Asebter amenzawi

FLN: tam (8) ineɣlafen d-ibedden ɣer tefranin tiwamniyin n 4 mayu

LEZZAYER TAMANAɣT- Amaray amatu ukabar n Tirni n weslelli aɣelnaw (FLN) Djamel Ould Abbes iwekked-d ass n letniyen di Lezzayer tamanaɣt d akken tam (8) ineɣlafen, d imeɣnasen ukabar ssersen ikaramen n tbeddi ɣer tefranin tiwamniyin ara d-yilin di 4 mayu d-iteddun.

Mas Ould Abbes yessefhem-d deg yiwet n temlilit d yimawlan isallen ɣer taggara n wesbeddi n tseqqamutt taɣelnawt ukabar yettukelfen s wezraw n yikaramen d-yettuqeddmen, d akken "tam ineɣlafen unabaḍ yellan akka tura yellan daɣen d imḍebbṛen deg ukabar",ssersen ikaramen akken ad ttekkin di tefranin tiwamniyin d-iteddundi twilayin-nsen", am wakken d-iwekked daɣen belli amḍan-agi d win ara yennernin deg wussan d-iteddun".

Wid yessersen ikaramen-nsen, aneɣlaf umesni d yimuhal izuyaẓ Boudjemaa Talai, aneɣlaf n tdawsa,imezdaɣ d ubeddel n tmuɣli taṣbiṭaṛant Abdelmalek Boudiaf, taneɣlaft yettukelfen s wassaɣ akk d wemni Ghania Eddalia, aneɣlaf useggem n wakal, n tmerrit d teḍfi Abdelouahab Nouri, uneɣlaf n tkerrazt d unegmu d ṣṣyada Abdeslam Chelghoum, uneɣlaf uselmed aɛlayan d unadi ussnan Tahar Hadjar, uneɣlaf n teɣbula n waman akk d twennaḍt Abdelkader Ouali akk d tneɣlaft yettukelfen ɣer uneɣlaf n tmerrit d teḍfi Aicha Tagabou.