ⴰⵙⴻⴱⵜⴻⵔ ⴰⵎⴻⵏⵣⴰⵡⵉ

ⵀⵓⴷⴷⴻⵏ ⵙⴹⵉⵙ ⵏ ⵜⵏⴰⴼⴼⴰⵔⵉⵏ ⵏ ⵢⵉⵔⴻⵎⵎⴰⵖⴻⵏ ⴰⵙⵙ ⵏ ⵙⵙⴻⴱⵜ ⴷⴻⴳ ⴱⵓⵎⴻⵔⴷⴰⵙ (ⴰⵖⵍⵉⴼ ⵏ ⵜⴻⵎⵃⴰⴷⴷⵉⵜ)

ⵍⴻⵣⵣⴰⵢⴻⵔ ⵜⴰⵎⴰⵏⴻⵖⵜ – ⵜⵀⵓⴷ ⵢⵉⵡⴻⵜ ⵏ ⵜⵙⴻⵏⵙⵉⵔⵜ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ, ⴰⵙⵙ ⵏ ⵍⵃⴻⴷⴷ ⴷⴻⴳ ⴱⵓⵎⴻⵔⴷⴰⵙ ⴰⴽⴽⴻⴷ ⵍⴱⴻⵔⴵ ⴱⵓⵄⵔⴰⵔⵉⴵ, ⵙⴹⵉⵙ (6) ⵏ ⵜⵏⴰⴼⴼⴰⵔⵉⵏ ⴰⴽⴽⴻⴷ ⵢⵉⵡⴻⵜ ⵏ ⵍⵎⵉⵏⴰ ⵢⴻⵜⵜⵡⴰⵎⴻⵀⵍⴻⵏ ⵙ ⵓⴼⵓⵙ, ⵉ ⴷ-ⵢⴻⵏⵏⴰ ⴰⵙⵙ ⵏ ⵜⵜⵍⴰⵜⴰ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ, ⴷⴻⴳ ⵢⵉⵡⴻⵏ ⵏ ⵓⵍⵖⵓ.

‘’ⴷⴻⴳ ⵓⴽⴰⵜⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵏ ⵢⵉⵔⴻⵎⵎⴰⵖⴻⵏ, ⵢⵉⵡⴻⵜ ⵏ ⵜⵙⴻⵏⵙⵉⵔⵜ ⵜⵓⵛⵔⵉⴽⵜ ⵏ ⵜⵔⴻⴷⵙⴰ ⵜⴰⵖⴻⵍⵏⴰⵡⵜ ⵜⴰⵖⴻⵔⴼⴰⵏⵜ ⵜⵀⵓⴷ ⴰⵙⵙ ⵏ 12 ⴼⵓⵔⴰⵔ 2017, ⴷⴻⴳ ⴱⵓⵎⴻⵔⴷⴰⵙ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⴰⵎⴻⵣⵡⴰⵔⵓⵜ), ⵙⴹⵉⵙ (6) ⵏ ⵜⵏⴰⴼⴼⴰⵔⵉⵏ ⵏ ⵢⵉⵔⴻⵎⵎⴰⵖⴻⵏ, ⵎⴰ ⴷ ⵢⵉⵡⴻⵜ ⵏ ⵜⵙⴻⵏⵙⵉⵔⵜ ⵏⵏⵉⴹⴻⵏ ⵜⵓⴼⴰ ⵙⴰⴽⵉⵏ ⵜⵀⵓⴷ ⵢⵉⵡⴻⵜ ⵏ ⵍⵎⵉⵏⴰ ⵢⴻⵜⵜⵡⴰⵎⴻⵀⵍⴻⵏ ⵙ ⵓⴼⵓⵙ ⴷⴻⴳ ⵍⴱⴻⵔⴵ ⴱⵓⵄⵔⴰⵔⵉⴵ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 5)’’, ⵉ ⴷ-ⵢⴻⵙⵙⴻⴷⴷⵉ ⵓⵖⵍⵉⴼ ⵏ ⵜⴻⵎⵃⴰⴷⴷⵉⵜ ⵜⴰⵖⴻⵍⵏⴰⵡⵜ.

‘’ⴷⴻⴳ ⵓⴽⴰⵜⴰⵔ ⵏ ⵓⵎⴻⵏⵏⵓⵖ ⵎⴳⴰⵍ ⵓⵙⴻⵜⵜⵉ ⴰⴽⴽⴻⴷ ⵜⵉⵏⵏⵖⵉ ⵜⵓⴷⴷⵉⵙⵜ, ⵉⴼⴻⵔⴷⵉⵙⴻⵏ ⵏ ⵜⴻⵎⵙⴻⵜⵍⴰ ⵜⴰⵖⴻⵍⵏⴰⵡⵜ ⴰⴽⴽⴻⴷ ⵜⵉⴹⴰⴼ ⵏ ⵜⵍⵉⵙⴰ ⵟⵟⴼⴻⵏ ⴷⴻⴳ ⵜⵍⴻⵎⵙⴰⵏ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 2) 130 ⵏ ⵢⵉⴽⵉⵍⵓⴳⵔⴰⵎⴻⵏ ⵏ ⵍⴽⵉⴼ, ⵎⴰ ⴷ ⵉⴼⴻⵔⴷⵉⵙⴻⵏ ⵏ ⵜⵉⴹⴰⴼ ⵏ ⵜⵍⵉⵙⴰ ⵏ ⴱⵏⵉ ⵡⴻⵏⵏⵉⴼ, ⵜⴰⵡⵉⵍⴰⵢⵜ ⵏ ⴱⴻⵛⵛⴰⵔ (ⵜⴰⵎⵏⴰⴹⵜ ⵜⴰⵙⴻⵔⴷⴰⵙⴰⵏⵜ ⵜⵉⵙ 3) ⵟⵟⴼⴻⵏ 26,240 ⵏ ⵢⵉⴽⵉⵍⵓⴳⵔⴰⵎⴻⵏ ⵏ ⵍⴽⵉⴼ’’, ⵉ ⵜⴻⵔⵏⴰ ⵜⴻⵏⵏⴰ-ⴷ ⵜⴻⵖⴱⴰⵍⵓⵜ-ⵏⵏⵉ.