏ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ ⵎⴰⵙⵙ ⵜⵔⴰⵧⵜⴻ ⴷⴻⴳ ⵜⴳⴰⵔⴰ ⵏ ⵓⴷⵉⵡⴻⵏⵏⵉ-ⵏⵏⴻⵙ ⴷ ⵓⵏⴻⵖⵍⴰⴼ ⵏ ⵜⵖⴰⵡⵙⵉⵡⵉⵏ ⵏ ⵍⵎⴻⵖⵔⴻⴱ, ⴰⴱⴷⴻⵍⴽⴰⴷⴻⵔ ⵎⴻⵙⵙⴰⵀⴻⵍ.
« ⵍⴰ ⵏⴻⵙⵙⴻⴼⵔⴰⵢ ⴰⴷ ⵏⴻⵙⵙⴻⵊⵀⴻⴷ, ⴷ ⵍⴻⵣⵣⴰⵢⴻⵔ, ⵜⴰⵖⴻⵍⵍⵉⵙⵜ-ⵏⵏⴻⵖ ⴷⴻⴳ ⵓⴽⴰⵜⴰⵔ ⵏ ⵜⵉⵛⵛⵓⵔⴽⴰ ⴰⵏⵥⵓⵍ-ⴰⵏⵥⵓⵍ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
ⵢⴻⵙⵙⴰⵡⴻⵍ ⵎⴰⵙⵙ ⵜⵔⴰⵧⵔⴻ ⴷ ⵎⴰⵙⵙ ⵎⴻⵙⵙⴰⵀⴻⵍ ⵖⴻⴼ ⵜⴻⴳⵏⵉⵜ ⵜⴰⵖⴻⵍⵍⵉⵙⴰⵏⵜ ⴷ ⵓⵙⵙⴻⴹⵔⵓ ⵏ ⵡⴻⵎⵜⴰⵡⴰ ⵏ ⵜⴰⵍⵡⵉⵜ ⴷ ⵡⴻⵎⵙⵓⵖⴰⵍ ⴷⴻⴳ ⵎⴰⵍⵉ ⴰⵢ ⴷ-ⵢⴻⴼⵔⵓⵔⵉⵏ ⵙⴻⴳ ⵍⴻⵎⵛⴰⵡⵕⴰⵜ ⵏ ⵍⴻⵣⵣⴰⵢⴻⵔ, ⴰⵎ ⵡⴰⴽⴽⴻⵏ ⴰⵢ ⵢⴻⵔⵔⴰ ⵜⴰⵊⵎⵉⵍⵜ ⵉ ⵍⴻⵣⵣⴰⵢⴻⵔ ⵖⴻⴼ « ⵍⵡⴻⵍⵀⴰ ⴰⵢ ⴷ-ⵜⴻⵔⵔⴰ ⴷ ⵡⴻⴷⵀⴰⵍ-ⵏⵏⴻⵙ ⵢⴻⵣⴳⴰⵏ ⵉ ⵡⴻⵖⵔⴻⴼ ⴰⵎⴰⵍⵉ ⴷ ⵡⴻⵔⴽⴰⴷ ⵏ ⵜⵎⵓⵔⵜ-ⴰ ⵜⴰⵡⴻⵍⵜⵎⴰⵜ (ⵎⴰⵍⵉ) ».
ⵉ ⵍⵎⴻⵏⴷ ⵏ ⵡⴰⵢⴰ, ⵢⴻⵙⵎⴻⴽⵜⵉ-ⴷ ⵓⵏⴻⵖⵍⴰⴼ ⴰⵎⴰⵍⵉ ⵙ ⵔⵔⴱⴻⵃ ⵏ ⵜⴻⵎⵍⵉⵍⵉⵜ ⵏ ⵡⴻⵙⵡⵉⵔ ⵓⵏⵏⵉⴳ ⵏ ⵓⵙⴻⵇⵇⴰⵎⵓ ⵏ ⵡⴻⴹⴼⴰⵔ ⵏ ⵡⴻⵎⵜⴰⵡⴰ ⴰⵢ ⴷ-ⵢⴻⵍⵍⴰⵏ ⴰⵙⵙ ⵏ ⵍⵊⴻⵎⵄⴰ ⴷⴻⴳ ⴱⴰⵎⴰⴽⵧ ⴷⴷⴰⵡ ⵜⵙⴻⵍⵡⵉⵜ ⵏ ⵍⴻⵣⵣⴰⵢⴻⵔ.
« ⵜⵉⵎⵍⵉⵍⵉⵜ-ⴰ ⵜⴻⴵⴵⴰ-ⴰⵖ ⴰⴷ ⵏⴰⵡⴻⴹ ⵖⴻⵔ ⵜⵉⴼⵔⴰⵜⵉⵏ ⴰⵢ ⵏⴻⵙⵙⴰⵔⴰⵎ ⴰⴷ ⴰⵖ-ⴵⴵⴻⵏⵜ ⴰⴷ ⵏⴰⵡⴻⴹ ⵖⴻⵔ ⵢⴻⵙⵡⴰⵏ-ⵏⵏⴻⵖ ⵙ ⵡⵓⴳⴰⵔ ⵏ ⵜⵖⴰⵡⵍⴰ », ⵖⴻⴼ ⵡⴰⴽⴽⴻⵏ ⴰⵢ ⴷ-ⵢⴻⵏⵏⴰ.
